العشق السرمدي

الجزء 84

🍒 الفصل الأول: بدونك لا اهوى الوجود

ليليان: وزيد عليها جرا ورايا  كان غادي يضربني

يوسف: كيفاش جرا وراك

ليليان: جرا ورايا بطوموبيل وانا ماقدرتش نجري وطحت علي الأرض حتا ضراتني رجلي شوف شووف صندالتي بقات ليا غير وحدة والتانية طاحت ليا ملي كنت كنجري .( الصندالة اصلا بقات عند الكلب )غير كملت كلامها تنهدات وسرطت ريقها علي هاد الكدوب كاملين ،

يوسف تعصب مي مابغاش يبين ليها

يوسف: أخر مرة. أخر مرة تخبي و تكذبي . نهار توقع ليك شي حاجة أجي علمينا باش نعرفو نتصرفو

ليليان: واخاا خووووياااا

يوسف زير علي يدو بالغدايد لي غادي يتركبو فيه من هاد الكلمة. ماكرهش يقطع ليها لسانها، ولكن فري شنو كان منتاضر منها تقوليه حبيبي وتطير عليه بتعنيقة ياك هو خرج علي راسو بالطيران لي فيه ادن يتحمل يااااااالاااااه  ههههههه( أعتذر غير تحمست. )

يوسف كتم الغضب ديالو فنفسو وضار راجع لقصر

يوسف: تبعينيييي

ليليان غير عطاها بالضهر طلقاتها بضحكة وبدات كتدير حركات فحالا كتشطح كأنها كانت فمعركة وخرجت منها رابحة

يوسف غير دخل لوسط القصر مشا شنق علي السيد

يوسف: ندين*مك كنتي غادي تقتلها  وجاي تشكا ملفوق
مراد وعصام جروه علي الراجل

مراد: شنو كاتدير نتا غادي تقتل السيد

يوسف: خليني نقتلو ولا يمشي يق*ود من هنا

عصام بعصبية: جمع فمك نتا قدام الواليدة وخوتك

(سلمان جر السيد وخرجو من تما عطاه باش يصيب طوموبيلتو ومشا)

فهاد الأتناء كانت داخلة ليليان كتسلت باغيا تطلع لفوق قبل مايشوفوها ولكن خطتها مانجحتش ملي شافها مراد .

مراد: هيييي اجي نتي لهنا (وتقدم عندها باش يضربها)
ليليان وقفات بلاصتها و رجعات صفرة بالخلعة كانت قريبة تبكي.

يوسف غير شافها كيفاش مخلوعة ولونها مخطوف.  بسرعة تقدم عندها مغطيها بجسمو دايرها وراه .

مراد: يوسف بععععد خليني نتفاهم مع مها

يوسف: تاحد ما غادي يقيصها

مراد: نتا ماعارفش زبايلها والطيران لي فيها

يوسف:  عاااارف ومن اليوم انا المسؤول عليها

عصام بتاسم: كيفاش مسؤول ونتا غادي تطلقها

يوسف: احممم علي بيدمن تكمل تمنطاش ونطلقو غادي نكون انا الواصي عليها فكولشي ليها وفأي أمر كيخصها

مراد: اييييه هادشي جدييد عندك( شاف فليليان).  ونتي موافقة علي هادشي

ليليان بالخوف لي فيها باغيا غير يسالي هادشي

ليليان: اه مواقفة

عصام بإستهزاء: علاياش موافقة احنينتي 

ليليان: هو يكون والي امري حتا نهار نطلقو

( حاسبة يوسف حيط قصير وديما غادي تخرج منها وتضحك عليه فحال ليوما)

مراد: ادن صافي من ليوم هو المسؤول عليك حتا نهار تطلقو

ذكرى بتاسمت فرحانة، فحالة بدأ يرجع ليها الأمل من جديد، كتمنا فهاد المدة يتقرب منها ومايطلقهاش . وهي مازال مبتاسمة حتا تقلبو ملامحها لصدمة ملي شافتها داخلة من الباب

ذكرى: سحر

#يتبع

نتشاوفو غدا