بوليس علي م اعتقد لازم تعمل بي شغلك قال لي الراجل بقول ان د ولدو وعاوزو انتي ف شنو عاينت لي طليقي الكان ماسك مؤتمن بي يدو وخاتي اليد التانيه ف جيبو قلت لي البوليس د ولدنا نحن الاتنين بس منفصلين قال لي د مش مشكلتي الولد اسبوع مع الراجل واسبوع معاك اي مشكله حتتسجني وطلع مشيت ع طليقي ومديت يدي عاوزه ادي كف مسك يدي قال لي هه انتي بتحملي انك تديني انا كف هه يلا استمتعي بي ارم حقتك د م عندك ولد تاني فاهمه قلت ليه لا عليك الله لا م تعمل فيني كده الله يخليك لا....
قصتي اه قصه طويله وحابه افضفض صراحه
دقيقه احكي ليكم طيب
------------------------------
لبست بسرعه لبس الموظفات بس الفرق اني لابسه اسكريت طويل لفيت الطرحه وختيت لمسات من الميكب وطلعت سلمت ع امي قالت لي حيي يا بتي استودعتك حيث ما تكوني والله يحفظك من كل شر يارب بستها وقلت ليها حشتاق ليك والله قالت لي م اكتر مني يا بت خلي بالك من نفسك طيب؟ قلت ليها حاضر يمه يلا معسلامه شلت ارم وبقيت العبها اديتها امي وقلت ليها يلا معسلامه وطلعت ركبت المواصلات وصلت المطار مشيت ع الطياره شايفه البنات واقفين مشيت سلمت عليهم ازيكم يا بنات قالت لي واي لو كنتي اتأخرتي كان حنمشي قلت ليها كويس جيت قالت لي م شاء الله اللبس جاي فيك حلو قلت ليها تسلمي كلك ذوق الطيار قال لينا يلا اركبو المسافرين حيجو ركبنا وانا اتوترت اخدت نفس وقلت حتعود ع الجو د المسافرين ركبو وريناهم مقاعدهم بعد استلمنا التذاكر وقعدو مشيت قلت لي الطيار ركبو قال لي طيب الرحله كانت موجهه لي روسيا قعدت وبقيت شغاله بالتلفون شويه لمن الطياره عاوزه تقلع الموظفه الجمبي مشت جوا عشان تنبهم وانا مشيت وبقيت اتأكد الرابط الحزام منو والفاكي منو بقيت بتلفت وبمشي لقيت في اولاد م رابطين الاحزمه وبتونسو قلت ليهم لو سمحتو الاحزمه تتربط الطياره حتقلع الان مع التنبيه ربطو الاحزمه لمن اتأكدت كلهم ربطو رجعت محلي لقيت موظفه قاعده قصادي جات قعدت جمبي قالت لي انا ريان وانتي قلت ليها بنان قالت لي اسمك غريب قلت ليها هه ايوه نادر بقت تتونس معاي لمن جات الموظفه التانيه وبقينا نتونس زي الساعه سته ونص كان مواعيد الغده رتبنا العربيه الصغننه وحتينا الاكل بنظام لفينا وهم بطلبو ومنهم البطلبو بعد يفكرو بساعه وانا بقدم وريان تمشي العربيه ف واحد من الناس الطلبو قبيل ناداني مشيت عليه قلت ليه مرحبا قال لي اسف بس انا كنت نايم والحجه ختت الغده قدامي انا م عاوز شكرا شلت الاكل منو ومشيت قعدت بفكر ف حياتي حتكون كيف شلت تلفوني وبقيت العب ريان جات قالت لي بنه الاكل قلت ليها اوك مشيت شلت عصير وكرسون جبنه اكلت ومشيت اتمشي ف الطياره بليل اديتهم البطاطين ورجعت ف حد كان بطقطق مشيت لقيت الشاب القبيل قال لي التكيف د شغال؟ قلت ليه اي دقيقه وصلحتو ع جهتو قال لي شكرا قلت ليه العفو قال لي اسمك منو انتي قلت ليه ااا بنان اي بنان فكا الحزام بطريقه سريعه وقف عاينت حوليني بخوف لقيت الانوار مقفله واي زول نايم أخذت نفس وكنت عاوزه امشي مسك يدي قال لي بنان قلت ليه لو سمحت فكني قال لي بنان انا اسيم عقدت حواجبي بستغراب قلت ليه اسيم؟ م بتذكرك قال لي انا صحبك الكان ف الجامعه وسافرت وطلعو اشاعه اني مت عشان سافرت بدون اكلمك بنان انا اسف كنت متضطر ولمن عدت سنين ونزلت السودان سألت منك م لقيتك نهاي والله وهسي راجع روسيا عقدت حواجبي وقلت ليه اسيم.؟ 💔اسيم انت حي..
