كابوس

كَآبّـــــــوًُسًــــــــ

                    (❹❷ وآلَآخـــــــيـــــــّــرهِ)

‏‎"أنتِ البيت الذي بحثت عنه بكل من حولي، ربما أنتِ الرحلة والطريق والوصول."
_________
بعد مالك سلم ع اهله كلهم قعمز ف الصاله وهوا يحكي في ياللي صارله كله ونصدمت انه مالك كان مخطوف احكلنا ع التعذيب اللي تعرضله كان وضح عليه من جسمه فات اليوم عادي وجت ليلي ف الليل ودرنا عشي كبير بمناسبة مروحت مـــآلَكَ بسلامه من الحرب
جو عمام مالك وخواله وعماته وخالاته كان الحوش زحمه ونصدمت لما شوفت خالتي نـــعيمه وًسًــــنـــٌدًسً وُآمِـــيــــّــرهِ
وباقي خالاتي ونساوين خوالي نوضت بصعوبه من ع الكرسي
رفعت ايده خالتي نعيمه وقالت:خليك احني نجوك
هزيت راسي ودموعي ينزلوا :اني اللي نجيكم
قربوا مني وحضنوني معا بعض قعدت نبكي كانو هدوم من ريحة
مــــآمــآ زدت حضنتهم بقوه بعد فتره من الحضن بعدو عني وامسحنه دموعنا حطت ايده ع بطني اميره وتضحك :قعدتي دبه يابنت
ضربتها ع ايدها واني نضحك:دبه في عينك ياكلبه
نــعــيـــمـه:مادوريهش هادي المكلوبه استاحشتك والله ياسريوه
اًسًــــــراء:والله اني اكتر ياخويله كيف جيت ع بالكم وادكرتوني
ًسًـــندس:سلم ياحنه بو نسيب هو عزمنا قال بش تتفضلو عندنا
حسيت بفرحه لانه مِـــالك هو اللي عزمهم عشاني قعمزنا نهدرزو وسلمت عليهم عميمه فتحية هيا وسوسن وليلي هدرزو شوي وبعدين قالت عميمه :هيا نوضن يابنات خليهم ياخدو راحتهم
نعيمه:لا والله اقعدي معانا ماعندنا ع شني نهدرزو
فتحيه:لا والله عيب ليكم فتره ماتلقيتو خودو راحتكم وهدرزو
وامشو خلونا بروحنا عشان ناخدو راحتنا
امِـــــيره شبحتلي بستغرب:الله اول مره نشوف انسانه تفهم بالدوق قبل زكيه تلصق فينا زي ظلنا
ضحكت ع تشبيها :الله ع ايام زكيه
سندس :الله تعرفي وجعتني معا انها مجرمه
آمِــــيـــره :حتي اني تصدقي
استغربت وشبحتلهم:علاش وجعتكم
شبحوالاتنين ف بعض بصدمه وبعدها شبحو لي  خالتي نعيمه اللي وجها راح الوان وهيا تفنص فيهم
شبحتلها وقولت:علاش تشبحو لي بعض هكي ااه شن في فهموني شن صاير
سندس :ماصاير شي صدقيني
تكلمت اميره بسرعه:ايه ماصاير شي غير احني هكي نقولوا
شبحتلهم وحسيتهم يكذبو تكلمت بعصبيه:شـــن صـــآيـــــــّــر فـهِمِـــوُنــــٌي والا واللهي معااااااد نكلمكم
نعيمه شبحتلي بتوتر وقالت:آًسًــــــــرآء قولي آلَحً ـمِــــدلَلَهِ عــــ كل
حً ـآلَ انك ماتزوجتيشي طلع ولد استغفر الله ياربي حرم فيه كلمت راجل
اسراء:وضحي كلامك اكتر انتي ع من تتكلمي اااه فهميني
نعيمه:ًسًـــفّـيــّــآنــــٌ ولد عمك توفاء اللقوه مقتول ف مكان معفن
اميره:طلع مقتول يا اًسًــــــــرآء ف مكان دعــــــــآرهِ تخيلي قداش طلع وسخ
قعدت ساكته واني نشبحلهم وحسه بغصه
سندس حطت ايدها ع رجلي وهيا تهز فيا بشوي :سريوه تكلمي خيرك ساكته
آًسًــــــــراء:😕
نعيمه قربت مني وقعمزت جنب رجليا :وراس بنتي تكلمي
اميره : اسراء قولي اي حاجه ابكي عيطي ديري حاجه تربحي
نوضت وقفت وهما يشبحولي بصدمه وخوف:امته مات
نعيمه :اًسًـــراء يابنتي ا______
آًسًــــــــراء بعصبيه:قــــــوُلَتُـــــــًــــــــك امته مااات
سندس :من حوالي اسبوع ميت
نزلت دمعه من عيني قربت من اميره خديت الوشاح اللي ع رقبته وهيا تشبحلي بصدمه امشيت وخليتهم ينادو عليا والناس تشبحلي ومش فاهمه حاجه ومعهم عميمه فتحيه والبنات حطيت الوشاح ع شعري نغطي فيه وفتحت باب الحوش وطلعت منهم واني حسه بي غصه وقلبي المحروق كان في شباب واقفين ف الجنان لما شبحوني نزلو راسهم لوطه مدورتهمش سمعت  صوت الرجاله عالي شبحت
