Bring My Soul To The Universe

အပိုင်း(၁၆)

အိမ်မက်တွေလား။ စိတ်ကူးယဉ်မှုတွေလား။ ရင်ခွင်ထဲမှာမှေးစက်နေတဲ့ဂျူဟျွန်းကို ဆူးလ်ဂီတကယ်ပဲပိုင်ဆိုင်ခဲ့တာလား။ အို...ထင်ယောင်ထင်မှားဆိုစေဦးတော့။ အခုဂျူဟျွန်းကဆူးလ်ဂီပျိုးထားတဲ့ပန်းခင်းထဲရောက်နေပြီပဲ။ ဆူးလ်ဂီအချစ်တွေနဲ့ဂျူဟျွန်းထွက်မပြေးနိုင်အောင်ထားရတော့မှာပဲ။ တစ်နေ့တော့ ဂျူဟျွန်းပါးစပ်ဖျားကနေ "ချစ်တယ်"ဆိုတဲ့စကားကိုကြားရနိုင်မှာပါ။

"နိုးပြီလား ဂျူဟျွန်း"

ယုန်‌အကောင်ပေါက်လေးကို အမြဲထွေးပွေ့ထားချင်စရာ။ မျက်လုံမဖွင်သေးဘဲခေါင်းငြိမ့်နေသည့် ဂျူဟျွန်းက ဘယ်သောအခါမှနောင်တရမှာမဟုတ်ဘဲ ကျူးလွန်ခဲ့တဲ့အမှားတစ်ခုပဲ။ မက်မက်မောမော ခုန်ဆင်းခဲ့တဲ့ပင်လယ်ပဲ။ လှိုင်းထန်စေဦးတော့ ချစ်မေတ္တာတွေရှိတာပဲ။ ဆူးလ်ဂီအနားမှာ ဂျူဟျွန်းရှိတာပဲ။ ဖြေဆည်လို့ရပါတယ်။

မှန်တင်ခုံရှေ့မှာထိုင်နေတဲ့ ဂျူဟျွန်းရဲ့ဆံနွယ်တွေကို
ဆူးလ်ဂီတယုတယဖြီးပေးနေတာ။ နူးညံ့ပျော့ပျောင်းလှတဲ့ဆံ‌နွယ်တွေကရှုန်းထွက်မရတဲ့နှောင်ကြိုးတွေဆို ဂျူဟျွန်းရဲ့အ၀ါရောင်အပြုံးတွေကနိဗ္ဗာန်ဘုံ။
ဆူးလ်ဂီလုပ်ရက်ဟာ မိုက်ရူးရဲတယ်ဆိုစေဦးတော့။ ဘာကိုမှဂရုမစိုက်နိုင်ပါ။
ဂျူဟျွန်းအတွက်သာဆို အသက်တောင်ပေးရဲသည်အထိ နက်နက်ရှိုင်းရှိုင်းချစ်မြတ်နိုးမိတာပါ။

"ခဏအဆောင်ကိုပြန်ရမယ်"

"တို့လိုက်ပို့ပေးမယ်"

"ရပါတယ်။နီးနီးလေးပဲဟာ။ ဆူယောင်းတို့နဲ့တွေ့ပြီး အ၀တ်အစားတချို့ယူပြီးရင် ပြန်လာမှာ"

"တို့ကမင်းဆီကနေ ဟုတ်ကဲ့ ဆိုတဲ့စကားပဲကြားချင်တာဆူးလ်"

ဆူးလ်...ဆူးလ်တဲ့။
အို... ရင်ထဲတသိမ့်သိမ့်ပဲ။ နှလုံးသားထဲကပန်းခင်းထဲ လိပ်ပြာတွေပျံဝဲကုန်လို့ အသက်ရှုရခက်နေပြီ။
ဂျူဟျွန်းခြေဖျားအောက်ကပန်းတစ်ပွင့်ပဲ။
အရာအားလုံးဂျူဟျွန်းအလိုကျပါ။

"ဟုတ်ကဲ့"

ကြည့်မှန်ကနေတစ်ဆင့်မြင်လိုက်ရတဲ့ ကျေနပ်အပြုံးတွေကသိပ်လှပါ့။ ဂျူဟျွန်းပန်ဆင်လို့သာပို၍လှနိုင်တာပါ။