🍒 الفصل الأول: بدونك لا اهوى الوجود
مساءا. فالجهة التانية من القصر قريب من لازون لي فيها منطقة املاك مرتضى . راكبة ليليان فالبيسكليت هي و ريحان كيتجاراو بيها ويتسابقو. نهار كلو وهما من زبلة نزبلة ماخلاو قنت فالمنطقة ماداعوش فيه وماهبشوهش. ليليان مولفة الديعان والزبايل حيت كانت عايشة فالعروبية ونهار كانت تخرج تسرح ضاروري تجيب التبريات. اما ريحان دروييشة غير مكدمة معاها ولي قالتهالها تمشي معاها فيها .
(نزلو من البيسكليت كيلهتو )
ريحان: ويلي ويلي شنو درتي . ليوما يقتلنا عمو مراد
ليليان: واصافي هنينا. نهار كلو ونتي تنكري طبختي ليا رااااسي. مالي شنو درت كااااع
ريحان: لا مدرتي والو غير هرستي الكاميرات وشبعتي الكارد معيور
ليليان: ياك هوما ماخلاوناش نخرجو . نبقا ساكتة ليهوم
ريحان: ماخلاوناش حيت أوامر عمو مراد مانخرجوش على المنطقة. ويلي ويلي ويسيق الخبار عصام هرسنا الكاميرات ليوما يبيتنا معلقين فالديبو
ليليان: شوفي نقولك اسنيورة خويويفة خراوية. غادي تبقاي مصدعاني ومحمقاني من الأول ماتخرجيش معايا وحتا دابا رجعي بحالك
ريحان: فين غادي نرجع .باش نتشد بوحدي
ليليان: وهي لاسكتي وتبعتيني
ريحان: عافاك اليليان يالاهي نرجعو ونطلبو عمو يسمح لينا
ليليان: شناهوا بعد هدشي كامل لي درت باش نخرجو من المنطقة دابا كاتقوليليا نرجعو. شوفي الله يرحم باك رجعي ولا سكتيني
ريحان: أهئ أهئ ولكن خايفة
ليليان: شوف كيف كتبكي صافي ادا حصلنا غادي نقوليهم انا درت كلشي. وزيدون ياك ديما انا لي واكلة قتلة دالعصا بوحدي.
ريحان: وأنا مالي ياك نتي لي كديري و بغيتيني انا ناكلها معاك باركة عليا العقاب.دابا المشكيلة ماما حالفة عليا ادا درت شي زبلة ماتعاودش تخليني نجي بوحدي
ليليان: دابا شنو غادي تبعيني ولا نمشي بوحدي
ريحان: غادي نمشي معاك ولكن عافاك منبعدوش باش منتلفوش
( حطو البيكالات جنب واحد الصور فالدورة وزادو علي رجليهم)
ليليان: لا منبعدوش نتمشاو غير جيهت لبحر نشمو هواء الحرية
ريحان: اممم الحرية تقولي كنتي مسجونة فتازمامارت
ليليان تنهدات: كتر من تازمامارت سجني كان شكل أخر
ريحان: كتقصدي سجن الحب
ليليان: امممم. لكن قريب نتفك من هاد السجن . الحب مابقاليه حتا معنى ملي مزوج وعندو مراتو
ريحان: ياك قلنا ليك نحررو عليها عيشتها حتى تهرب بوحدها
ليليان شافت فيها بتخنزيرة: ماشي حتا لهاد الدرجة. انا فالزبايل اه موجودة وكيعجبني نضحك ونبدل لجو. ولكن باش نخرب زواج دجوج ونضمر حياتهم لا
ريحان: هااء وياك نتي مزوجاه قبل منها
ليليان دارت ابتسامة استهزاء: وهنا فين كاين المشكيل انني مزوجاه قبل منها
ريحان: مافهمتش
ليليان: يعني غير حيدي هاد الفكرة من بالك. مادام تزوجها وهو اصلا مزوج كاينة جوج احتمالات اما زواجو الأول مكيعني ليه والو .اولا كيبغيها بشكل جنوني وانا كنرجح الإحتمال التاني.
ريحان: علاش زعمة
ليليان: مادام تزوجها بلا خبار واليديه وتحداهم وجابها فوق إرادتهم ادن كيموت عليها.
ريحان: ونتي
أنت تقرأ
العشق السرمدي
Acción🔥🔥🔥🔥🔥🔥قصة حصرية ولأول مرة... 🔞#العشق السرمدي🔞 ✨✨ عاجل وحصري لكل محبي القصص الدرامية 😈😈 قصة فيها من كل فن طرب 💥 الحب❤️❤️❤️ الغيرة 🌚🥴 الهوس والرومانسية الزائدة معنقولش عليها حب عنقول عليها مرض ... ...
