العشق السرمدي

الجزء 81

🍒 الفصل الأول: بدونك لا اهوى الوجود

وسط القصر العائلة كلها كانت مجموعة كيتناقشو ويهدرو علي حضور سحر المفاجئ  وحتا عصام حاضر معصب من الأحدات ديال الصباح .حتى كيسمعو صوت جاي من برا دارو وهوما يلقاو يوسف داخل ومعاه شي راجل باينة عليه مغلغل وكيهضر بجهد . وقفو  كلهم مستغربين وتوجهو لوسط القصر

مراد : يوسف اش واقع شكون هاد السيد

يوسف ببرود: لقيتو واقف برا كيتغاوت مع الكارد دخلتو نعرفو شنو طاري

عصام: شنو كاين اسييي مالك علي هاد الغوات

الراجل: ادا محضروش داك البنات غادي نمشي نديكلارييي . ومامحركش من هنا حتى يبانو

عصام بعصبية اصلا طالع ليه الدم: هيييي غاديي تنقص صوتك ولا نضرب دين*مك مع داك الحيط

مراد: عصااام تهدن خلينا نعرفو شنو طاري. شكون هاد البنات اسيدي

الراجل : جوووج بنااات انا متأكد دخلو هنااا شفتهم بعييني

عصام: هانتا شفتيهم دخلو ومن بعد

الراجل:اسيديي راه لاحو عليا حجرة  هرسو ليا الزاجة د طموبيلتي

العائلة كلها غير سمعو هرسو ليا طوموبيلتي دارو يديهم علي راسهم عرفو شكون. شكون غادي يكون منغيرها مولات الزبايل والكوارت

يوسف على نيتو : اسيدي حنا معندناش الدراري الصغار لي يديرو هاد التبرهيش وحتا الخدم معندهمش ولادهم

اكرم فلتات ليه الضحكة حتا خنزر فيه عصام عاد جمعها

يوسف: اجاوبو السيد مالكم

مراد بعصبية وصراااخ: فيييييييين لييلياااان

يوسف قوص حجبانو  مستغرب: ليليااان . علاش بغيتيها

ذكرى: وشكون غادي دير هاد الفعلة منغيرها

يوسف بقا مصدوم مافهم والو

مراد غوت علي الكارد حتا دخل كيجري

الكارد: نعام اسيدي

مراد: فين ليليااااا ن

الكارد توتر وتخلع: احمم خرجت اسيدي

مراد: كيفاش خرجات يااااك منبهكوم ممنوووع تخرج
على المنطقة

الكارد:معرفناش كيف سلتت اسيدي والكارد مالحقوهاش

مراد :وعلاش دايرين دوك الكاميرات ملي ماتشوفوش شكون داخل وشكون خارج

الكارد: احمم   ههرساتهم اسيدي عاد هربو

يوسف زاد علا حجبانو من الصدمة . ماكانش كيضن بلي غادي يخرج منها هادشي كولو

مراد صاخط: هاد الموصيبة غادي تصطيني.  وفينهم دابا

فهاد الأتناء كانت داخلة ريحان من باب القصر كتجري وتلهت كانت جايا غير تستطلع علي الوضع وتعرف واش ساقو الخبار حتا لقاتهم كلهم واقفين ومعاهم الراجل بقات مصدومة ضارت راجعة تسلت منين جات حتا سمعات صوت مراد بالجهد

مراد: ريحااااااااااان . قربي لهنااااااااا

ريحان قلبت الدورة وتقدمت بشوييية كترعد وتقفقف

الراجل : هي هادي اسيدي وكانت معاها وحدة هي لي لاحت الحجرة

عصام: هنينا نتا

مراد: فين كنتو وفييين ليليان

ريحان: ماعرفتش وماشفتهاااش

مراد:ماشفتيهاش وماشي هي لي هرسات الطوموبيل لسيد

ريحان حركات راسها بلا : لا ماشي هي

مراد:ياك قلتي ماشفتيهاش

ريحان:  احم لا هيا حيت احم كانت معيا فالجردة

مراد:ادن ماشي نتوما لي خرجتو وهرستو الطوموبيل
ريحان حركت راسها بلا مرة أخرى

مراد: صافي اسيدي ماشي هوما . ادن غادي نعاونك بتسجيلات الكاميرات لي فالمنطقة لورانية من القصر  حيت المنطقة كلها عامرة بالكاميرات ونتا سير ديكلاري