العشق السرمدي

الجزء 88

🍒 الفصل الأول:  بدونك لا اهوى الوجود

سحر طلعات فيه راسها بشوفة مخلطة بين استهزاء و بين منيتك: كنضن هادي حياتي وانا حرة فيها (مصت من الكارو ونفخت الدخان ) و إذا بغيتي نهزو حتى قدام باباك معنديش مشكل

عصام بعصبيتو المعتادة : حيت قليلة الحيااا و معندكش علاش تحشمي

سحر ( معاطياهش حتى قيمة شي لي كيزيد يعصبو) : إكزاكطمون ؛معندي علاش نحشم

عصام : كو كنتي بعدا غا قح*بة و عاطية قيمة نراسك كان ممكن تحترمك و لو غا شوية ؛ ولكن نتي قح*بة و مدلولة من الفوق ؛ مالك معندكش كرامة علاش راجعة ياك جريت عليك و كتلك إذا فيك النفس متعاوديش تبينيلي كمارتك

سحر ببرود علات فيه راسها و معليا رجلها على لاطابل
لي حداها: ااه قلتي منبينلكش كمارتي و داكشي لي درت حتى أنا هه ,جيت باش موقف على شغلي مقادرينش عليه (باستهزاء) و مالوغوزمون لقيتك فوسط شركتي ، مشيت نالمكتب لقيتك  تابعني ليه، جيت نكلس هنا جيتي عندي ههه، هادشي تيبين بلي نتا مقادرش تدوز دقيقة بلا متشوفني ماشي أنا حيت أصلا مكتهمنيش و مكتعنيلي والو

عصاام سخط استفزاتو بهدرتها الباردة بحالا كتضحك
عليه حاس بلي فين مكيواجهها كترجعو بلى قيمة :  شكون نتي باش نتبعك  آخر يامي نتبع قح*بة لي مهامها حد من غير راسها مابقات لا تهتم لعائلة ولا لعادات مدوزة حياتها غا بالكماية و السكرة و الرجال من واحد لواحد (سحر غير كتسمع قالبة عينيها و دايرة ابتسامة جنب ، الرجال قال واش هي لي ما بقا كيهمها حد غادي تعطي وقت لشي راجل يدخل مملكتها كيف ما كتسميها )

يالاه نكري ، نكري بلي كتقيلي من راجل لراجل وماكاتسالي علاقة حتى كدخلي فالخرى

سحر: قهقهات بصوت ونفخات الدخان علاش غادي نكر وأنا بصح هاكاك ونتا ديها فسوق راسك وماتبقاش تدخل فلي ماكيخصكش

عصام:كل مرة كيزيد يتوضحلي كتر علاش كنكرهك

سحر بإبتسامة :شعور متبادل
و إذا ساليتي هدرتك تقدر تمشي و عمل ف بالك هدرتك كتدخل من ودن  و تخرج من ودن ، حيت عاجبني راسي هاكا وكيهيمنيش سي عصام كيفاش كيشوفني لي بغيتو غادي نديرو و مواعضك خليهملك بلا متعدب راسك

عصام تحت سنانو : كاره الدم لي كيجمعني مع مدلولة بحالك و كون كان فيدي كيفاش نبدلو منترددش ثانية ( خلاها و مشا)

سحر غير مشا طلقات تنهيدة قوية والقوة والبرود ليكانو فوجهها تحول لضعف و قهرة هي مهاماهاش الهدرة لي كيقولو عليها الناس ولا كيفاش كيشوفوها و لكن من عندو جاتها صعيبة كان بإمكانها تقولو لا انا ماشي هاكاك لكن لا شخصيتك كبرات وقصاحت على أنها تنوض تبرر ولا تدافع على راسها قدامو  ومن دابا لفوق زاعمة  باش مايبقاش يهمها حتى نضرتو ليها هو حيت حتى حاجة ماغادي تبدل ، كتحاول تكرهو و غاديا فالطريق الصحيح بعدا كل مرة كتزيد تأكد بلي ميستاهلش تفكر فيه و هادشي لصالحها غا هي مكانش فصالحها يفكرها فالماضي وفاكثر حدث كان كيدمرها فصغرها
*فلاش باك*

#يتبع
بااااااي لي قرات تخلي تعليق يشجعني 🥰🥰