العشق السرمدي

تسريييب

🚨 تسريييييييييييييييب  قريب 🚨
#العشق_السرمدي 🍒

دخلات لجناحها لبسات شورط وبيل سماطي ديالو ، ومشات تهز قرعة دالماء من تلاجة و هي تلقاها خاوية فقررت تنزل نالكوزينة تجيبها.
كان الضلام مع الدخلة وهي تساطح مع واحد الجسم صلب حتى ضرها راسها

سحر : ليليان عاوتاني داخلة فيا

عصام شعل الضو وشاف فيها بتخنزيرة : بقاي تشوفي قدامك ؛ ما بقيناش لاقيين الراحة حتى فدارنا

سحر مداتهاش فكلامو و دخلات كتقلب على الماء ، عصام زاد جوج خطوات و هو يوقف مصعوق جاتو لبالو ريحة ما غريباش عليه كيشمها ولكن ماقادرش يتذكرها، كيتنفس حتى كيتغلغل صدرو باغي يعرف هاد الريحة علاش جدباتو ، حس كأنه ديجا شامها و كيعرفها مزيان باقي كيحاول يتذكر حتى جاه واحد الصداع رهيب فراسو ، شد على جبهتو و زير عليها ، راسو غينفاجر و ودنيه كيسمع بيهم غا التزنزين ، اللا وعي ديالو خدام بحالا باغي يتذكر شي حاجة عندها علاقة بهاد الريحة لي كيشمها، بدا كيسمع كلمات متقطعة معارفش ديالمن ولا إمتى تقالو ( عصام حبيبي.... والله حتى زوينة ناخدها....شم شم هادي عافاك وعطيني رأيك.... صافي عجباتك هادي... ملي عجباتك هي لي غادي نبقى نستعمل من اليوم ...كنموت على ذوقك أحياتي )
عصام تحنى شاد راسو بجهالة و مزير على سنانو، كيحس براسو غادي يتقسم على جوج مافاهمش و ماعارفش شنو هادشي لي كايطراليه ، فهاذ الأثناء كانت سحر خارجة هازة قرعة ديال الماء ، غير شافتو لاحتها و مشات عندو كتجري مخلوعة و شدات فيه

سحر بخوف : عصام مالك ياك لاباس

عصام مازال متشنج وجهو رجع زرق، سنانو كتحس بيهم كيتغززو

سحر زادت تخلعات ملي ماجاوبهاش عمرها شافتو فهاذ الحالة : عصام ماتخلعنيش عليك مااالك شنو طاريلك

دار نالحيط و بدا كيضرب راسو باش يحاول يكالميه شوية من هاد الصداع، غي حس بالأصوات بداو يتخمدو تكا على الحيط كيتنهد، نفسو كتطلع وتنزل بصوت مسموع كلو كيترعد و عرقان كأنه خارج من نوبة صرع ، بقا مدة على داك الحالة حتى تقادو أنفاسو و رجع لحالتو الطبيعية

سحر شدات فيه و دوات بصوت مرعوب : شوية دابا ، واش فيك شي حاجة تبغي تمشي للطبيب

عصام غي سمع صوتها دار شاف فيها بتخنزيرة و نتر يديه منها : أحسن حاجة غاديري هي تقو*دي عليا هاد الساعة ( خلاها واقفة مصدومة و مشا )