العشق السرمدي

تسريييب

تسريبات بعاااااااد ديال لي كوبل بربعة
#العشق_السرمدي  🍒
حاولو تتوقعو كل واحد ديالمن واخا صعيبة 😉
عصام . يوسف. سلمان.فهد
ليليان.سحر.جوج ابطال لي عاد غادي يبانو

💥التسريب الأول :

******: ياك قلتليك مانعاودش نشوف وجهك قدامي. أخر مرة نلقاك كتدوري بساحتي

****** ب بكاء: أهئ أهئ لا عافاك ماديرش فيا هاكا . راه ماعنديش فين نمشي

💥التسريب التاني :
******: أمتالك كنعرفهم مزيان. تقدري تضحكي على العائلة كلها إلا  أنا ماغاديش تضحكي عليا . عارفك طماعة واخا كتديري فيها عزة نفسي

****** : إذا ماكتعرفنيش مزيان، أنا تقربت منكم حيت عزاز عليا. واخا نعرف نبقا حياتي كلها كنهز الصنادق فوق ضهري فالمارشي ، مانشد من عندكم درهم

💥 التسريب التالت

******جار البياص مع الأطباء دموعو نازلين عقلو غادي يخرج ماقادرش يتخيل حياتو بلا بيها . وصلو لباب العمليات، تحنا عليها شاد فيديها كيبوسها : عافاك ماتخلينيش مانقدرش نعيش بلا بيك. غادي تخرجي من هاد الغرفة على رجليك. ماغاديش نخليك تبعدي عليا

****** حلات عينيها بصعوبة وتمتمات بصوت متقطع: أخيرا وصل وقتي . لكن ماكنش كنضن بلي نهايتي غادي تكون بين يديك

****** دار صبعو على فمها مانعها تكمل: شوووووو ماغاديش تموتي ،ادا طراتلك شي حاجة غادي نتبعك. كنقسم ليك غادي نتبعك

💥التسريب الرابع:
****** جمع معاها بتسرفيقة حتا راسها دار وشدها من شعرها وهي كتبكي صوتها كيقطع فالقلب وضرب ليها راسها مع الحيط حتى طاحت مغمى عليها. مشا هز السطل لي كان كيغرقها فيه وكبو عليها حتا حلت عينيها مخلوعة . هزها من الكول دحوايجها وعلاها مكاليها مع الحيط حتا رجليها تعلاو على الأرض مع صغيرة وخفيفة كتبان فحال الفلوسة كلها كتقطر و  كترعد : علااااش درتي فييه ديك الحالة

****** كترعد وتقفقف وجهها كلو ضرابي ملامحها مابقاوش ضاهرين من قوة الضرب لي تعرضت ليه تمتمات بصوت مرعود : والله م ما درتليه شي حاجة أعمو