العشق السرمدي

الجزء 60

🍒 الفصل الأول: بدونك لا اهوى الوجود

عند ليليان نزلات من الطوموبيل هازا فيديها صاك لي فيه لبسها ودخلت لمدرسة دالرقص كتنقز كلها حماس باش تبدا حياة جديدة  وتحقق حلمها يمكن مافرحاتش فحياتها العاطفية فعلاش ماتحاولش تلقا نفسها وتنمي موهبتها ،

وقف يوسف قدام الباب ونزل حتا هو قارن حجبانو كيشوف بعينيه المبنى لي دخلات ليه كان علي شكل فيلا صغيرة لونها ذهبي وتصميمها خرافي  صغر عينيه مزيان  فلافيش لي علي الباب مكتوب عليها اسم مدرسة  ،وحدا الباب مجسم منحوت لشاب لابس قاميجة وسروال كلاسيك وفرجليه زلاجات وهاز فيديه  بنت من جنابها معليها لفوق مطيرها فالسماء  لابسة كسوة قصييرة وفرجليها زلاجات  ومعليا يديها لفوق ، بقا كيشوووف وهو قارن حجبانو ضغط علي يديه بشكل لكمة وغزز على سنانو  طلع بخطوات سريعين باغي يتأكد هادشي لي فبالو واش بصح ولا نو

فمكان اخر جالسين سلمان وبلقيس جنب واحد النهر جا خارج المدينة كان جو هادئ الدنيا كلها خضرة وريحة الطبيعة ماليا المكان كتخلي الإنسان يشعر براحة وسكينة ولكن هاد الشعور كيحس بيه غير الإنسان الطبيعي ماشي وحدة  عاشت نص حياتها فعذاب عشرين سنة وهي كتقاصي وكتواسي نفسها علي امل غادي يجي النهار لي تشوف فيه بنتها وتضمها وتشم ريحتها لأول مرة بعدما كبرات لكن ورا هادشي لي طرا ليوم تزعزع هاد الأمل ودخل معاها احساس بالرعب والإحباط ماباغاش تتيق بلي بنتها ماتت عمرها ماتيقات لكن بعد اليوم زارها خوف شديد

جلس سلمان قداما وعنقها من كتافها واضع راسها علي صدرو بحنان

سلمان تنهد: الواليدة غادي تبقاي تبكي نهار كلو مضروكش عينيك

بلقيس حركات راسها بلا: مابغيتش نحبس البكا حتا يوقف قلبي ونمشي عند بنتي

سلمان مد يديه وشدليها حناكها: تمشي وتخلينا وتسخاي بينا ، انا بعدا منقدرش نعيش بلا بيك حتا دقيقة وزايدون هي عايشة فين باغيا تمشي عندها

بلقيس علات عينيها بسرعة كتشوف فيه بنضرات أليمة باغيا تيق بكلامو باغاه يرجع ليها الأمل لي بدأ ينداثر عينيها الزورق رجعو فحال الجمرة دموعها مامتحكماش فيهم تمتمات بصعوبة

بلقيس: ع ععاود شنو قلتي

سلمان بتاسم: مازالة عايشة

بلقيس: ممنين عرفتيها

سلمان حط يديه على قلبها: قلبك قالها ليا

بلقيس : حتا حد فيهم مابقا تايق فقلبي علاش نتا تايق فيه

بلقيس: حيت عمر قلبك ماكذب عليا، طول حياتي ولمدة 30 سنة أي حاجة كتنصحيني بيها كتكوني فيها علي حق ومن ديمة كنتبع احاسيسك ونهار كنمشي ضد قلبك كندخل فحيط 

بلقيس ببكاء : انا دابا لي مابقيتش تايقا فيه أهئ أهئ أهئ  ملييييييت من الإنتذار أهئ أهئ مليت من حياتي لي خليتها مركونة جنب كرهت هاد الضلام أهئ أهئ بغيت نوض من هاد القبر لي نعست فيه 20 سنة بغييت نعيييش ونضحك من قلبيى أهئ هههننن ( كتشهق) ببغيت ن نننضمهاا لصدي ونشم ريحتها بغييت نشوف عينيها الزورق فحال السماء الصافية بغيت نقيس خدودها ونشبع فيها بوسان  بغييييتهااا أهئ أهئ بغيييت بنتيييييي اسلمااان

سلمان ضمها كيطبطب علي ضهرها: شوووووو غدي نلقاوها كنواعدك بنتك غادي ترجع مادمتي حاسا بيها عايشة ادن غادي نلقاوها

الرقص على الجليد

#يتبع