المربوعه كان مالك واقف يسلم ع شباب كانو يحضنو فيه ويتحمدو ع سلامته شبحلي علي اللي كان واقف جنب مالك قرب من ودن مالك وتكلم شبحلي مالك بصدمه وطلع برا المربوعه وهوا يصكر ف الباب وجاني بسرعه وهوا يشد في يدي ويضغط عليها بقوه بس جت عينه ف الشباب اللي واقفين تكلم بصوت عالي ومعصب :ترا معلشي شباب خشو للمربوعه 
هزو راسهم وامشو بسرعه خشو للمربوعه وصكرو عليهم
شبحلي مالك بعصبيه وهو يهز فيا:انتي شن طلعك براااا اااه مش تشبحي ف المفرخ الوقفين شن اديري طالعه
نزلت دمعه من عيني وتكلمت بصعوبه:ًسًــــــــفيان ولد عمي مات يا مالك تكلم بعصبيه:وكان مات يعني شن بيصير امشي خشي داخل
شبحتله بصدمه رفعت ايدي وبعدتله ايده عني بقوه وتكلمت بصوت عالي:شـنــ بّــــيـصـيـر انت سامع روحك شن تقول قولتلك سفيان ولدي توفاء ليه سبوع وانت تعرف وماقولتليش يامالك
مسح مالك ع لحيته وتكلم بعصبيه:تي اني امبارح بس روحت امته بنقولك
اسراء واني نتكلم بعصبيه وصوت عالي:كنت تقدر اتقولي من لما روحت يا مالك لكن انت شن درت شبعت رغبتك بيا امبارح واليوم
عزم الناس وخوالي تبيني نلهاء فيهم
شدني مالك بقوه من شعري اللي كان طالع من برا الوشح من تالي:صـــوتك ناقصي امه غير ما نقتلك توا وندفنك ف مكانك تسمعي فيااا صوتك مايعلاش علياا فهمه وحتي كان مات مافيش مشي ولا مش قادره تنسي حبيبيك السابق يا مرتي يفالحه  راك حامل مني ولا نسيتي
نشبح لي مالك بصدمه ودموعي ينزلوا رفعت ايدي وحطيتها ع ايده اللي ع شعري :انت شكلك انسيت انه هدا ولد عمي وعشت سنين معاهم
ضحك بهزوه وزاد قرب وجهه من وجهي:صـــار قولتيلي ولد عمك
اي ولد عم تحكي عليه اللي ساومك بفلوس ولا اللي امه حرقتك بالنار ولا حبيب قلبك اللي فاتك ف اول فرصه حاصل فيها مبلغ كان سلع رخيص
حسيت بالقهر من كلام مالك كنت راح نتكلم بس سمعت صوت من تالي :اًسًــــــــراء
لفيت وجهي اني ومالك وحسيت برحه لما شوفت:خالي يوسف قدامي
(يــوًُسًــــفــــــ: مواليد 92 هوا اصغر خال ليا والواحيد اللي اعزب كان مسافر برا عاش معنا فتره ف سرت بس قبل وفاءت اهلي سافر يقرا برا روح يوم فات اهلي ورجع سافر من جديد.)
نصدمت لما رشوفت دفيت مالك وامشيتلك نجري بصعوبه واني نحضن فيه وهوا حضني بديت نبكي
مالك برفعت حاجب وعصبيه كان يشبحلنا
يوسف بعدني عنه وهوا يحط ف ايديه الاتنين ع وجهي:فيك حاجه
درلك حاجه هالمتخلف
مالك قرب وشد ايده:من انته يا محترم جاي لحوش وتحضن ف مرتي
يوسف :قصدك هدا اسلوب تعمل بيه مرتك
مالك وهوا يحرك ف رقبته يمين ويسار وصوتت  عظام رقبت مالك
طق طق:شن رايك نوريك الاسلوب اللي نعمل فيه لناس اللي زيك
رفع ايده مالك ضرب يوسف بوكس ع عينه لين طاح لوطه شهقت
ونزلت قعمزت ع ركبتي واني نشد ف ايد خالي يوسف اللي ع عيني
قرب مالك وهوا يشد في يوسف من ايده ورفعه فوق خلاه يوقف ع رجليه قربت حاولت نبعد مالك بس ماقدرتش رفع ايده مالك بيضربه من جديد بس تكلمت بصوت عالي واني نعيط:يامِــــآلَكَ هہدأ خـــــــآلَي
وقف مالك ايده اللي كانت قريبه لي وجه يوسف نزلها لوطه وهوا يشبح لي يوسف طلق سورية يوسف اللي شادها
مِــــــــآلَكَ تكلم بصدمه :خـــــــالك
قربت منه واني نضرب فيه ع صدره بيديا الاتنين ونبكي:علااااش انت سمعتلي اااه ولا خليتني نفهمك وانت كل شي عندك ضرب لازم تمد ايدك ع الشخص اللي قدامك مش هامك حتي من يكون
مِــــــــآلك :اًسًــــــــراء اني ماكنتش نعرف انه خال________
اًسًــــــــرآء بصوت عالي وبهستيريا:انت من شني مصنوع فهمني اني خلااص معادش نقدر نتحملك ولا نقعد معاااك اني عيت منك
