العشق السرمدي

الجزء 44

🍒 الفصل الأول: بدونك لا اهوى الوجود

ناضت ذكرى نزلت لتحت وليليان دخلات الحمام عمرات البانيو بالماء سخون ودارت فيه جيل بريحة ورد  الياسمين قلعات حوايجها ودخلات فالما غمضات عينيها وتنهدات باش تخرج الطاقة السلبية بقات فهدوء متكية حتا حست براسها رتاحت وناضت تحت الشاشة غسلت شعرها مزيان وغسلات جسمها  بالباندوش وتلوات بالفوطة خرجت جبدات سروال توب لون اسود كيجي طالع حتا الكرش مزير ومبين لا طاي ديالها مؤخرة كبيرة باينة ،لبسات لفوق طوب قصير سميطات فالغوز بيبي كيجي فوق الكرش مسحت شعرها مزيان ودوزات  عليه بالبلاكة حتا ولا مسبسب و وجهها مادارت فيه والو كتافات غير بكريم مرطب اصلا وجهها صافي كيشقشق  ودارت غير كلوز لفمها بانو شنيفاتها كيبريو
لتحت كانو كلهم حاضرين جالسين فصالون عصري ف فوطويات ، كانت ذكرى قدام مراد و بلقيس وياسين وعصام شاد تيلي مخنزر وأماني قدامو و سلمان حداه براءة وأكرم
مراد: فين ليليان مانازلاش

ذكرى: خليتها كتدوش شوية وتنزل

مراد: خاصنا نوضعو حد لهادشي ليوما

عصام علا راسو: حتا يجي هداك ونتفاهمو على كلشي

باقي كيهدر حتا دخل يوسف من الباب مع الصالون جا مفتوح وسط القصر حتا الدروج جاو الوسط ، داخل شادة فيه اندريا مبتاسمة بالفرحة جلس قدامهم وجلست اندريا لاسقة فيه

يوسف: هانا جيت اكيد الليلة يتحل الموضوع واخا مايستاهلش كلشي باين

بغا يجاوبو عصام وهو يسكت ملي سمع صوت شيحد نازل من الدروج كلشي سكت وعلاو عينيهم حتا ضهرت ليليان نازلة بشوية على غير العادة موالفة تنزل كتدردك هابطة ملامحها هادئين وديك اللبسة جاتها طوب مبينة فصالتها ومؤهلاتها المثيرة شعرها الاورنج مطلوق على ضهرها عاطيها مضهر خلاب حنيكاتها حومر وفمها كيبان كيبري تشها تاكلو وتعضعضو بسنانك
يوسف كان مهبط عينيه غير علا راسو وهوما يخرجو عينيه ملي شافها نازلة تصدم مامصدقش عينيه شنو كتدير مروى فدارهم ونازلة من الفوق بوحدها  قال يمكن صاحبة براءة المقربة وجات عندها بقا كيشوووف فيها ماهبطش عينيه من عليها وهي مبتاسمة برقة ولكن واضح عليها الحزن معرفش واش من الحادتة دالبارح ، مشات جلست قدام مراد وذكرى

مراد عنقها جنب: بنتي كيف بقيتي مزيانة

يوسف علا حاجبو باستغراب شنو زعما واش خبراتهم على لبارح

ليليان بابتسامة : بخير الحمد لله

عصام: احمم لمهم نكملو موضوعنا شاف فيوسف شنو ناوي تدير دابا

يوسف شاف فيه ورجع شاف فليليان لي منزلة راسها فالأرض : عصاام ماشي وقت الهدرة دابا

عصام: بلعكس هادا وقتو ماحد كلنا حاضرين