العشق السرمدي

الجزء 66

🍒 الفصل الأول: بدونك لا اهوى الوجود

سحر مخنزرة: مالك ازب*ي دير الحس ونتا داخل كتسلت

دانييل طلعها وهبطها بعينيه: غير حشمت و حيت عزيزة ، ادا كانت وحدة اخرا كنت ضربت ديلمك مع داك لحيط نقسمك على جوج علي هاد لسان

سحر ميقت فيه : اممممم خلعتيني وزايدون مالك جاي عندي مع تلاتة يكما تغالطلك مع دار القحا*ب

دانييل دار عاطيها بضهرو خارج: تبعيني لجردة ، واحسنلك نقصي من داك لسان ولا نقصو ليك بيدي

سحر بتاسمت وتبعاتو كطلع وتهبط فجسمو وضهرو كتافو المعرقين ودرعانو عامرين وشامات كيبان فحال الوحش طلعاتو وهبطاتو كلو بين عينيها وتمتمات بشوية: ديرتي نوت بوك (دفتر الوسخ) ههه

خرجات لجردة لقاتو متكي فروليكس قدام بيسين ، تكات فواحد اخر قدامو كتشوف بعيد فالبيسين واللمعة لي فيه والضو خافت مسلط عليه كيبان المنضر هادء قمة فالروعة

دانييل بقا ساكت مدة ودار شاف فيها:: ضاروري انا لي نهضر ونسول متقدريش نتي تبداي

سحر قلبت عينيها وشافت فيه و بتاسمات : شنو غيفيدك ادا هدرت ونتا اصلا عارف كلشي واي حاجة كتسوق ليها الخبار قبل مني

دانييل: كانبغي نسمع منك

سحر دارت شافت قدامها: كالعادة باغيين يردوني بأي طريقة

دانييل: وأسبايهم مقنعة ولا غير بغاواك ترجعي

سحر: نوعا ما مقنعة ولكن الطريقة غير مقنعة ههه

دانييل: إدا وصلوك  الأخبار

سحر حركتيليه راسها بأه: وصلوني وخربقوني ، ماباغاش نرجع وفنفس الوقت الشركة غادي تضيع ، لو كانت غير الشركة ديالي منهتمش لكن يدي تلوات حيت شركة بابا وكانت عزيزة عليه

دانييل: وعرفتي شكون مور هادشي وشكون كيحرض مايكل باش ينساحب

سحر: باين شكون، انخييل المنافس ديالي داير ما فجهدو باش يطيح عليا السوق ويبقا  هو فالواجهة ، ولكن باقي ماعرفنيش مزياان ندوز دينمو من  عين لبرا غير مادايراش فيه راسي

دانييل: وشنو قررتي دابا غادي ترجعي

سحر تنهدات: معرفتش ادانييل، تحنت المرة لولة مابغيتش نكررها

دانييل: خاصك ترجعي وتواجهي مايمكنش تبقاي مخبية هاديك بلادك وهادوك عائلتك

سحر: ماغاديش تحس بيا ادانييل تضلمت بزاااااف فديك البلاد

دانييل: انا اكتر واحد نقدر نحس بيك تيتمت وانا صغيير فقدت الأب ديالي وخلا الوليدة حاملة وفولادتها ماتت حتا هي هزيت مسؤولية دبنت يالاه تزادت وانا عندي ربعطاش سنة ماكنتش عارف كيفاش نتصرف معاها بقيت متشرد انا وياها حتا خداوهالي السلطات وبقيت بوحدي فهاد الدنيا

سحر : ماعاودتيش قلبتي عليها ملي كبرتي

دانييل حرك راسو بآه: سولت عليها قالو تبناوها شي راجل ومرتو وسافرو خارج البلاد ، قلبت عليهم لقيتهم ماتو واختي ماكاين حتا معلومة عليها تقول نشقت الأرض وبلعاتها

سحر: نتمنى تلقاها فأقرب وقت

دانييل: ماغادي نرتاح حتى نلقاها،  لمهم خليك مني شنو قررتي نتي ،غادي تمشي

سحر تنهدات: أمم غادي نمشي  نفك هاد الحريرة ونرجع

اند فلاش باك

سحر 👇

#يتبع

هادو هوما الأجزاء دليوم خليو ليا ارائكم وتوقعاتكم☺☺