مِــــــــالك:شن تقولي انت ااًسًــــــــرآء تكلامي زين بلا  الجو هدا انتي تعرفيني مانحبش
اًسًــــــــرآء:اني معادش نبي نقعد معاك
مِـــــآلَكَ:نـــــــٌعــــــــم نـــــــٌعــــــــمِ شـــــــن هِيـــــــّــآ
آًسًــــــــراء:اللي سمعته طلَقــــــنـــــــٌي
قرب مالك وهوا يشد فيا من احوايجي بعصبيه:انتي اكيد مش فاهمه كلامك تعرفي شن اديري توا تخشي داخل للحوش زي المراه العاقله احسن ما نقلب امها فوق راسك يا سراء
حاولت نبعده عني بس ماقدرتش بس فجاه شوفت مالك يوخر تالي وهوا يحط ايده ع فمه بسبب بوكس من يوسف
يوسف:معادش تمد ايدك ع بنت اختك احسن ليك تفهم وزي ماسمعت ماتبيش تقعد معاك هياا اسراء تعالي معايا اصلا اني من الاول جيت بنروحك بيك معااي
مالك وهوا يقرب بسرعه من يوسف بيضربه بس جيت ف نفص بينه وبين يوسف نزل مالك ايده اللي كانت ع شوي ضربتني وشبحلي وقال:اًسًــــــــرآء خشي للحوش بلا هبال
يوسف :بنت اختي بتجي معاااي
مِــــــــآلك بعصبيه :تبي نقتلك انت ولا كيف مش هامتك روحك
اًسًــــــــرآء:مالك هدا خالي وعنده الحق انه روح معاه
مِــــــــآلك:واني راجلك يافالحه ومن الحوش هدا مافيش طلوع
وامشي خشي اسراء
شدني خالي يوسف من ايدي ولفني وخلني نوقف وراه وهوا يتكلم
يوسف :قولتلك بتمشي معاااااي
هجم مــــــــآلَكَ ع يوًسًــــــــف وبدو يضربو ف بعض بقوه واني نحاول نبعدهم ع بعض بس ماقدرتش بديت نبكي وحطه ايدي ع فمي ونشبحلهم شوفت علي ومعااه شباب قربوا يبعدو فيهم عن بعض شبحت لي يد خالتي نعيمه  اللي نحطت ع كتفي وهيا تحضن فيا قرب مني خالي يوسف شدني من ايدي وهوا يمشي واني وراه نشبح لي مِــــــــآلَكَ آلَلَي يعيط بصوت عالي وينادي باسمي ركبت معاهم  ف السياره اني وخالتي نعيمه واميره وسندس  وباقي خالاتي ركبو ف سيارات تانيه لفت خالتي نعيمه تكلم ف خالي يوسف:غلط يا يوسف هدا راجلها عيب اطلع المراه من حوشها من دون موفقت راجلها
يوسف :اي راجل وهوا يمد في ايده عليها هدا شن يحساب مافيش رجاله وراها لا والله مايحلم بيها حتي الحلم
شبحتلي نعيمه كيف نبكي ويسكتو فيا البنت تنهدت وشبحت للقدام
مالك كان قالب الدنيا يكسر ويعيط ويشتم حتي من فتحيه نصدمت ف شكله لهدرجه مش قادر يقعد لحظه من دون اسراء
ركب مالك سيارته وطلع بسرعه وركب علي سيارته ولحقه
____________________
فــــــي الصبح🌞
حطيت ايدي ع بطني نحس بوجع ياربي مش وجع الجياب هكي نفتح الباب وخشت نعيمه معاها سفرت الفطور قعمزت بصعوبه
اسراء:علاش تعبتي روحك كنت بنطلع نفطر معاكم
نعيمه:وين تطلعي اقعدي ارتاحي وانتي مبارح حتي ف نومك تتوجعي بالك فيك وجع يا اسريوه
هزيت راسي بسرعه :اي وجع ما فيا شي خويله طمني
تنهدت نعيمه ورفعت ايدها حطتها ع شعري من فوق وهيا تنزل لنهاية شعري :الله يا سريوه غريبه ماقصيتيش شعرك
اسراء:علاش بنقصه
نعيمه:مانعرفش جيل توا بدو يقصو ف شعرهم ويقولوا موضه
اسراء:هوا بصراحه حتي اني نبي ندير تغير فيه بس مانقدرش
نعيمه بستغراب:علاش ماتقدريش
اسراء:مِــــــــآلَكَ قالي لو فكرتي في يوم تقصي شعرك نقص ايديك الاتنين
شهقت نعيمه:شن هدا وووك عليا لةد
نعيمه :اسراء تسمعي ف روحك تي هوا مد يده عليك
اسراء:لانه اني عصبته وكترت معاه ف الكلام ومالك من نوعية مايحبش من يكبر راس معااه واني امبارح يمكن لما سمعت بوفاة سفيان اتاترت زيده عن اللزوم
نعيمه :ربي يهديك وخلاص المهم توا افطري انتي وبعدين نهدرزو
هزيت راسي وبديت نفطر واني متاكده انه في اي لحظه راح يهجم عليا مالك بعصبيته ....
