العشق السرمدي

الجزء 96

🍒 الفصل الأول: بدونك لا اهوى الوجود

فالصباح بكري فاقت ليليان كتكسل ،مدات يديها باش تهز تيليفونها و هي تفكر بلي طافي من البارح مابغاش يخدم ، ناضت هزاتو لبسات بانطوفتها و خرجات هاكاك ب شورط فوق الفخاض مغطي غير المؤخرة و بيل سماطي، خرجت كتنقز بحال ديما حتى حلات عليه الباب ديال البيت دخلت كتسلت حيت البيت كان مضلم، كان ناعس غير ب شورط و ضهرو عريان داير راسو تحت المخدة غير شافتو ابتاسمات بمكر ، طلعات قدامو فوق الناموسية و قربات حتى لودنو و هي تغوت بحر جهدها
ليليان : عاااااااااااااااااااااااااااااااااااااااااااااااااااااا

أكرم وقف مخلوع ما عرف باش تبلى ، شعرو مشنتف طالع للسمى غير شافها هز مخدة و لاحها عليها للكمارة و قرب عندها باش يصلي مها هي غير شافتو هربات ليه و نقزات فوق الناموسية

أكرم : وقفي ينعل دين*مك مابغيتيش تسالي من هادشي

ليليان كتموت بالضحك وكتنقز فحال القردة : و الله غي كنضحك معاك والله مانعاود ، متضربنيش

أكرم : والله لا فلتي منها بيا ولا بلا بيك اليومة 
قرب لجيهة الناموسية هي غير شافتو جات تنقزت هربانة كان هو أسرع منها طلع فوق الناموسية شدها و كالاها مع الحيط

أكرم : شنو ندير فيك دابا أهاد البرهوشة

فهاد اللحضة دخل يوسف لي كان نازل قبل ما يسمع غواتها،تبع مصدر الصوت حتى دخل لجناح أكرم ؛ غير شافهم واقفين فوق الناموسية بداك المنضر خرجو عينيه و علا حاجبو مخنزر

يوسف بالغوات : شنو واقع هناا

أكرم غير سمع صوتو و هو يطلق ليليان : خويا يوسف ، محتاجني فشيحاجة

يوسف : ياك سولت شنو واقع هنا

أكرم: بحالي بحالك ؛ ماعرفت باش تبليت حتى لقيتها فوق راسي

يوسف شاف فليليان : ونتي شكاديري هنا على الصباح

ليليان بتوتر : جيت عند أكرم يصايبلي تيليفوني

يوسف : يصايبلك تيليفونك فوق الناموسية

أكرم :خويا يوسف شنو كتقصد هادي راها ختي

يوسف بصراخ : ماشي ختك ؛ مامكتوباش معاك فالحالة المدنية(شاف فليليان مخنزر) ونتي سيري لبيتك منبعد غادي نتفاهم معاك على هادشي

ليليان: علاش كتدوي معايا هاكدا مغادي نمشي حتى يصايبلي تيليفوني

قرب عندها  شد الطيليفون وشعطو مع الحيط :  ها تيليفونك يالاه قو*دي دابا
ليليان تغرغرو عينيها بالدموع و خرجت كتبكي

أكرم : علاش هرستيه ليها
يوسف شاف فيه مخنزر وهدر بحدة وهو ماد سبابتو بشكل تهديدي: آخر مرة ، آخر مرة ا أكرم نلقاك قريب ليها لهاد الدرجة

أكرم : مانسماحلكش تدوي معايا بهاذ الطريقة ؛ ليليان ختنا وعاشت معانا من هي وصغيرة ، موالفين على تصرفاتها

يوسف : هانتا قلتيها ملي كانت صغيرة ، دابا كبرات زيد على هادشي أنها مزوجة يعني خسك ترد البال لتصرفاتك معاها

أكرم : إذا بغيتي مانبقاش ندوي معاها كاع

يوسف : غايكون أحسن

خلااه و خرج متاجه لغرفة ليليان ، دخل جبرها جالسة كتبكي و براءة كتسولها باغا تعرف مالها

يوسف : براءة خرجي خلينا بوحدنا

براءة : آ آه واخا ا خويا (خرجاات)