العشق السرمدي

الجزء 100

🍒 الفصل الأول: بدونك لا اهوى الوجود

ليليان  بتذمر: ولا اماما مابغيتش ديك الفيرمة كتخوفني ماكيجينيش النعاس فيها

يوسف شاف فيها بحنان وتكلم بهمس : اذا خفتي نعسك فحضني

ذكرى: وحتا ريحان راجعة ليوم لفرانسا قرايتها غادي تبدأ وبراءة غادا تمشي معاها تدوز الكونكور

ليليان قربات لودن براءة: نتي مالقيتي غير فرانسا فين صاحب عصام

براءة تحت سنانها: سكتي الفضيحة يعطيك غبارة

ليليان قلبات عينيها : ادن حتا انا ماغاداش شنو غندير بوحدي تما

ذكرى: ضبري راسك مع راجلك ادا خلاك بقاي

يوسف: ماعندها فين تبقى تتحرك قدامي

كلهم بتاسمو بداو يفهمو المعنى وبلي يوسف طاح على زنافرو وبدا يبغيها
ليليان: اصلا نتا ماشي سوقك فيا نبقا فين بغيت
يوسف شاف فيها مخنزر: غادي تقادي ولا غادي نقاد مك بيدي
ذكرى: دابا عاد غادي نرتاح  ملي جا لي يريحني منك

سحر كانت غير هادئة وكتصنت عليهم من شحال ماصبحات على هاد الجو والهدرة مدة طويلة وهي حياتها ساكتة كتصبح تفطر فسكون وتخرج تنهدات وقفات

سحر: انا غادي نمشي لشركة عندي خدمة كتيرة

ذكرى: واجي ابنتي بكري باش تمشي معانا

سحر: موحال اماما مرة أخرى

ذكرى: ادا ماجيتيش غادي نتقلق منك

سحر تبسمات ليها: حتا نشوف نخليكم دابا. خرجات ومشات لخدمتها

ذكرى وجهات لكلام نليليان: يالاه نتي سيري جمعي حوايجك عارفاك غادي تبقاي فيهم نهار كلو

ليليان طلعات كتغبن فالدروج
ناضو كلهم كل واحد شنو مشا يقضي وذكرى وبلقيس مشاو جمعو حوايجهم

فبيت ليليان كانت واقفة كتغبن وتنكر وهي كتجمع ماعرفات باش تبلات حتا حسات بشي حد لاسق وراها ولوا يدو على كرشها نتافضات مخلوعة بغات تبعد وهو زاد زير عليها من كرشها قربها ليه حاشيها فيه

يوسف : شووووت غير انا متتخافيش

ليليان توترات بدات كتنتر باغة تبعد عليه: بعد شنو كتدير

يوسف : هداااي لمك

ليليان وقفات وهي كلها كترجف : خ خويا شنو كدير

يوسف زاد زير ليها على كرشها حتا ضرها وتكلم بحدة: أخر مرة اخر مرة ا ليليان نسمع كلمة خوويا

ليليان: ولكن نتا خويااا

يوسف قرب ليها بحنان وجمع شعرها الأورنج بيديه لجنب واليد التانية بدأ كيتحسس بيها فكريشتها
قرب راسو لعنقها وهضر بهدوء وهو كينفخ الهوا سخون على عنقها حتا بورشها
يوسف: تو تو انا ماشي خوك  انا(  تنهد ) انا راجلك
ليليان صافي قربات تسخف بين يديه كتحس بالدنيا بدات كتدور بيها ورجليها فشلو بيها
يوسف غمض عينو و قرب نيفو ودوزو على عنقها وهو كيتنفس بعمق وكيدخل ريحتها لشرايينو حاس براسو مابقاش قادر يصبر
ليليان كانت قريبة تسيح بين يديه حسات بكرشها بدات كتهرها وقلبها كيضرب بقوة لكن فأخر لحضة قدرات تسيطر على راسها ونتافضات مبعدا عليه مخلياه يحل عينيه ويرجع نالواقع
بعدات عليه كتنهج
ليليان بحدة: أخر مرة تقرب ليا بهاد الطريقة . سير دير هادشي مع مرااتك

يوسف تبسم جنب وتكلم بهدوء: حتا نتي مرتي

ليليان خنزرات فيه: ماشي مرتك وعمرني غادي نكون مرتك. زواجنا كان غلطة وحنا قراب نصححوها.  على بيدمن وصل وقت الطلاق غادي تبقا بعيد عليا

يوسف: كتحلمي

ليليان حلت عينيها: شنو كتقصد

يوسف : يعني عمرني نبعد عليك غادي تلقايني فحال ضلك
 
ليليان: بشمن حق

يوسف :حيت راجلك

ليليان تكلمت مجننة:ماااااشيي راجلي ماشي راجلي وا ماااشي راااجلي

يوسف: دابا يجي لوقت لي نوريك فيه واش راجلك ولا لا وأخر مرة تدوي معايا بهاد لافاصون وتعلي صوتك ولا غادي نمرمق مك

ليليان بقات غير مصدومة فيه مافهمت والو ياك هو لي كان باغي يطلقها وماحاملهاش شنو تبدل دابا

يوسف: جمعي دابا حوايجك . ويكونو حوايج فحال الناس مالقاش شي شرويطة تما .

خلاها  واقفة حالة فمها مصدومة وخرج
غير سد الباب بتاسمت بمكر: عالى ماخرجتها منك اسي راجلي