العشق السرمدي

الجزء 74

🍒 الفصل الأول: بدونك لا اهوى الوجود

عصام: عانداك يسحابليك الدور لي كتمتلي غادي يسري عليا ،انا عااارفك مزياااان شكوون نتي وشنو كتسواي خبارك كلهم واصليني

سحر واخا قصحها كتمتل البرود .. بتاسمات واخا حاكمها بيديه و هدرت بتهكم: اوااااه محسابليش انا مهمة عندك حتى لهاد الدرجة .. باش تبحت عليا ويصلوك خباري ... ياكما كتجسس عليا امممم  (ضرباتليه غمزة)

عصام زاد تعصب وزاد حكمها بيدو لي ولات كلها عروق بقوة العصبية وهضر من تحت سنانو: وااااش حسااب  ديل*مك ماعندي شغل باش نتبعك وانا عندي لالاك...وادا نتي مازاااال عايشة على أوهام الماضي انااا نسيييتك ومرتااااح فحياتي. ودابا غادي نقوليك جوج كلمات غادي تراااجعي على الصفقة لي درتي مع  داك الزام*ل ولا غادي نخليك تحسبي هاد السنان  قدامك. 
(سحر جات تنطق وهو يزير عليها مانعها من الهضرة)
غادي تزيدي كلمة وحدة وتستفزيني غادي ننسى بلي شاركين الدم ونخلط دين*مك هنا ونتي عارفة مزيااان ماعنديش مع قوة الهضرة

مازال مكمل كلامو حتى دخل مراد كيقلب على سحر

مراد: سحر !!

عصام غير سمع صوتو وهو يطلقها مغدد كان مزااال باغي يعلمها بلي هو خط أحمر واللعب معاه عندو عواقب يمكن هي ماعارفاهمش

سحر غير طلقها تنهدات ودارت ابتسامة جنب فمها

مراد شرك حجبانو متعجب من قربهم: سحر بنتي !! مالكم

سحر حركتليه راسها بوالو وهي مبتاسمة: غير ولد عمي
جا يسلم عليا ويبارك ليا الصفقة الجديدة

عصام تقدم عندها مغدد غير مراد لي شدو: ومزال زايداااا فيه

مراد بعصبية: شنو دابا انا حداك بوكيمون غادي ليها قدامي

سحر ببرود: ههه وانا ساهلة ليه 

مرااد بعصبية: مابغيتووش تساليو من هاد لعب الدراري. يااك الماضي فاااات وكل واحد كون حياتو .. نتا تزوجتي وكونتي أسرة( سحر حسات بحالا موس ختارق قلبها . احساس  بالقهرة)ونتي  كونتي راسك وطورتي مشاريع باباك. يعني هاد الخصومات ماعندهوم معنى. ماتنساوش بلي حنا عائلة وحدة.

عصام: دااابا شكووون جبد سيرة  الماضي. انا غير تبعد ليا من خدمتي واموري الخاصة. والله يجعلها تتلاح فبير. شكون تسوق ليها

( سحر تكلمات  مع نفسها بإستهزاء : هادا هو المضمون فيك اولد عمي)

مراد: دابا هنيونا من شد ليا نقطع ليك وخليونا نفهمو الموضوع بجدية وعقلانية. 

عصام: ماعندي مانفهم كلامي قلتو ليها وكنضن فهماتو مزيان .شركتي تبعد منها متحملهاش الخصارة علي حساب الربح ليها.

سحر تنهدات وضارت بالسكات لجيهة البيرو جلست ودارت مرفق يديها على سطح المكتب ضامة كفيها مع بعضهم كتشوف فيه ببرود. بقات مدة تواني ساكتة عاد نطقات:  عتابر شريكتك معندها دخل فهاد الصفقة. وخوفك ماعندو معنى حيت ماغادي تخصر حتا سنتيم  بلعكس نتا الرابح

مراد: شنو كتقصدي ابنتي

سحر:جلس أعمي وغادي نفهمك كلشي