العشق السرمدي

الجزء 80

🍒 الفصل الأول: بدونك لا اهوى الوجود

ليليان خلاتو واقف مصدوم وضارت كتقلب علي ريحان. عيات تقلب فالززاقي لي تما والو. غادا فالطريق لي كتدي لقصر وعينيها كاتدور علي الله تلقاها لابسة فردة وحدة من الصندالة والفردة التانية بقات عند الكلب. وبالصدفة ضهرت ليها كسوة ريحان لونها صفر ورا واحد الطوموبيل مخبية بتاسمات بشر وتقدمات عندها بشوية مادايراش الحس بقات غادة كتسلت حتي وقفت وراها وطلت عليها براسها وهي مبتاسمة

ليليان: ههاااانتي حصلتيييي

ريحان خلعاتها ماكانتش متوقعاها وراها جات تهرب بزربة حتي كانت ليليان جمعت ليها شعرها بين يديها بنتفة وزادت مجرجراها مخرجاها حتي لوسط الشانطي

ليليان: فيين غاداا هاربها، زعمة ماغاديش نلقاك

ريحان كتوجع: أي أي أي عافاك طلقيني والله مانعاود

ليليان: أصلا ماغاتعاوديش حيت عندفن  مك هنا  ، . وزايداها هربانة ومخلياني مني نالكلب الكلبة . جمعت ليها شعرها بين يديها وهبطاتها نالأرض كتنتف فيها

فهاد الأتناء كانت جايا واحد الطموبيل باغيا تدوز وهوما قاطعين عليها الطريق .واقفين وسط الشانطي كيتناتفو
مول الطوموبيل عيا يكلاكصوني والو مابغاوش يتفكو خرج راسو من الطموبيل وبدا كيعاير 

الراجل:هييي بعدو لهيه وترايشو( ماجاوبوهش ) هييي خويو الطريق راه عندنا مانقضيو ( لا مين مجيب) تفوووو رباعة الأوباااش

ليليان غير سمعت الكلمة طلقات شعر ريحان وضارت عندو

ليليان: عاود عاود شنو قلتي

الراجل:اوباااااااااش. اش جاب حيوانات بحالكم لهاد المنطقة

ليليان: حيوانات انا غادي نوريك حيوانات شنو كيديرو ضارت كتقلب علي شيحاجة لمحت حجرة كبيرة جنب الشانطي هزاتها ولاحتها علي الطوموبيل حتي تشتتات الزاجة القدمية

الراجل: ا شنووو درتي نتييييي

ليليان: الحيوانات ركلو طموبيلتك سير دعي دابا الحيوانات .  مازالة كتهدر حتي لقاتو ديمارا الطوموبيل وجاي جيهتهم قاصدهوم

ليليان: ريحان مازال فيك الجهد

ريحان: علاش
ليليان طلقات رجليها نالريح: هربييييييييييي
كتجري بحال شي بطريق مع معندهاش فردة الصندالة رجليها طابو عليها

ليليان: ريحااااااااااااااااااااااان ياك كيلوطك حمر

ريحان حتى هيا كتجري وتلهت: اااااااه علااااااش

ليليان: وعاليييييي كسوتك مانعرف تعجبو طرمتك ويوقف

ريحان: اععععععع بعديي منيييي ماباقاش نخرج معاك

ليليان قلبها غادي يسكت بالجرا: ااااااع تخرجي فحييييييط ااااااع تخرج ليك حبوبة فزكك ااالععع
بقاو كيجريو وهو جاري وراهم حتا وصلو لمنطقة عائلة مرتضي ودازو من الطريق مسلتين علي الكارد حتي دخلو من الجهة لورانية من القصر. ديك  منطقة ممنوع يدخلو طوموبيلات منغير دالعائلة . الراجل كان جاي باغي يدخل تابعهم حتا وقفوه الكارد

الكراد: هييي فين داخل مدرم.  اش باغي

الراجل: تابع البنات لي دخلو من لهنا

الكارد: اشمن بنات . ماكاين  حد هنا سير قلب فجيهة خري

الراجل بالغوات: اوالله لا تحركت من هنا حتى تجيبهم

الكارد: اسيدي ملتخليناش نستخدمو معاك العنف هاد البلاصة ممنوع توصل ليها رجع منين جيتي

الراجل: قلت ليكم ماغاديش نتحرك حتى تجيبهم

فهاد الوقت كان يوسف دايز بطوموبيلتو حتي كيلقا الصداع والطريق مقطوعة . هبط الزاجة وخرج راسو

يوسف: شنوو طاري هنااا

الكارد: والو اسيدي دابا غادي نخويو الطريق

الراجل: قلت مامحركش هي مامحركش

يوسف قرن حجبانو بإستغراب وحل الطوموبيل ونزل

يوسف : علاش مامحركش شنو طاري

الكارد: قال ممحركش حتي يجيو جوج بنات دخلو من هنا
يوسف بإستغراب: دخلو لهنا . وإدا دخلو علاش باغيهم

الراجل: حيت وحدة فيهم هرست ليا طوموبيلتي وأنا عاد كي ساليتها فالكريدي

يوسف شاف فالكارد: علامن كيهدر هاد السيد شكون هاد البنات

الكارد : مانعرف اسيدي

يوسف : حنا معندناش البنات لي يهرسوليك الطوموبيل مي تبعني وغادي نعرفو شنو كاين. تقدم ركب فطوموبيلتو. وحتا الراجل ركب وخوا ليه الطريق باش يزيد وتبعو من وراه

#يتبع..

تعاليقكم وأرائكم كتهمني باش نعرف واش مازال عاجباكم القصة. نتشاوفو نهار الاثنين غدا عطلتي 😂😂😂😂😂😂😂😂😂