ي ابوي مثل حب متعب للريم ما انت لاقي

البارت 17

معليش على السحبه جيتكم ببارت طويلل
دعمكم حتى استمر بشكل يومي وقذا 🤡
..............
تسريع الأحداث
اليوم عرس لافي والكل متحمس ما عدا لافي كان يحس بضيقه قبل اذا حس بضيقه كان يشكي لسعود اما الحين كيف يشكي لسعود منه كيف يقول انا يسعود ضايق منك!
وقف بضيق تنهد وهو يتمنى يصير اي شي ولا يتزوج مو مستعد ابد قعد يردد "ي ربي لطفك بعبدك "
الي يشوفه مستحيل يصدق ان ذا هو العريس!
كان الكل حاط يده بيد الثاني كان الكل يشتغل على عظم وساق
سواء كانا نساء ام رجال
.
.
.
كانت جالسه على الكرسي التسريحه وتشوف البنات يتكشخين اللي تستشور شعرها واللي تسرحه واللي تحط مكياج وتلبس كعبها والي تحط مناكير والي تغسل الحناء
كانن من الصباح عند ميثاء اما الحين فا الوقت الاعصار يعني على نهايه العصر
وكذا
غدير بستغراب/ وراتس ما تقومين تلبسين ؟
الريم بهدوء/ ما اتوقع اني بروح مالي بالعرس وغثاه
ردت هتيف بغضب وهي تحط يد على خصرها ويد تهاوش بها الريم/نعممم وش تسمينه ذا ؟؟
تبين الناس تقول انها حزنانه عليه ودافنه نفسها عشانه؟
ترى كلام الناس ما يرحم تعالي معنى وارحمي ابوي الي يتوجع من كلام الناس
قاطعتها الريم بغضب وهي تشوف محد فاهم شعورها/ ليه تقولين كذا ليه ما تفهمون مشاعري لافي تزوج الله يسعد بذمتي ما احسده انا لو رحت بيوجعني كلام الناس اكثر تكفون خلوني بحالي ما عاد عندي قلب يتحمل " وحطت يده على وجهها وبكت"
ناظرن البنات بعض ثم ناظرن الريم
جلست غصون جنبها وحطت يدها على كتفها/ الريم!
الريم بضيقه/ اتركيني ي غصون
هزت غصون راسها وطلعت مع البنات وراحن عند بيت ميثى
.
.
.
جالس بضيقه لافي ما يكلمه والريم صارت زوجته بكره ملكته حس بغسه بحلقه وده يصرخ ويبكي بس ما حد بيفهمه ليش يزوجونه وحده كانت حبيبه صديقه مو كانت الا لا زالت حبيبته!
جاء فهد وجلس جنب سعود وتكلم بخبث/ ما تحب الريم ؟
رفع راسه سعود لخوه ثم لف يناظر الغروب/ ما تدري وش بقلبي ي فهد!!
فهد بهدوء/ اعرف ونص ي سعود!
لف له سعود بغضب/ وش تعرف هاه؟ رد وش تعرف ؟
خليني بحالي ي فهد
وقف فهد وتكلم بصوت غريب/ راح اشيل الضيقه عن صدرك وبعد اليوم اصبر وانا اخوك
راح قبل يسمع رد من اخوه وشاف فهاد من بعيد وابتسم وراح له/ جيت وجابك الله
ناظره فهاد بستغراب انه ما خاف منه!
.
.
.
.
صلت صلاة المغرب وما نست امها من الدعاء ونامت لعل وعسى يختفي تعبها اذا نامت طبعاً بعد ما قفلت غرفتها عليها
.
.
.
بخت العطر حتى اكتمل شكلها وهي تشوف ام لافي تدعي لها مع ان ام لافي ما كانت فرحانه عشان هي ام وتعرف حزن ولادها!
جلست ميثاء على الكوشه وهي بقمة التوتر ما كانت جميله مره بس كانت مملوحه
تكلمت غزال بخبث/ وينها الريم وراء ما جت معكم؟؟
ردت شهد وهي تحاول تنرفز غزال/ ابد والله للحين زعلانه على امها وطبعاً ما راح تجي لعرسكم !
ردت هلا بخبث/ طبعاً ما راح تجي دام حبيب القلب تزوج وحده ثانيه ويحبها بعد هههه
ضحكت غزال بخبث/ هههههههه
وقفت العنود بهدوء/ والله كلنا نعرف وش الريم عند لافي
وطلعت
وحلقنها البنات بعد ما عطو نظرات شماته وراحن للمخيم....
.
.
.
وقف ومعه فهاد تخبوا لما طلعن البنات بعدين قال فهد/ يلا ادخل
دخل فهاد للمطبخ الخارجي شاف الخادمه وناداها وجت وتكلمت بلغه مكسره/ نعم بابا ايش يبغى؟
فهاد بخبث/ تبغين فلوس؟
هزت الخدامه راسها/ ايوا بابا انا يبغى
تكلم بخبث/ اجل سوي........
.
.
.
جلس بتعب وهو يلف لخالد/ كلمه وحده اشوتك معه ترى تو غسلت شراع نواف و غازي
ضحك خالد بهدوء/ ابك اخوك اعداء غازي ولا غازي ما يذي احد!
