(رأيتها صدفة)
بارت9
الكاتب/بعد مرور أسبوعين
عمار/ب7المغرب ورة الأذان طاعت من البيت بدون سيارة لمول الليث كعدت ع الرصيف مقابيل المول وهو بناية محتركه بالي مشغول بكلام جعفر اريد اجرب اشرب بس خاف اصير مدمن وخاف ادمر وخاف اهلي يعرفون وخاف فاطمة تتركني اذا تعرف اني راخ اشرب بس لا فاطمه محد يكولله لان بس اني احجي وياه وهاهيه واهلي ميدرون بحجه اروح لجعفر فهناك نشرب اني وياه لان هو كال محد يعرف بي هو يشرب وصدك اني ولا مرة شفته سكران يعني هذا المشروب ميسكر الحمدلله يله لعد خلي اتصل ع جعفر نروح نشتري
جعفر/كاعد بالبيت وافكر اني غبي ويني وين المشروب شبيك جعفر شنو هل تصرفات وين تريد توصل؟شنو يلي تريدة؟اصلا اني جذب ما اشرب ولا اصلا اعرف الشرب بس هيج نذاله مني اريد عمار يشرب واخربه هو وفاطمة حته اخذ فاطمة الي يله يستاهل!جعفر شبيك هذا عمار صديقك واعز صديق عندك!لا بوقت الحب وبوقت يصير الموضوع يخص فاطمه ماعرف عمار ولا اعترف بي خلص ماريد عمار خلي يولي ميستاهل فاطمه فاطمة الي اني...مر اسبوعين عن السالفة وماردلي خرب عمار بس يتصل عليه بمواضيع عادية شلونك اخابرك بس ميجيب طاري يريد يجرب المشروب لولا كاعد بالصالة ويه اهلي جان يتصل عمار
عمار:هاحب شلونك
جعفر:هلا بيك حبيب تمام وانت؟
عمار:والله بخير عايش اكلك انت وين؟
جعفر:بالبيت
عمار:اكدر احجي براحتي يي لولا
جعفر:ها لا ثواني
جعفر/حسيت عمار يريد يحجي بموضوع خطر لان سئلني عن مكاني فكمت دخلت بغرفتي وسديت الباب كعدت ع القريولة
جعفر:يي هسه براحتك
عمار:اريد اشرب وياك
جعفر:شنووو صدك
عمار:يي لان صدك انت ولا مره اجيت ولا مبين عليك اصلا تشرب فأريد اجربه مثلك
جعفر/بأبتسامه عريضه
جعفر:تمام حبيبي اليوم اشتريلك واحد من المكان مالتي واجيبه لبيتكم
عمار:لالا يمعود يابيتنه تريد تفضحنه انت اني وياك نطلع بمكان خاص
جعفر:تمام يم المول احسن مو؟
عمار:تمام هو اني هسه كاعد هناك جيب البطل وتعال
جعفر:صار تدلل
جعفر/هلا هو اجه للموت وحده هو راح يخسر حبيبته بأيدة حضري نفسج فطومه للصدمة يروحي اكو عدنه بالمنصور مكان مخصص لبيع مشروبات وحبوب طلعت من غرفتي اخذ السيوج
ام جعفر:وين رايح يمه؟
جعفر:عمار شوي مريض ورادني اجيبله علاج وعدي وبالدوام
ام جعفر:تمام دير بالك
جعفر/طلعت من البيت رحت للمحل دخلت
جعفر:السلام عليكم..ألكه عندك بطل مشروب
ابو المحل:وعليكم السلام..يي تفضل يانوع
جعفر/اني ماعرف بهيج اشياء فأختاريت بطل مدري شلونه اول مرة اشوفه فاخذت بطلين حطيتهن بعلاكه سودة واحد لعمار وواحد ألي..بس اكيد مراح اشرب شبييه تخبلت اشرب هيجي شي..تحاسبت ويه ابو المحل وطلعت فتحت البطل مالتي وذبيت المادة البي بالكاااع لحد مافرغ رجعته بالعلاكة رحت للاسواق اشتريت بطل مي صعدت بالسيارة ترست البطل مالتي مي وخليت بس بطل عمار بي مادة الكحول وشغلت السيارة رحت للكرادة وصلت للمنطقة اتصلت ع عمار طلع كاعد مقابيل مول الليث يلي احترك وكاعد يتأمل المنظر هو ومحروك وصلت ونزلت من السيارة
