العشق السرمدي

الجزء 45

🍒 الفصل الأول: بدونك لا اهوى الوجود

يوسف توتر ماباغيش يهضر فهادشي قدامها خصوصا هي عاجباه ماباغيهاش تعرفو مزوج بجوج

يوسف: عصام من بعد ونهدرو فهاد الموضوع

مراد: ماكاينش من بعد ليوم الموضوع غادي يتحل وحنا عائلة ماكاينش البراني معانا وكلشي عارف القضية

يوسف علا حاجبو متفاجئ اذن حتا هي عارفة

يوسف تنهد: نتوما عارفين من الأول كنت ماباغيهاش وغير الوليدة بززت عليا أما انا مانتزوجهاش
ليليان هبطات راسها عينيها تغرغرو كتعض فشنيفاتها

مراد: مادام وافقتي وهزيتي هاد المسؤولية كان عليك تكون قدها

يوسف: كنت قدها و بقيت ربعة سنين بعيد متغرب غير باش مانشوفهاش ومانلاقيهاش

ياسين: وهانتا جيتي دابا

يوسف: كان عليا نجي باش نحل هاد الحريرة لي طحت فيها جيت باش نوضع حد لهادشي ونتطلقو

ذكرى: ماشي بهاد الأسلوب كيهدرو ناس مالك وليتي قاصح

يوسف تنهد بحدة : الوليدة ماتزيديش فيه انا ماقلت  عيب انا ماباغييييهاااش شنو بغيتيني نزوق فالهدرة نتي لي حطيتيني فهاد المشكيل ، من الأول كنت رافض خليتيني نبقا بعيد على عائلتي بسبابها وقفت حياتي ربع سنين

ذكرى شافت ف اندريا بتهكم: ماباليش حياتك واقفة

يوسف بقا ساكت ماجاوبهاش
مراد: من هادشي كلو شنو غدير دابا

عصام: باينة شنو يدير  غدا يوجد وراق الطلاق وليليان ختي نزوجها بسيد سيدو

بلقيس: سمحلي اذا تدخلت ولكن ماكرهتش كون بقيتو بجوج مغاديش تلقا ايوسف حسن من ليليان

يوسف: عمتي منقدرش نبقا مع وحدة ماباغيهاش ماكانحس بوالو جيهتها

ذكرى: نتا عطيتي راسك فرصة تبغيها

يوسف: الوليدة واش باغاني نبغي برهوشة قد بنتي
ليليان غير ساكتة  مهبطة راسها كتصنت  وكتلعب فيديها حاسة بقلبها كيتقطع ومالاقية مادير

عصام بعصبية: اصلا ليليان ماشي بضاعة تقنعوه  بيها غدا نلقا وراق الطلاق فيدي وموقعهم

يوسف: داكشي لي بغيت نساليو هادشي فاقرب فرصة

جات الخدامة: مدام ذكرى العشاء واجد

ذكري: واخا بنتي حنا جايين عافاك طلعي كلمي ريحان تنزل

ناضو كلهم جلسو فطاولة طويلة كل واحد قدامو مراتو وسلمان واكرم قباتهم براءة وليليان نزلت ريحان سلمات وجلسات قدام ليليان
ليليان غير كتلعب فطبسيل بالها ماشي معاها
ويوسف غير حاضيها وحاضي تحركاتها كيف شادة الفورشيت بصبيعاتها البيضين الرقاق وضفيراتها نقيين غوز شعرها كيفاش هابط علي وجهها وكيفاش كتعضعض علي شنايفها، مكرهش يهدر معاها ولا يسمع صوتها
شاف فيها وشاف فريحان وبتاسم لقا كيفاش يجبدها

يوسف: احممم ماعرفتونيش على هاد الكتكوتات شكون هوما

كلشي علا راسو متفاجئين من هدرتو ليليان علات راسها مصدومة ماعرفاش علامن كيدوي

ذكرى بإستغراب : علامن كتهدر

يوسف نيش جيهت ريحان وليليان
ذكرى: واش كتضحك ايوسف

يوسف: علاش كانضحك بصح كنسول شكون

عصام دار ابتسامة جنب فهم البلان : هاديك ريحان بنت خالتك

يوسف شاف فيها وبتاسملها

عصام: وهادي ليليان  مراااتك

#يتبع

يالاه تباتو فراحة الله . انا مشيت🚶‍♀️🚶‍♀️🚶‍♀️