العشق السرمدي

الجزء 65

🍒 الفصل الأول:بدونك لا اهوى الوجود

مراد :سحر؟؟

عصام عاد رد البال لشكون هادي لي واقفة فالباب بقا واقف مصدوم ياااااه سنيييين ماشافها  تبدلاااات وكبراااات زيانت مابقاتش ديك البنيتة الصغيرة لي كتلبس كسيوة فوق الركبة وتنقز من جيهة لجيهة، دابا كاتبان انسانة ناضجة وقفتها كتبين عندها شخصية قوية وحدة دات وجابت فالدنيا وعلماتها  الحياة الكتير حتا وجهها ونضراتها تبدلو عليه كانت شحال هادا نضراتها بريئين دابا عينيها كيبانو قاصحين ومضلمين عصام ماتحركش بقا واقف ويديه شادين مايكل من الكول وعينيه مفيكسيين عليها ،ماكانش متوقعها تجي ،حضورها شكل ليه صدمة

اما سحر  اكتفت أنها تطلع حاجبها باستهزاء  و تقدمت بخطواتها الواثقة المقعد لي حدا مراد أونفاص مع عصام و جلسات

سحر (تنحنحات و أشارت بيديها جهة المقاعد ): يمكن ليكم  ترجعو لبلاصتكم 

مايكل بعد علي عصام مستغرب : شكون نتي ما فهمتش شكون عطاك الحق تدخلي للاجتماع بلا استأذان .سي مراد واش عادي عندكم لي جا يدخل و يعطي فالأوامر ديالو

سحر ( جمعات ملامحها): مستر مايكل نتا لي معندكش الحق تدخل لشركتي و تنوض فيها الفوضى باش تحاول تفرض قرارك لي لا أساس له من الصحة و دابا يا إما غادي تجلس نكملو الإجتماع و لا راه الباب ( شافت ف عصام لي باقي مصدوم و دارت لبلاصتها ) يالاه كلشي يرجع ل بلاصتو معنديش الوقت لي نضيعو مزال.

عصام عاد فاق من الصدمة ديالو من اللحضة لي دخلات  و لسانو مربوط ما قادرش يبقى معاها فنفس البلاصة نضراتو كلها كره و عدوانية مكرهش يخرج فحالو دبا و لكن فنفس الوقت مباغيش يبين أنها مأثرة عليه بأي شكل من الأشكال تنفس و رجع لبلاصتو تحت نظراتها لي كتشوف فيه بنص عين باقا ممصدقاش بلي جا وقت اللقاء و هذا لي حداها هو حبها الطفولي لي كان ف واحد الوقت  كلشي ف حياتها مكانتش كتخايل ممكن تعيش شي نهار بلا بيه شحال ما حاولات تنساه و تبين راسها قوية كيبقى عصام هو الحب ديالها السرمدي لي كانت عايشا معاه فالجنة و لاحها بيدو للجحيم كان بمثابة باباها لي مات و ماماها و خوها و حبيبها و عمرها و حياتها كاملة و حتا دابا واخا كاتبان باردة من برا ولكن إذا كان فإمكان شي هاكر يخترق ليها قلبها غادي يعرف بلي هاذ البرود ما هو إلا حرب و عواصف داخلها كتمثل على وجهها كأنه مكاين والو واخا حتى هي كتحس بالخنقة كتر من عصام ،،وحدة بسبب حبها و عشقها و هوسها بشخص تخلى عليها و على حبها الطفولي البريئ؛ وواحد بسبب أمر غير مفهوم و حنا معارفيناهش و لكن باقي يجي الزمن لي تكشف فيه الحقيقة المبهمة ونعرفو كلشي

مراد: ب بنتي سحر إمتا جيتي وعلاش ماعلمتيناش نتلاقاو ليك

سحر بتاسمات ليه: حتا لأخر لحضة عاد قررت نجي ماكنتش ناويا نجي
فلاش باااك                        
سلمان : مراة عمي ذكرى مريضة بزااف وطاحت فغيبوبة نتي عارفاها فيها سكر، قبل ماتغيب كانت كتعيط بسميتك

سحر دارت ابتسامة جنب : ااااه مسكيينة مرة عمي ، اوا آلله يجيب الشيفا

كلهم خرجو عينيهم متفاجئين من كلامها كانو متوقعين ردة فعلها غادي يكون فيه شوية الخوف وتقوليه انا ماجية دابا متوقعوش غادي تكون باردة هاكا

سلمان: كيفاش شنو كاتقو...  ماكملش كلامو ملي سمع صوت شي حد كيهدر معاها ، كان دانييل جا عندها ودخل كيقلب عليها فلاصال د سبور لي ف فيلا ديالها

دانييل بضحك: لكبيدة ديالي مانعاستيش كاتساينيني
سحر كانت عاطياه بضهرها غير سمعاتو دارت مخنزرة وصبعها  علي فمها بمعنا سكت ،دانييل وقف جامد

سحر:احمم لمهم سلمان من بعد نهدرو باي وقطعت

مراد وياسين كانو كيشوفو فبعضياتهم مصدومين كيقولو مع بالهم شكوون هادي، سلمان ساكت عارفها كيفاش دايرا ماجاتوش شي حاجة غريبة

عصام كان مغمض عينيه وكارز على سنانو حل عينيه ووقف  وشاف فيهم ببورود غادي خارج من المكتب فحالا ماشي هو لي عاد دابا كان منوض معركة غير مع راسو : ههه ملي قلت عليها قح*بة تعصبتو  شنو كيديرو ف ثلاتة دليل كيصليو تاراويح،  خرج وسد الباب بنترة