العشق السرمدي

الجزء 97

🍒 الفصل الأول: بدونك لا اهوى الوجود

غي خرجات و هو يشد الباب و دور عليها بالساروت؛

ليليان غير شافتو كيسد الباب تخلعات :علاش سديتي الباب ، شنو بغيتي مني

يوسف كيقرب عندها و هي كترجع باللور حتى كالاها مع الراس د الناموسية : شنو قلتلك البارح علاش وصيتك

ليليان : مانعرف شنو قلتي بعد مني ، ماتزيديش تقرب ليا

شدها من حنكها بقوة حتى خرجو شنايفها : قلتلك مانلقاكش كاتدوري ب شي ولد ، علاش داخلة عندو لوسط بيتو

ليليان : وااااا  ماااشي سوووقك ندخل فين مابغيت و ندير لي بغيت ، شكون نتا لي تحكم فيا

يوسف بحدة : أنا راااااجلك

ليليان وقفت مصدومة ملي سمعت هاد الكلمة سكتات شوية كتبلعها عاد نطقات: بعد مني نتا ماشي راجلي و عمرك كنتي ، حنا قريب غادي نطلقو

يوسف ب صرااخ : ماااغاديش نططلقك

ليليان بلعات ريقها حسات بالسخانة طلعات معاها وتمتمات بصوت متقطع : ش شنو كتعني بهاد الهضرة

يوسف زاد قرب و حاط يديه على حنيكاتها كيدوز يديه بحنان كأنه كايداوي البلاصة لي قصحها فيها و دوى بحنية وباين حب كبير فعينيه: كنقصد بلي نتي ديالي ملكي من هنا الفوق ، ما تحلميش شي نهار نطلقك ، و عقلك(ضربليها فراسها بصبعو ) إذا ما بغيتيش ديريه انا غادي نديرولك وكوني متأكدة نهار غادي تديريه غتشوفي يوسف آخر عمرك ماشفتيه وغادي تعيشي معاه حياة مزال ماعشتيهاش

ليليان تمتمات بشوية مزالا مخربطة و متوترة من هاذ القرب كامل : ماافهمتش

يوسف شدليها بحنيه جنب شفتها بصبعو وهبطها بشوية حتى تبومبات: من الأحسن ماتفهميش دابا حيت نهار غادي تفهمي غادي تعاني معايا بزااف

ليليان قلبها خفق بالزربة ، حست بالحمورية طلعات مع وجهها ، بغات تدوي ولكن مالقات ما تقول

يوسف رجع اللور شويه و دوى بتهديد : هذا آخر إنذار ليك ، هاد المرة مغاديش تسمعي الكلام غنخدم يدي

ليلياان:ولكن نتا هرستيليا تيليفوني

يوسف : التيليفون غادي نشريهلك وأي حاجة بغيتيها من هنا الفوق أجي طلبيها مني ما نبغيش نعرفك لتاجئتي عند شي حد آخر ، و أنا ماطالب منك والو غير تديري عقلك را يدي سابقاني مابغيتش شي نهار نضربك والله
( خرج و شد الباب)

ليليان بقات جالسة ف بلاصتها مصدومة عينيها مكترمشهمش ، لحد الآن ما متيقاش هذا الكلام لي قال ، شوية و هي تبدى تدوي مع راسها : ولكن هذا شنو بغا يقصد ب نتي ملكي واش غير حيت باقا على ذمتو زعما غادي يفرض سيطرتو عليا والله لا كانت ليه ياك هو مزوج ولا باغي يتحكم فكلشي ، لا  مغاديش نسكتلو أنا ما ملك حتى واحد باغي زعمة يعتابرني عبدة عندو هو الآمر و الناهي و أنا لي كننفد، توتوتوتو هاذا باقي معارفش شكون هي ليليان

سكتت و بقات كتفكر شوية و هي ترسملها ابتسامة زوينة على فمها و كيتعاود فودنيها صوت واحد : مغاديش نطلقك من اليوم نتي ملكي ديالي

#يتبع

نتشاوفو غدا بيييزووووو.  ضاروري  ديرو التعاليق راه كنقراهم كلهم واحد بواحد 😘😘