العُــــقَــــابُ الأســــطــــوري🌼🦅|🇲🇦

🦅الحاكم الغامض و عروسه المغرورة🦅|13

جوهر هزات راسها تترمقو بنضرات حادة: شنو؟! اشمن عذر عندك؟؟ تتقول بلي انا رفيقة روحك كون كنتي بصااح تتفكر فياا بديك الدرجة كون كبرتييي بياا!! كلشي كاان حااضر تماا كلشيي شاافوو الأميرة و الإبنة الوحيدة لي عند الملك و الملكة د مملكتهم خاارجة عروس من القصر بلااا عريييس!! شنو هاد المهاام الكثييرة كااع لي غيخلييوك ماتجيييش؟؟ شنوو هاد الحااجة لي مهمة اكثر مني؟؟؟

آزاد اندهش ماكانش ابدا متوقع تكون هازة هادشي فقلبها كان تيظن بلي غتكون مامسوقاش كيف عادتها ولكن تيشوف قدامو العكس تماما: انا ماقصدتش هادشي...

جوهر هزات يدها تتوريه فصباعها: حتى من خاتم الزواج ماعنديش!! ياكماا السحرة متيتزوجوووش بالخواتم؟؟؟

آزاد: الخاتم ديال الزواج تيتلبس فمراسم التتويج كحاكمة و بطبيعة الحال ماشي حيت متنتزوجوش بالخواتم ولا مادرتش هادشي

جوهر نطقات بتعب: علاش ماجيتيش؟

آزاد تنهد: ماجيتش حيت مابغيتش نشوف الحقد و الكره لي غتكوني هازاه من جيهتي بسبب طريقة زواجنا..مابغيتش الحضور يشوفو هادشي داكشي علاش تسنيت حتى تجي لعندي حيت انا متيهمنيش رأي شعبي فيك حيت عارف مزيان اش ختاريت ولكن تيهمني شعبكم حيت نتي ماعارفة عليا والو داكشي علاش فضلت مانجيش..تنواعدك فاش تولي الحاكمة نمشيو انا وياك ل كينتاريا و ديك الساعة غيشوفو زوج الأميرة ديالهم

جوهر بدهشة: بصاح؟؟؟ علاه ماخصنيش نشوفهم على عام؟؟

آزاد: عام؟ هادشي كاين فالزواج السياسي لي على الاوراق اما انا وياك زواجنا غيكون حقيقي و بطبيعة الحال عمرني غنمنعك على عائلتك

بانت واحد الحياة فعينيها لي تيلمعو و ترسمات ابتسامة ساحرة لأول مرة تبتاسمها فوجهو محركة راسها بالموافقة: صافي فاش غنولي الحاكمة غنزورهم

آزاد بتاسم: غنزوروهم بجوج

جوهر: ااه ااه هه متحمسة الصراحة

آزاد سها فيها تيشوف فحركاتها العفوية و فرحتها الواضحة: شحال تمنيت نشوفك هكا و دابا تنتمنى نزيد نبقا نشوفك هكا..نشوف انني السبب فالفرحة ديالك

جوهر بهدوء: الثقة هي كلشي و نتا على خطى كسبها...

آزاد: عارف انه الثقة حاجة مهمة بزاف ولكن علاش ديما تتبقاي تأكدي عليها؟

جوهر سهات: حيت كنت تنثيق بشكل اعمى و فاللخر تنتصدم بالواقع المر..ثقتي عاطياها لعائلتي و رهوج فقط