العشق السرمدي

الجزء 106

🍒 الفصل الأول: بدونك لا اهوى الوجود

داز النهار عادي كل واحد مشغول فجيهة  وصلات العشية وتشعلو الأضواء فالجردة تطلقات الموسيقى نزلو رجال العائلة يستقبلو الضيوف من صحابهم  عصام كان لابس سروال توب فالأسود وقاميجة فالأسود  ويوسف لابس سروال اسود وقاميجة فالأزرق  واقفين عاطين صواب لشي ناس من معارفهم . نزلات ذكرى لابسة كسوة طويلة فالباج مع شال حتتى هو باج معاها بلقيس لابسة كسوة طويلة حتى هي لونها أزرق فاتح لون عينيها ودايرة شال فالأبيض نزلو سلمو على صحابهم و وقفو حدا رجالهم كيتحدتو

فبيت ليليان واقفة قبالت المراية لابسة كسوة فالأسود فوق الركبة فخاضها عريانين ومؤخرتها باينة كبيرة  ومن الفوق صميطات دايرة ميكاب سموكي متماشي مع الكسوة شعرها الأورنج دايرالو بوكلي وفرجليها طالون فالأسود وقفت قبالت المراية كدير الروج فمها حتى تحل الباب لقات أندريا لي حلاتها رجعات كملت التعكيرة ، أندريا وقفت دايرة ضهرها على الباب ورجل على رجل و كتطلع وتهبط فيها مبتاسمة غادي تاكلها بعينيها، عضت على فمها بشهوة ونطقات : you look
so beautiful (كتباني زوينة بزاف)

ليليان : شكرا ، حتى نتي جيتي زوينة

أندريا : الدنيا لتحت عمرات بقينا غير حنا

ليليان : غير نزلي أنا شوية و غادي نلحق عليكم

أندريا : أوكي بايبي  غادي تلقايني لتحت تهبطي  اجي وقفي حدايا
ليليان شافت فيها بتاسمات وقلبت عينيها

نزلت اندريا لابسة كسوة مغطية غير طرمتها المتوسطة ومن الفوق كلها عريانة شق ديال صدرها كلو عريانة وصلات حدا يوسف ولوات يديها علي يديه

يوسف  : فين تعطلتي

اندريا زادت دخلات فيه معنقاه: يالاه ساليت احبيبي
يوسف شاف فيها بنص عين: احم فين هي ليليان

اندريا: دابا وهي نزلت عرفتي جات وااااو فنة
يوسف :امممم (مع نفسو) هي اصلا كتحمق بلا والو

بقاو واقفين مع صحابهم
حتى وقف عليه صاحبو ماشافوش مدة طويلة

انس :توحشناك اصاحبي مدة ماشفناك

يوسف غير شافو بتاسم وعنقو
يوسف: حتى انا توحشتك اصاحبي مدة مابقينا تشاوفنا

أنس:نتا مشيتي مابقيتي رجعتي

يوسف :غير مع الأشغال اصاحبي هانا دابا رجعت

أنس:رجعتي فمرة

يوسف: هاد الساعة فمرة من بعد ماعرفتش.

أنس:ماعرفتيناش علي المادموزيل

يوسف: أندريا مراتي

أنس:تزوجتي وصاحبك أخر من يعلم
يوسف:كلشي جا بالزربة ماكنتش مخطط

فهاد الأتناء ليليان كانت خارجة بطلتها الأنيقة شافت ذكرى واقفة مع صحاباتها مشات وقفت حداها ولكن عينيها كانو حاضيين غير يوسف واندريا وكيفاش شادة فيه ومعنقاه وهو كيهضر مع شي دري  ، بقات مدة حاضياهم بنص عين حتى شافت اندريا دارت كتقلب غير شافتها عيطات ليها غير بيديها . ليليان حركت ليها راسها بلا عاودات عيطات

اندريا: ليليان اجي وقفي معانا

يوسف :سمعها قلب  عينيه غير شافها وشاف شنو لابسة خنزر فيها وطلع حاجبو معصب وتنهد بسخط

ليليان غير شافتو كيف مخنزر فيها بتاسمات بشر كتموت على الضد والزكاير  وقربات ماجية عندهم حتى وقفات عليها

ليليان:هاااااااااااي

يوسف غير كيشوف وكيطلع فيها ويهبط مخنزر ماكرهش يتلاح على مها قلب عينو لصاحبو لقاه مصدوم فيها عينيه ماكيرمشهمش ،شاف فيه بتخنزيرة معلي حاجبو

يوسف :أنس ياك لاباس

أنس عاد رد البال وبتاسم وعاود شاف فيها

انس:هادي نتييي

ليليان شافت فيه بإستغراب:كتهدر معايا

تكلم يوسف بعصبية: منيين كتعرفها

أنس ضحك: ياك نتي لي جرا وراك لكلب ديالي

ليليان رجعات زرقة عاوتان غادي تفضح زبلة أخرى
ليليان حركت راسها بلا: لا يمكن تغالطت لك

أنس: لا مايمكنش نكون نسيتك