العشق السرمدي

الجزء 72

🍒 الفصل الأول: بدونك لا اهوى الوجود

شهقة تبعوها شهقات عالنة الفرج لدموعها لي منعاتهم سنين هادي.احساس القهرة والألم لي كتحس بيهم كانو أقوى من كبريائها وغرور نفسها, دموعها نزلو راسمين خط على خدودها ماقادراش تحكم فيهم وما هي إلا تواني حتا دخلت فنوبة هيستيرية من البكاء  عينيها كانو حومر عامرين دموع كاتشوف فالصورة  وكتمتم

سحر: علاش هئ هئ. .علاش مشيتو ..لمن خليتوني هئ هننن هئ توحشتكم هئ مابقيتش بغيت نعيش بلا بيكم. هئ هئ علاش ماخديتونيش معااكم علاش خليتو بنتكم كتدوز  من هاد العذاب كلو هئ هئ( بشهيق حاد)...ماما انا كنتعذب  اهئ اهئ  بابا انا كنتألم  قلبي كيضرني حياتي مابقات ليها معني. انا عايشة غير حيت مازال فيا النفس كتدوز اما انا راه ميتة من زمااااان  .. أهئ أهئ بنتكم عايشة فسوااااد  مبغاش ينور  أهئ أهئ عايشة فلييييل مابغاش يطلع عليه نهار

ماما حاولت والله حتا حاولت نكون قوية فهاد العالم لي عامر وحوش حاولت ننسى و نكون البنت لي مكيأتر عليها والو هئ هئ بدلت راسي، سحر القديمة تبدلات، (دموعها كيسيلو )ولكن تبدلات غا قدام الناس حتا واحد معارف من مور هاد البنت الباردة شنو كاين ا ماما هئ هئ، كاينا واحد البنت عندها 15عام فقدات والديها بأبشع طريقة ،والديها لي كانو كلشي فحياتها، كاينا واحد البنت لي تعذبت بزاااف باش تعود على فراقهم وملي قالت صافي تلاقات بالشخص لي قال غيعوض بلاصة ماماها و باباها و غيكون كلشي بالنسبة ليها ،اه ا ماما اه ملي داك البنت الصغيرة حست براسها بغات و طاحت فنار العشق حرقها لهيبو وتدمرات أحلامها ماعرفت أنا شنو درت فحياتي (كتشهق) أنا مجرد وحدة بغات صافي، بغيت ماما و بابا و مشاو وبغيت واحد الشخص و عاوتان مشا لدرجة مابقيت قادرا نشوف ف حتا حد لدرجة فقدت معنى الثقة وولات كتبانلي مجرد مصطلح خسو يتمسح من القاموس اه كيف ما سمعتي أنا هي ديك البنت الصغيرة لي كتبكي ملي كتحط راسها على المخدة بالليل ولكن ملي كيجي الصباح كترجع بنت 24 عام القوية الباردة أنا مبقيتش عارفا راسي شكون ولا شكون خسني نكون
(كتدوي بصوت مبحوح ومخنوق ) شحال صعيب تكلم بلا صوت وتعيش ونتا كتسنى غي إمتا تموت شحال صعيب تشوف النور ضلام و تشوف السعادة وهم (بابتسامة حزينة مصطنعة وسط دموعها ) السعادة هئ هئ واش تيقوني إذا قلت ليكم نسيت معنى السعادة شنو هي السعادة ؟ولات حياتي كلهااا ضلام (وقفت كتنفس ) عارفاكم مباغينيش نكون ضعيفة بحال هكاااا تيقووني تانا مباغاش ولكن ولكن هئ هئ أنا مكتوب عليا نعيش حياتي فالأسى والحزن نعيشها على ضلال ذكريات من الماضي لي عمرها غتكرر نعيشها كارهة راسي و حياتي، أنا هئ هئ أنا صافي بغيت نموت أنا مابقالي علاش نعيش مكاينش لي حاس بيا كلشي كيقول صافي سحر ولات وحدة كتفكر غا فراسها و مكتهمها لا عائلة لا والو معارفينش بلي سحر  راه جاتها الضربة من عائلتها لي كيقولو مهاماهاش ماعارفينش بلي باغا تبعد على أي حاجة تقدر تفني وجودها حيت وصلات للطوب و معارفينش عاوتان بلي واخا كنبين بلي مهامني حد ولكن إذا وقعاتلهم شي حاجة أنا نموت ونضحي بالغالي والنفيس باش متقاسش منهم شعرة ( علات راسها كتشوف بنضرة مامفهوماش ) لدرجة نضحي براسي حتا هو...