كملت فطور وسمعت صوت السلاح والعيط تنهدت واني نعرف من صاحب هالحفله اللي برا كليت من البريوش وبعدت الشرشاف ونزلت من ع السرير شبحت لي قفطان مِـن خالتي اللي كان طويل عليا هلبااا بسبب هيا طويله واني قصيره شديت القفطان ف ايدي وفتحت الباب وطلعت من دون ماناخد وشاح اني ف حوش خوالي يعني مافي حد براني امشيت ف الممر وصلت لصاله شوفت نعيمه
وقفه هيا واميره والخوف واضح ع وجهم يتفرجو من الروشن تنهدت واني نشبحلهم شهقت نعيمه :علاش طلعتي
اسراء:بنطلع نشوف المهبول اللي برا شن امدير الناس تاخد واحد يكون عمره ف تلاتين تقول عاقل كان اللي عندي اني وكان يسكر 60 يقعد مهبول وصايع وضايع ومتاع مشاكل
اميره بخوف:ردي بالك بالك يفرغ فيك
ضحكت بهزوه:هدا يقتل الكل الا اني
نعيمه بعصبيه:ايه توا قوليلي حتي راجلي وخلاص وانتي تشكري فيه
ضحكت عليها وقولت:مش قصة راجلي بس اني نعرف مالك عنده هوس فيااااا واني عندي كان نفس ال #كابوس بس صار هال#كابوس احله حاجه ف حياتي
هزت راسه نعيمه :مافيش فايده معاك
امشيت لباب الحوش فتحته وشوفت خالي يوسف واقف ويسمع ف كلام مالك اللي ف الشارع يعيط ويقول جيبلي مرتي
شبحلي يوسف وقال:خيرك طلعتي امشي خشي داخل
اسراء:لا بنطلع نشوف مالك توا مستحيل يسكت لين نطلعه ليه
يوسف بهزوه:لا متخافيش توا بيمشي غصب عنه
اسراء:كيف بيمشي
يوسف :كلمت الرداع
تنهدت وتكلمت بتقه:وشن بيديرو يعني
يوسف :بيرفعو ويصرفوا معااه اهم جو اسمعي توا شن بيديرو
بدينا نسمعو ف صوت برا بعدها سمعنا صوت السيارات تحركو
ضحك يوسف :ها شوفتي هيا تعالي معااي داخل
كنت راح نتكلم بس سمعنا صوت عيط مالك
ضحكت وشبحت لخالي اللي تكلم وقال:كيف مرفعوشي
اسراء:مالك يده طويله ف ليبيا يخالي ويعرف ناس هلبا وهوا ف ذاته عنده كتيبه اهني يعني ماحد يقدر ايدير شي معااه
بانت الصدمه ف وجه خالي يوسف تنهدت :خش داخل ياخالي خلي نتفهم اني ومالك
يوسف :تي شني انتي تبيه يضربك
اسراء:مستحيل يضربني اني نعرفه
يوسف :لا انتي مش خايفه ع روحك باهي خافي ع ولدك اللي في بطنك اهو يدير فيه حاجه
اسراء: مِــــــــالك مستحيل يضرني لا اني ولا البيبي
وامشيت وخليته ف صدمته واني نسمع ف عيط وصوت مِــــــــآلَك اللي عالي تنهدت لما وصلت لي باب الحديد سحبت الباب شوي ونفتح وخش مالك معصب يتكلم بدون مايشبحلي بصوت عالي:آًسًــــــــرآء آًسًــــــــرآء هِيــــّــآ تُـــعــــآلَيـــّــ بّـــــــنـــــــٌروُحًوُ لحوشنا
اًسًــــــــراء:مِــــــــآلَكَ اني ف جنبك علاش تعلي ف صوتك
شبحلي بصدمه وبعدها علامات العصبيه بدت توضح ف
وجهها :هيا بروحو كلمه مانسمعهش منك حسابك معاي بعدين ع طلعت من دون اذني
اسراء ببرود :بااهي علاش معصب انت
شبحلي برفعت حاجب:اسراء دمك رزين راهو هيا امشي اللبسي وشاح وغيري هالقفطان الغجري اللي لبستي
ضحكت وبديت نلف ع روحي بدلع عيون مالك كانو ع شعري بياكلوني
اسراء:حلَوُ صـــحً خويله امبارح عطتهولي قالت اللبسي هدا قفطان مِــــــــآمِـــــا اخر حاجه قعدت منها
تنهد مالك:آًسًــــــــرآء امشي اللبسي ولا اطلعي هكي
قربت من مالك وشديت ايديه الاتنين:مِــــــــآلك حبيبي اني اسفه ع صار امبارح بس صدقني من الهرمونات مش مني
ضحك مالك بهزوه وضيق:من الهرمونات ولا من بعد وفاة حبيب القلب
تنهدت وزدت ضغطت ع ايديه:اني حبيبي توا معاي وهدا اللي يهمني انت ماتعرفش امبارح من دونك شن صار فيا فاتت عليااا ليله اسوء ليله ف حياتي كلهااا مِــــــــآلَكَ اني نحبّـــــــكَ ومستحيل نـــــــٌحًبّـــ شخص تاني غيرك وسفيان صح يمكن كان ف فتره في شي بينا بس كنت اني نشوف فيه الامل اللي بيطلعني من حوش زكيه ويمكن بسببه يحترموني ومعادش يضربوني بس من بعد تزوجتك وتعرفت عليك كويس صارت انت حياتي كلها وحبيبي الوحيد والدليل ولدنا اللي ف بطني توا ......