لف عزام بقرف/ حوفك ما شفته يلحقني يقول عزامي حبي وش فيك قلب لي كبدي الله ياخذ بليس بس!
ضحك خالد وهو يمسك بطنه/ اماا عاد ما عرفته كنت احسبه هادي هههههههه
ابتسم مشعل وهو يجلس/ وش فيكم تضحكون ضحكوني معكم!
خالد بي ابتسامه/ اخوك طلع مغزلجي ومن ورانى و درجه اولى بعد شوف بالله
مشعل بستغراب/ بدر ولا بندر؟
عزام بقرف/ غازي المروح
ضحك بصدمه/ امانه هههههه
جاء غازي يضحك مع نواف وساهي
مشعل/ ذكرنا القط جانا ينط
ساهي بستغراب/ كنتوا تحشون في من؟
نواف بفخر/ اكيد يمدحون فيني صح ؟
عزام بصراخ/ وجع ياخي راسي انفجر انكتموا ابغى اريح راسي!
نواف بلا مبالاة/ والله لو انك العريس ما سويت كذا الا على طاري العريس شفتوا حال لافي؟؟
خالد بهدوء/ مو بس لافي حتى سعود
ساهي وهو يوقف/ شكل العالم غريبه اليوم من متى ابن العم يمشي مع ابن الساحر لفوا كلهم لي فهد وفهاد الي واقفين عند باب المخيم
.
.
.
صرخت ام لافي وهي تضربها كف/ بنت اصحي ي بنتت ي ويلي ويلاه ي ربي لطفك ي غزال تعالي ي حريم الحقونييي
جت غزال تركض ومعها هلا
شهقن مع بعض
ودخلن سجى ونرجس وشهقن مع بعض بصدمه!
.
.
.
كان الوضع طبيعي وفلان يرقص وذا يدبك معه وذا يصب القهوه وذا يغني مع المغنين لين رفع جواله وقفله بصدمه وهو يقول( لاحول ولا قوة الا بالله ي ربي لطفك وصبرك)
لف مطلق له/ وش فيك ي ابو لافي؟
ناظره وغمض عيونه وبكاء وكان الكلام عاجز يطلع بذا الوقت او الصدمه خلت منه شخص صامت عاجز عن الكلام...
.
.
.
ناظر ساعته غريبه الساعه تسع وراء وقفوا الطبل تو موعد الزفه شاف اخوه وناداه/ وافي تعال
جاء وافي ووقف عنده/ وشو؟
لافي بستغراب/ وراء وقفوا الطبل؟
هز كتوفه/ مدري بس ابوي راح للبيت وهو يردد لا حول ولا قوه الا بالله بروح تعال
.
.
.
جالسين وهم مقررين يحشون وما عليهم من احد
بندر بضحكه/ كرشته ترقص معه
يعقوب وهو يضرب بندر على كتفه/ تكفى يضحك هههههههههههه
نواف بستغراب / وش صاير وراء الوضع كنه متكهرب وكذا؟
عزام بستغراب/ اي بالله الوضع ما يطمن الله يستر
.
.
.
ما تدري راسها مصدع جلست من اليوم تحاول تنام بس ماش راحت للمطبخ تسوي لها شي تاكله استغربت صوت صراخ وبكاء خافت طلعت مع الحوش وتهايقت ( ناظرت او صبرت) مع الباب بتشوف وش صاير شهقت بصدمه لما الباب اندف بغضب ودخلوا.
.
.
.
.
قاموا لما جاهم وافي وهو يقول بحزن/ كنسل العرس ي رجال العريسه مسمومه وبين الحياه والموت دعواتكم
صدمه كان يبغى اي شي يصير الا انها تتأذى بذي الطريقة!
راحوا يركضون لما جاهم ورع مو ورعان الديره يقول الحريم يذبحون بنت راحوا يركضون
.
.
.
صرخت بالم و وجع لما مسكت ام لافي شعرها وهي تقول
/ ي حماره ي قليلة الادب ما تخافين ربك هاه؟
بكت بالم/ بعدي عنيي يبههه عزاممم اههه
دفتها تم لافي لما شافت الرجال جوء
طاحت على الارض ومسكت جنبها الي صقع صيخ ( حديد) موجود بالباب حطت يدها مكان الجرح ورفعت يدها بصدمه من الدم الي بيدها الي مصدره جرح بجنبها!
.
.
.
كنت اركض مع رجال الديره ركضت اكثر لما شفت حريم الديره واقفات عند الباب وهن يمنعني خواتي وبنات عمتي
من الدخول صرخت بقهر وغضب وانا اسمع اختي تناديني بذمتي لكسر يد الي ياذيها
.
..
...
....
.....
"أعلم جيدا انك تعرضت لقصة في حياتك ، لموقف لا يمكنك أن تنساه ، لحديث لن يغيب عن ذهنك، لكن سأظل أقول لك: لابد أن يأتي اليوم الجميل ، وتنسى فيه كل ما سلف ابتسم ، ولا تمضي وقتك في التفكير".
.
..
...
....
.....
دفيت الحريم ما علي من احد ودخلت وخلفي ساهي نواف يعقوب وخالد وبندر وبدر وغازي ومشعل
ثم خلفنا هتيف و غصون و غدير و عنود و شهد وحصه حرمة مشعل الموضوع كان غريب ليش يذبحون الريم؟؟.