العشق السرمدي

الجزء 41

🍒 الفصل الأول:بدونك لا اهوى الوجود

وصلات السيارة فراس الجبل قدام الحافة وتحتها البحر، نزلات سحر وجلسات فالحافة وتبعها دانييل جلس حداها كان الضلام حالك والبحر لونو كحل كيتسمع غير صوت المواج لي كيتضرب فالصخر، شعل دانييل بيل طيليفون عانداك يديرو شي حركة ويلقاو راسهم مليوحين من تما ،دار براسو شاف فسحر لقاها كتشوف فالبحر وهادية ماتقولش هادي ليعطات قتلة ن مانستر

دانييل: علاش جايبانا لهنا

سحر: نتا عارفني عزيز عليا نتكالما

دانييل: مابقيت عارف والو، واش كتبغي تكالماي واش كاتبغي تقاتلي مافهمت فيك والو

سحر تنهدات: تانفهم انا راسي بعدا ونفهمك،

دانييل: ناري طيحتيه كاو موحال يقدر يوقف مرة خرا

سحر: داكشي لي بغيت باش عمرو يقدر يح*وي شي وحدة ياك هادشي لي كيديرو البنات هانا درتلو حاجة خرا

دانييل: واسكتي عنداك  نشد مك انا هنا نحو*يك

سحر بابتسامة : كون بغيتي تديرها كون درتيها  هادي ست سنين ملي دخلت نالوكر ديالك بالغلط

دانييل: ههههههه كنتي كي لفلوسة صغيرة وكترعدي خايفة ودميعااات هابطييين هههههه

سحر:  كتضحك ندي*نمك رجالك جاريني بحالا لقاو رئيسة العصابة لي كتنافسكم قتلوني بالخلعة يعطي لمهم العاداب

دانييل: ههههههه واراك دخلتي لأخطر حي فأمريكا ماشي أي واحد يقدر يدخليه مقر دمافيا عالمية البوليس عمرهم قدرو يعتبو تما

سحر: وانا اش عرفني بقيت غادا حتا لقيت راسي تالفا بغيت نرجع ماعرفتش الطريق مافهمتش حتا لقيتهم دايرين بيا

دانييل: الحمد لرب ملي لقاواك وجابوك ليا نتصرف فيك ماداوكش قصرو بيك

سحر: وعلاش زعما نتا عاونتيني ومافكرتيش تكرفص عليا

دانييل: حيت كنتي صغيرة وفكرتيني فختي وانا ماكانتخايلش شي حد يقيس ختي ،وزايدون انا ماكانغتاصبش ملي كنبغي كيجيو بخاطرهم

سحر: اممم  وبسباب هاد الحادتة كنت مصرة نتعلم القتال وندافع على راسي

دانييل: الصاراحة وليتي تخلعيني غير كتبداي تقاتلي كترجعي وحدة خرا بحالا كتسكني نخاف غير شي نهار دوري ليا الصمطة حتا انا

سحر: ماعمرو التلميذ كيتفوق على الأستاذ ديالو

دانييل حرك راسو: يقدر التلميذ يتفوق على الأستاذ ،وزايدون انا وريتك غير الأساسيات نتي لي دفنتيي راسك فالتداريب حتا وليتي بهاد المستوى

سحر: كان بزز مني ندفن راسي باش نهرب من نفسي لنفس جديدة ومن جسدي نهاد الجسد بزز مني نتجرد من الضعف ونلتاجئ نالقوة