مالك كان يشبحلي ونظرته مش مفهمومه
اسراء حسيت بخوف من نظرت مالك:مِــــــــآلَكَ علاش ساكت انت مش مصدقني
تنهد مالك وقرب باس ايديا الاتنين وباس راسي وقال وهوا يحط ف ايديه ع خدي :مصدقك واتق فيك ونعرفك اللي قولتيه امبارح بلا قصده انتي عصبتي نفس ما اني عصبت وقولت كلام بدون مانقصد اسف حتي اني مِــــــــلَآكَيـــــــّــ
ابتسمت وقربت حضنته وهوا بادلني الحضن بعد عني مالك وقال:حطي وشاح ع شعرك بس لنقنك عجبتيني بكل بهالقفطان
ضحكت ع كلامه وهزيت راسي وامشيت للحوش خشيت داخل
^^^
‏‎"أنتِ البيت الذي بحثت عنه بكل من حولي، ربما أنتِ الرحلة والطريق والوصول."❤
________
شوفتهم مقعمزين ف الصاله لما شافوني وقفوا ابتسمت وقولت:اني بنروح مالك يستنى فيا
شبحولي بصدمه ضحكت عليهم :خيركم اللي صار امبارح سو تفاهم بينا ونحل خلاص
تنهدت خالتي نعيمه وقربت حضنتني:امته ماتبي تجي تعالي
ابتسمت وشبحت لي اميره:ميرو حبيبتي جيبيلي وشاحي
شبحتلي بستغرب:مش مغيره احوايجك 
هزيت راسي بمعني لا  وقولت:بنقعد بقفطان ماما عادي خويله
نعيمه:اكيده هدا لي اميمتك يا سريوه
جبتلي اميره وشاح اللبسته فوق شعري وقربت حضنتهم وكنت راح نسلم  ع خالي يوسف بس قال:بنوصلك لي  برا
تنهدت بخوف منه انه يتعركو هوا ومالك طلعت قدامه وهوا وراي
شبحلي مالك وابتسم:هِيـــــــّــآ مِــــــــلَآكَيـــــــّــ
رديتله الابتسامه بس مالك رفع حاجبه لما شاف يوسف وراي
وقف يوسف قدام مالك وقال:آلَلَهِ آلَلَهِ في بنت اختي ماتفكرش وتقول ماحد وراها احني اهلها اسراء
تكلم مالك وقال:آًسًــــــــرآء مرتي واللي بيوصل فيها وصل فيا
ومش اني اللي توصيني ع مرتي وام صغاري
يوسف :اني حذرت وانت احفظ كلامي
قرب مالك منه بتقه:مش اللواء❶❶ اللي يتهدد تسمعلي انت امشي اسال عليا وخلي الناس تعرفك تاريخي
شبحلي مالك وهوا يمد ف ايده ويقولي:هياااا اسراء
هزيت راسي بمعني تمام وقربت حضنت خالي يوسف وهوا بادلني الحضن بعدت عنه وشديت ف يد مالك وطلعت معاااه فتح باب السياره وشبحلي ببتسامه:هيا اركبي يا ذبه
شبحتله واني نفص وحطيت ايديا الاتنين ف نصي وقولت :توا انت تبينا نتعاركو من جديد ولا شني
ضحك مالك وباسني ع راسي:لالا اني فرحت اللي ارضيتي وبتروحي معااي
ركبت الساره واني نضحك عليه ونشبحله كيف لف وركب من باب السياره ولع السياره وشد ف ايدي وباسها وتحرك بالسياره
________________
شبحت ليمـــــــالك  بستغرب لما وقف السياره ع حوش
آًسًــــــــرآء:مـــــــالك وين جبتنا حوش من هدا
مــــــــالك:حوش صاحبي
شهقت وحطيت ايدي ع فمي:مِــــــــالك معقوله جيبني لحوش صاحبك واني با الشكل هدا
ضحك مالك وشد ايدي وباسها :اولا انتي عسل بجميع حالاتك تانيا الحوش فاضي صاحبي برا ليبيا هوا وعيلته والمفتاح قاعد عندي قولت احسن حاجه نجي اني وانتي نغيرو جونا
اسراء بفرحه:احسن حاجه درتها انك جبتني اهني
مالك:هيا معناها انزلي
نزلت بصعوبه من السياره واني نحس ف وجع ف بطني وفي ظهري بس مش قوي فتح مالك الباب خشيت داخل كان الحوش كبير ناس وفيه حوض سباحه وفيه حتي اسطبال فيه زوز احصانه بتسمت بفرحه قربت منه وحطيت ايدي ع الحصان ونمسح ف شعره
اسراء:محلاهم
مالك قرب وقف وراي وهوا يلف ف ايديه ع خصري وراسه ع كتفي:مش احله منك هيا تعالي نخشو داخل ناكلو اني جيعااان تعرفي من امس مش واكل حاجه ناخد ف الدخان وخلاص
بعدت ايديه عني ولفيت شبحتله :وعلاش أدير هكي مالك تبي
تمرض انت ولا شني
باسني من خدي وهوا يضحك:اسفين دكتورتنا بس كنتي واخده عقلي كله ف اخر همي ناكل
شديته من ايده :معناها هيا نديرو حاجه ناكلوها
هز راسه مالك وامشي قدامي واني وراه خشينا للحوش داخل كان كبير امشينا لمطبخ وقف مالك شبحلي:اني بندير مكرونه
شبحتله بابتسامة :انت قصدك بطيب
رفع حاجبه مالك بمكر:وعلاش بالك مش عجبك
اسراء:لا بس توقعتك ماتعرفش