*فلاش باك*
يعني يا اسيم حتمشي تخليني لمنو منو البصحيني ويقول لي رسلي لي اكل انا جعانه منو حيهظر معاي ويقول لي صوتك م زي البنات فيه حبه خشونه منو الحيقول لي بقيتي سوده الشمس طقتك ويقعد يكاويني لالا ي جماعه انتو كذابين اسيم م بموت يخليني اسيم م بموت م بموت اسيم رغده مسكتني قالت لي اسيم مات يا بنان سندك مات حسيت انفاسي حتقيف للحظه وراسي لفه وبطني وجعتني شديد غمضت شديد وياريت اصحا من الحلم د وم يكون مات ياريت بس ابدا عشت ايام عمري م عشتها ولا كنت بتمني اعيشها كنت مكتئبه شديد وم طايقه حد كيف يموت طيب مات كيف ودفنو متين اخ يارب لمن مرقت سألت امي من بيت البكاء قالت لي م فارسين قالو قلت ليها اخخ يا امي اسيم وقعدت ف رجولها قالت لي لازم تمشي لأمه تما اسبوع مشيت ليهم م فتحو رجعت البيت مستغربه حتى مف صوت سألت ابوي قال لي قالو سافرو امهم مرضت شكلو موت ولدهم إثر عليهم سكت ودخلت غرفتي قعدت ف السرير وسرحانه
اسيم بطل اديني اسكريمك د لي تجيب لنفسك شوكلاته ووانا فانليا م عاوزه أبيت ضحك قال لي طيب هاك شلت حقو وبقيت اكل فيه براحه لانه بارد قال لي ماشي اجيب اسكريم قلت ليه لا اكل حقي ضحك كتير بعدها شال حقي وبقا ياكل قال لي م بحب الفانليا افتكرتك بتحبيها قلت ليه م بحبها قال لي طيب م تكشري اكلي عشان عاوز اديك حاجه قلت ليه قول والله قال لي والله قلت ليه طيب أكلنا وبقينا نتونس قال لي هاك اداني كيس صغنن قال لي يلا م فتحته لمن وصلني البيت ومشيت دخلت غرفتي استحميت وطلعت فتحت الكيس لقيت اسكريم وسايح ضحكت ضحك وختيته ف الفريزر وبقيت اضحك قلت والله اسيم متخلف ياخ..
وعيت ع نفسي وانا بتوجع من العضه لقيت نفسي عاضه يدي لمن حمرت اخدت نفس عميق وبكيت اي بكيت لمن عيوني حمرت عشت حياه بدون روح بدون اسيم 💔
*#نرجع....*
قال لي بنان قلت ليه مستحيل ولفيت وبقيت اقول واي ي بنان انتي بتحلمي كتير بقيتي واي ياخ م جاده ولا شنو لفتني قال لي بنان اشتقت لك اخدت نفسي بصعوبه وانا بحاول استوعب قلت ليه اسيم انا بحب الفانليا؟ قال لي لا م بتحبيها قلت ليه اسيم اشتقت ليك ودموعي نزلو بقيتي ابكي هو م عرف يعمل شنو بقا يهدي فيني قال لي حقك علي إسف م حخليك تاني قلت ليه سافرت خليتني يا اسيم قال لي والله كنت بين الحياه والموت بحكي ليك بعدين قلت ليه طيب مشيت قعدت ريان قالت لي بنان؟ مشيتي وين قلت ليها اديت واحد بطانيه..
*وعندما كنت أريدك ف الضوضاء التي صدرت ف روحي كنت أريدك ف ليلي الدامس ونجومي الخافظه أين كنت؟ لا تقل اني معك وانت ك بعد السماء عن الارض*
*...يتبع...*
