العشق السرمدي

الجزء 53

🍒 الفصل الأول: بدونك لا اهوى الوجود

يوم جديد
حلت ليليان نص عين  بسباب صداع ديال لالارم مدت يديها لفوق كوكيتا ضرباتها حتا سكتت ، وحركات رجليها باش تنوض ولكن ماقدراتش  حاولات وحاولات والو ماقدرتش حلات عينيها بصوعوبة كتحكهم بيديها هبطات راسها تشوف وهي تصدم لقات ريحان ناعسة فوقها ومعنقة كرشها شافت جنب لقات براءة خاشية راسها فعنقها ويديها معنقين صدرها

ليليان: مال هادو شداتم لي ماتعلم هاد الليلة،بدات كتعيط عليهم والو تقول ضابينهم ب فليتوكس بدات تغوت علي الله يفكوها من هاد الربطة لي هي فيها، وا الأميرااات واااااا الخراجااااات واااا  العامالة واا مولاي يعقوب المنصور 

ناضت براءة  مقندشة: مااااال مك نتي على هاد الغوات

براءة: وانتي نووووضي ونوضي هادي منفوقي وتوما قربتو تنكحوووني

براءة ماداتهاش فيها باقي غالب عليها نعاس دارت وكملت نعاسها

قلباات ليليان ريحان من عليها وناضت لحماام خدات دوش خفيف غير لحمها حيت عرقوها وخرجات حنيكاتها حميمرين دازت لدريسينج لبسات سروال جينز كولو مقطع وطوب من الفوق فالبيض كتافو طايحين ولبسات سبرديلا بيضة وجهها خلاتو سامبل دارت غير ايلاينر خفيييف وكلوز كيخلي الفم كيبري، رجعات لدريسينج تهز لبسة الرقص والزلاجات دالرجل مالقاتهمش عيااات تقلب والووو طيحت الحوايج كلهم وحسهم ماكيدورش

ليليان: اوييلي فين مشاااو هادو، انا مأكدة كنت حاطاهم هنا ،خرجت كتقلب فلبيت وتحت الفراش مالقاتش بدات تنوض براءة

ليليان: براءة  براءة نوضي عاافاك

براءة غايبة ماجاوبتش

ليليان بالغوات: وااااااا براااااااااااءة نووووووضيييييي

براءة خلعاتها بالغوتة ناضت قافزة: شنو شنو كاين والله ما شفرتو انا اشاااف

ليليان: اش كتقولي نتي، انوضي عاونيني قلبي معايا

براءة: اسيري بعدي مني ديري ندااء فمختافون يقلبولك عليه خليني عليك، دارت رجعت تنعس

ليليان بدات تحركها: هادي هيا دياالك يالاه بليل عاملالي فيها الأميرة ديانا، انااا معااك لوقت لي حتاجيتيني انا فجنبك فين هاد جنبي يحمرلك الجناااب ، طلات عليها لقاتها نعسات :براءة براءة

براءة : امممم دابا شنو بغيتي علاياش كتقلبي

ليليان: بغيت غير لبسة ديال لا دونص مالقيتهاش

براءة بصوت تقيل: شوفيها تمااا

ليليان: فييين راه قلبت الدريسينج ولبيت مالقيتهاش

براءة بقات ساكتة كتفكر حتا دارت عندها بشوية عاضة على شنوفتها: ح حطيتهالك مع الحواايج لي خداو لبيت يوسف

ليليان: أ أ شنووووووو  ومعامن تشاورتيي

براءة: وابغييت غير نعااونك

ليليان: طلبتها منك ، داابا شنوو غاندير شكون يجيبهالي،  البنات حتا وحدة فيهم متقدر تدق عليه علي الصباح