مالك :انتي جهزي السلطه لبين مطبت المكرونه
هزيت راسي وفتحت التلاجه كانت فيها حاجات بسيطه طلعت الطماطم والخيار والجزر وحطيته وبديت نجهز فيهم كملت تجهيزهم وقعمزت ع الكرسي جنب الطاوله نشوف لي مالك اللي طلع مشروب من التلاجه وحطه ع الطاوله ومعاه طواسي واني معا هدا كله نحس بي وجع بس يمشي ويجي طف الغاز مالك وخدي المكرونه صبها ف صحان وحطه ع الطاوله وجاب الكوشيك وقعمز ع الطاوله:هيا قولي بسم الله وابدي وعطيني رايك
اسراء:بسم الله
كليت واني نهز ف راسي :اممممم تهبل شكله دايما بنخليك طيب
ضحك مالك:ع اساس طيبي يوميا انتي
شبحتله برفعت حاجب :شن قصدك انت ااه
ضحك مالك وهوا ياخد ف الخيره يحطها في فمي بقوه:سلامتك يا عسل كولي
بديت ناكل ومالك يحكيلي ع ياللي صار معاااه لما كان ف الحرب
بعدها غسلنا الاماعين وخشيت داخل لدار وفتحت شعري ورقدت ع السرير واني نحس قاعده بي الوجع جي مالك ورقد جنبي وامشينا فيها نوم😴😴
ف نص الليل فتحت عيوني حطيت ايدي ع بطني بوجه نزلت رجليا من ع السرير بصعوبه وقفت وشبحت لي مالك اللي راقد امشيت طلعت من الدار
وايدي ع ظهري وايدي التانيه ع بطني ونمشي بصعوبه خشيت لمطبخ حسه روحي جيعانه فتحت التلاجه حسيت بوجع قوي ف بطني شهقت حطيت ايديا ع بطني واني نتوجع بعدها امشي الوجع تنهدت خديت العصير وسكرت باب التلاجه صبيت ف الطاسه وشربتها وحطيتها ع الرخام وكنت راح نطلع بس حسيت بالوجع رجع من جديد شهقت وايدي ع بطني وجهي سندته ع الباب نزلت عيوني واني نشوف لي بطني ونحس بي وجع قوي:لا مازال قاعده اني ف بداية الشهر لالالا هدا وجع كاذب
زاد الوجع عيطت بصوت عالي واني نحس ف جسمي متشنج من الوجع زاد الوجع يديت نعيط بصوت عالي ونادي :مــــــــــــــــــــــــآلـك
ډمـوعي نزلوا بديت نبكي وشهقتي تزيد زاد الوجع
اسراء:مــــــــــــــــــــــــآلـك يامــــــــــــــــــــــــآلـك
لفه ايديا ع بطني ونبكي ونزيد نادي حطيت وجهي ع الحيط ونبكي ونزيد نلف ف ايديا ع بطني ونبكي
ونعيط رفعت عيوني واني نشبح لي مالك اللي جاي يجري كان لابس سروال توته بس وقف قدامي وهوا يشبحلي لا هدا اكيد يبصر عليا
مالك:خيرك شن فيك ماتقوليش بتولدي لا اكيد مازال صح اني مزال مش جهز
اسراء بعصبيه :شن وجهي نكدب ولا لا مالك ركز معاي كويس اني توا حالة ولاده ومش قادره نتحرك انت لازم ترفعني لي المستشفي و____ااااه اااه ووووه عليااااااااا هدا شني .عيطت بصوت عالي من الوجع ونزلت عيوني لوطه .
شهق مالك وهوا يشوف لي الميه اللي تنزل وقفطاني المبلول
مالك بخوف:اسراء هدا شني هدا شني ولدي انتي شن تحسي
شبحتله واني نحاول نتحمل الوجع ونتكلم بهد
اسراء:مالك افهمني مش وقت الصدمه انت اكيد ماتبيش نولد ف المطبخ صح عشان هكي امشي لدار اللبس احوايجك وخود مفتاح السياره وتعالا بسرعه تمام
مالك بصدمه:شني
اسراء بعصبيه:تحرك من مكانك دير لقطه مِــــــــآلَكَ اني نتوجع
استقظ مالك من صدمته وشبحلي من فوق لي لوطه وشتم انحني وحط ايده تحت رجليا ورفعني فوق ف حضنه واني نبكي ونشهق من الوجع امشي بسرعه لدار واني نبكي وشاده فيه بقوه خشينا لدار وهوا داهش حطني ع السرير واني نبكي ونتوجع
قعدت مقعمزه ع السرير حسيت بالوجع امشي بس وجهي كله عرق ونتنفس بقوه اني خايفه هادي اول تجربه ليا ياربي خليني قويه جي مالك وهوا لابس تيشرت وسروال توته شبحت لي القفطان اللي كنت لابسته يوم بت ف حوش خوالي حطه ع السرير
اسراء:علاش جايبه هدا شن وقته يامالك
مالك:قفطانك مبلول يا اسراء تمرضي هكي خلي نغيرلك قبل
هزيت راسي ودموعي ينزلوا:لا بنقعد بالقفطان هدا
مالك بعصبيه:اسراء بلا هبال اللبسي هدا
هزيت راسي بهسترياء ونبكي:لا باللهي مالك هدا قفطان ماما نبي نحس بيها انها معااي
تنهد مالك خدي دجيبوطي ولبسه ليه وحط الوشاح ع شعري ورفعني ف حضنه طلع بيا بسرعه من الحوش وصلنا لسياره فتح مالك الباب حطني ع الكرسي بديت نعيط بصوت عالي بسبب الوجع القوي اللي رجع خاف مالك صكر الباب وامشي يجري ركب ف السياره
