العشق السرمدي

الجزء 61

🍒 الفصل الأول: بدونك لا اهوى الوجود

عند يوسف دخل بخطوات سراعين من باب ليكول عينيه متابتينش كيدورو من جهة لجهة باغي غي امتى يشوفها ،تفيكساو عينيه على لاصال ديال دانص كانت عبارة عن  حلبة كبيرة فالوسط من الجليد لونها كيلمع داير بها مقاعد الجمهور لونهم أحمر؛ الاضاءة كانت قوية مخليا الحلبة يبان بريقها ولونها الأبيض يتزاد نصاعو كان منضرها كيخطف الأنفاس كتخليك تدخل لجو اخر وتحس انك فعالم تاني حقق عينيه  وسط الحلبة بان ليه جوج دراري لابسين انيق وبجوجهم دايرين زلاجات فرجلهم ؛واحد كان اصغر من التاني لي كان فسن ليليان ، واقفين   كيستناو ليليان تخرج من الفيستيار  وماهي إلا تواني حتا سمع صوت الخطوات جايين من الجهة التانية تخبا من ورا واحد الحيط عاطي راسو فرصة يشوف على خاطرو ويعرف شنو كانت كتدير فحياتها قبل مايعرفها وشنو ناويا ترون فحياتها ادا كان تهور وطلقها
ليليان كانت جايا  حفيانة على  صبيعات رجليها البيضين، وضفيراتها النقين تعصر فيهم الدم ولاو لونهم غوز لابسة كسوة قصيرة كتبري فوق الفخاض مغطية غير المؤخرة بشوية ؛تحت منها ميني شورط قصير علي شكل كيلوط  فخاضها مليانين لونهم ناصع البياض وليهونش خارجين  من الكسوة  باينة هازة  ومن الفوق كانت سميطات وصدرها نصو عريان معليا  شعرها لفوق علي شكل كعكة وفيديها حداء التزلج مبتاسمة قربت الحلبة فين كيستناها المدرب و وائل سلمات عليهم بلابيز

المدرب : مالكي علا هاد الروطار ماغاداش تنضابطي فالوقت أديك الجنية

ليليان قلبات عينيها: مالني نطير

المدرب: وهاد رضان الهضرة ماغاديش تسالي منو

ليليان بطنز : هاااء توما جبدوني وملي نجاوبكم تقلقو

المدرب: تحركي خلينا نساليو  هاد التداريب المسابقة مابقالها والو مانبغي والا غلطة نهار ليفينمون،  المسابقة غادي تكون مصيرية غادي تفوز مدرسة وحدة فالمغرب ومدراستنا ختارتكم بجوج تمتلوها عندنا  كامل التقة فيكم بلي غادي تحمرولنا وجهانا  ،يالاه وريوني آخر رقصة تدربنا عليها باش نصلحو الأغلاط ادا رتاكبتوهم

تقدمات ليليان مع وائل وسط الحلبة فردو جسمهم وعلاو كتافهم، وائل يد شد بيها يديها ويد قربها من خصرها ليه، وشرعو فالرقصة بحركات سلسة ومتمرسة كيتحركو فحالا فراشات وسط حقول الورود، عايشين فعالم تاني، وائل متحكم فليليان كيف بغا غير بيديه  كيحركها ويدورها كيعليها لفوق فالهوا ويرجع يحطها ويدورو وسط الحلبة برجل واحد باين عليهم الإنسجام وأنهم فاهمين بعضياتهم غير العينين وأي حركة كيديروها بجوج فنفس التانية ، فهاد اللحضة كان يوسف مازال واقف باينة عليه مغدد و مفقوص جالس كيتحلف فيها
يوسف :غي صبري عليا والله يا مك على ماعاودتلك التربية 
قال هاد الجملة و بقا كيشوف فيهم بنضراات خبيتة كيخطط

بعد اسبوع :                
                     
في مكتب كبير وفجم طراز كلاسيكي الوانو بين الأسود والأبيض والمارو جالس مراد على البيرو باين عليه متوتر كيضرب بصبعان يديه علي البيرو وكيشوف فالساعة لي فيديه
تفتح باب المكتب ودخل بجسمو الضخم لابس كوستيم فالأزرق الغامق مخنزر باين عليه معصب واصلة ليه لطوب ماحاملش راسو

مراد: اخيييرا جيتي ،الإجتماع بقات ليه خمسة دقايق ماكنتيش ناوي تجي

عصام: نتا عارفني ماهامانيش هاد الصفقة ولا هاد الشركة نتا لي مانعرف مالك

مراد: ياكما ناسي هادي شركة خووويااا  الله يرحمو وكانت عزييزة عليه مايمكنش نخليها تضيع وأنا كانشوف

عصام :(بتهكم ) بنتو لي بنتو ومامهتماش عايشة حياتها مامسوقاش لشركة باباها ،وحنا مبرزطين راسنا باش نرجعو لي كليون

مراد: ادا مامهتماش وماباغاش ترجع عندها اسبابها

عصام بعصبية: عوتاني غادي نبداو هاد ليسطوار وتقول بسبابي ماباغاش ترجع

مراد: عصاااام ماشي وقت نهضرو فهاد الموضوع دابا ،داكشي داز وفات عليه 5سنين حنا دابا فالحريرة دالشركة ماشي فمشاكيلكم

دخلت الكاتبة قطعاتلهم الحديت:موسيو مراد قاعة الإجتماعات واجدة وسي مايكل راه بانتظاركم
وقف مراد و عصام متاجهين للقاعة