مالك:اسراء خلاص حبيبتي اهدي يمكن يكون وجع عادي لكن مش ولاده
حسيت بالوجع خف تكلمت واني وجهي كله عرق :اني فيا الوجع من امبارح يا مالك بس كنت نقول انها يمكن حركة البيبي
مالك بعياط:تـــــــّـي خيرك الزح ماتقوليش اسراء افرضي صار شي لي ياللي ف بطنك
رفعت ايديه وشديته من تيشرته وقربت وجهه من وجهي تكلمت بصوت عالي وبعصبيه :معادش تعيط عليا تشوف ف الوقت مناسب انك تهزبني اااه تبي نجيبلك ع الكرسي ف سيارتك ارفعني لمستشفي يا مالك اني خلاص بنموت
نتفض مالك بخوف وهوا يدور ف مفتاح السياره ف جيبه اللقه طلعه ولع السياره وايده ترعش
عيط بصوت عالي:تي انت توخر تالي بتضرب السياره ف الحيط  يامالك مش وقت غباك
مالك :خلاص اسكتي اتزيدي توتري فياااا
ولع السياره وطلع بسرعه وبعد فتره بسيطه من الوقت وصلنا لمستشفي نزل مالك بسرعه وجاني يجري فتح باب اللي ف جنبي وصوت عياطي لبر واني نتوجع قرب مالك بيطبني بديت نضرب فيه ع كتفه ونبكي:كله مِــــــــنـــــــٌكَ انت خليتني هكي
مالك وهوا يضغط ع سنونه:اسراء صكري فمك بلا هالكلام وخليني نطبك
اسراء بصوت عالي وبكي:نـــــــٌحًي مِــــاتقربش مني
اني في هالحاله بسببك انت
قرب مالك وطبني بقوه:لا انتي مايمشيش معاك كان هكي
امشي بيا دخال المستشفي واني نبكي ونعيط ونضرب فيه ومالك وجها الوان من الناس اللي تشبحلنا حطني ع الكرسي وجت الدكتوره:خلينا نديرولها كشف وتشوفوا وضعها انت اقعد هنا استاذ مالك
اسراء:لا نبيه معااي
مالك:شني مستحيل نخش داخل اني
اسراء:لا ماانيش باللهي عليك مالك خش معااي
شبحلي بصدمه واني دموعي ينزلوا تنهد مالك:باهي بنخش
دكتوره:معليشي بس ممنوع دخول الرجال داخل
اسراء:بس هدا راجلي واني نبيه معاي
دكتوره:يا مدام تفهميني ممنوع عندنا دخول الرجال لي القسم هدا لانه خاص بنساء
مالك نزل عيونه فيا وقال:شوفت ممنوع مانقدرش نخش معااك
بديت نبكي بهستريااا:اني مش راااح نولد امالا اني مانبيشي البيبي هدا انت ماتحبنيش ومش هامك نموت ولا نقعد حيه
تنهد مالك وهوا يشبح لدكتوره :من اي جيهه الغرفة
دكتوره:بس___
مالك بشبحه تخوف:لو تبي راسك ينقص قولي لا
الدكتوره خافت سكتت واشرت بمعني اللحقني مشينا وراها ودخلوني داخل ودارو الكشف وطلعت حالتي ولاده كان الرحم متوسع 7سم لابسوني
ودخلوني غرفة الولاده طلبت الدكتوره من مالك انه يجهز روحه ويعقم ايديه ويلبس دار مالك اللي طلبوه منه وامشي لغرفة الولاده وشافني راقده ع السرير ونبكي والدكتوره تساعد فيا ع الولاده قرب مني مالك وحط ايده ع شعري ونزل باسني ع راسي
مالك:اهدي وخودي شهيق وزفير
اسراء بعيط:ومن قالك اني نبي نهدا اااه كان يوم أحرف يوم قولت البيبي نبيه خلاص اني معادش نبيه زمان كنت بلا عقل توا ارجعي خلاص البيبي معادش نبيه اجهضوه
مالك:إجهاض شني وانتي توا بتجيبي خلاص
اسراء:ايه خلاص كله منك من يوم شوفتك كان يوم اسود عليااا كله طايحه ف راسي والدليل انه اني الوحيده اللي اهني نتعذب
مالك:اهدي اسراء النم انتي مدخلتيني اهنايا بش تتعركي معايا ولا شني
اسراء:دير شي يا مالك اني نموت كله منك
حسيت بظوفره اللي نغرسو ف ايدي تكلمت الدكتوره :هياااا ادفعي بقوه يا مدام قرب البيبي ينزل
اسراء بكي:معادش نقدرررر
الدكتوره:قوي روحك عشان ينزل البيبي احتمال يصيرله اختناق ويموت انتي تبي هكي يصيرله
هزيت راسي بمعني لا
الدكتوره:معناها اني بتبدأ ف العد وعند الرقم 1تدفعي بقوه تمام
هزيت راسي واني دموعي ينزلوا ونزيد نضغط ع ايد مالك بقوه ويده تنزف بسبب ظوفري
الدكتوره:10_9_8_7_6_5_4_3_2_1 ادفعي بقوه
اسراء:اااااااااااااااااااااااااااااااااااااااااااااااااه
نزلوا دموع مالك بصدمه وفرحه
__________________
بّـــــعـــــد مِـــــروُر❹سنوات
تـــآيـــــــــر تــــــآيــــر
تــــــآيــــر:نعم مِــــــــآمِــــــــآ
_____خليك قريب مني انت وغاده ماما ماتبعدوش عني
تاير :حاضر ماما
___دكتوره اسراء
لفت شبحتلهم :نعم
الممرضه:في مريض طالبك ف الغرفه رقم 3
اسراء هزت راسها وناضت وقفت:تمام معناها ياريت لو تردي بالك من الصغار
طلعت وامشيت لغرفه رقم3 وكانت الصدمه
انه المريض كانت زكية مرت عمي كان وجهه تاعب هلبا ولونه اصفر كانت واقفه جنبها غالية بنتها وفي حضنها طفل صغير وتشبح لي امه وتبكي
زكية:خشي يا اسراء
تنهدت وخشيت داخل واني نشبحلهم بصدمه
زكية:الله ع دنيا قداش ليا ماشوفتك كبرتي ودرتي عيله
اسراء:انتي علاش اهني
زكيه:ربي هوا اللي خلني نجي هني عشان نطلب منك السماح ع ياللي درته فيك
اسراء بهزوه:علاش توا تطلبي فيه ولا بعد عرفتي انك ع حافة الموت
غالية:عيب عليك يا سراء ماما مريضه تشوفي ف الوضع
اسراء:والله تحكي من جدك بديتي تعرفي العيب وينك لما حرقتوني بالنار ولا لما تضربوا فيااا هدا مش حرام
سكتت زكيه وغاليه
اسراء:اطلبي السماح من ربي مش مني وكان ربي سامحك اني نكون سامحتك
وطلعت برا الغرفه واني حسه بي الماضي يرجع قدامي سمعت صوت تيلفوني طلعته ورديت :الوو
__هيا ملاكي اني لوطه
ابتسمت : شويه وننزل
حطيت تيلفون ف جيبي فتحت باب الغرفه شوفتهم يلعبو معا بعض ومعاهم الممرضه قربت حضنتهم ورفعت غاده ف حضني وشديت ف ايد تاير وخديت شنطتي وطلعت نزلت بالاسنساير طلعت من المستشفي واني نشوف فيه واقف ويضحك فتح ايديه ضحكت ع تاير اللي مشي يجري ليه حضنه ورفعه فوق قرب مني وباس خده غاده
مالك:بنتي السمحه استاحشتك يابابا
شبحتله برفعت حاجب:وام العيله ولا هادي حاجه زايده ناقصه
ضحك مالك :لا والله الكل ف الكل هادي القلب والروح والنفس اللي نتنفسه
ابتسمت ع كلامه :حمدلله ع سلامتك
مالك:الله يسلمك ياملاكي
اسراء:شن وضع معتصم بدي يمشي كويس
مالك:غير كويس الا بدي يجري جري الفرخ
اسراء:الحمدلله المهم يمشي
هز راسه مالك:هيا اركبو
امشي مالك فتح باب السياره ليا ركبت وركب هوا ولع السياره وامشي
مالك:ها شن تبو تسمعو
تاير:نبي آمِ ًسًــــــي ميــــقو
مالك:نعم تبي تطلع صايع ولا شني انت اني ع ذوقي بنحط الاغنية
تاير :لا يابابا اغانيك بارده
مالك :الحق مش فيك الحق فيا اني
اسراء:خلااص اني بنفتح اغنية
تاير:انتي لا ماما مش حلو بكل اغانيك
اسراء:واللهي
مالك:خلاص اني بنولع
وفتح اغنية🎼🎼🎼🎼🎧🎷

محلاك يا بلادي وين نغيب يزيد غلاك
ناسك صبارة ترجى بعد الليل نهاره عرب
نكتة امتاعين بصارة وقت الشدة ديما معاك
ام السرايا قلعة في صحرة ومنارة
شحات ولبدة حضارة فيها من ايام زمان
عريبي بمالوفة وحقيق يجرح ويداوي
وباص التايب وونيسة وفوزي العيساوي
ولمة عيلة في رمضان بخور وجاوي
اذان المغرب يحلو بصوت الدوكالي
حميد الشاعري بصمة من بصمات بلادي
وصالح الابيض توحشنا ضحكاته الغالي
وتضحك من القلب وين نشوفه رسم الزواوي
وفكرون يغني يابلادي حبك موالي
وطق العود وطق مقاسه طق العود وطق مقاسه
سمح لباس مبرك يوم توافق ناسه طق العود
ت

نهدت وضربت ايدي ع جبهتي واني نشوف لي مالك وتاير اللي يرقصو ويغنو معا الاغنية هدا مالك عمره ما راح يتغير .....
____
طبعا سوسن تزوجت علي وعندها منه بنت طبعا كيف تزوجها طلب ايدها من مالك اللي وافق طول وقال مستحيل نحصل احسن منه
ومعتصم اتزوج اميره بنت خالتي بعد علاقه 3 سنه تخيلو انه تعرف عليها من اول زياره ليها لينا
______
عن نفسي حياتي طبيعيه معا  راجلي وصغاري تغيرت 100 درجة بديت نحس بالسعاده معهم حتي مالك تغير بدي يقعد الوقت كله معناااا وهدا اهم شي الاهتمام من الشخص اللي تحبيه لازم يهتم بيك صح في البدايه كان مجرد #كابوس ليا بس توا صار احله حاجه ف حياتي .
                                        #آلَنـــــــٌهِآيـــــــّــة
______________
#كابوس #روايةعويشه}}}