العشق السرمدي

الجزء 111

🍒 الفصل الأول: بدونك لا اهوى الوجود

دارت بالزربة تشوف شواقع و هي تلقى الخيل تطلق و مشا كيجري و عصام واقف فنص الطريق بغا يلحق عليه و ماقدش ، ضحكات من قلبها على الزهر لي عندو هو لي راجع ساخط محاملش كر*و

سحر : ياك قلتلك ما محتاجاكش تعاوني ، دابا  حتى نتا خاسك تقلب على لي يعاونك

عصاام بعصبية : دخلي للطوموبيل و من الأحسن ماتبينيليش كمارتك من النهار لي شفتك ما شفت النهار البيض

سحر : المهم أنا داخلة و نتا إذا ما بغاتش تصايبلك را الكوفر د الطوموبيل كبير كنضن يقدك تنعس فيه ، خليتليك الراحة

دخلات لداخل متكية راسها و كاتراقبو بابتسامة هو لي ولا حالتو بالدخان ، شحال كاتحماق تشوفو معصب كتحس بحالا كتشفي غليلها فيه ، بقات مدة هاكاك بدا كيديها النعاس حتى كتسمع صوت الموطور خدم و السيارة كتزنزن حلات عينيها و هي تشوفو خاشي يديه من الشرجم جهة السوارت كيخدمها و هو مبتاسم

سحر : أممم تبارك الله على ولد عمي ماطلعتيش ساهل ، هنا عرفتك تقدر تعمل أي حاجة باش ماتباتش معايا فنفس البلاصة

عصام شاف فيها معصب : وإذا اقتدى الحال كنت نمشي ليلة كاملة على رجلي حسنلي ما نبقا معاك . و دابا نزلي من الطوموبيل سيري لجهة خراا

سحر مستغربة : و علاش غادي نمشي للجهة لوخرى

عصام : ياك ما عوالة نتي تسوكي و أنا نركب معاك بحالا راكب مع طاكسي

سحر : بحالا كتشوف فيها داكشي لي غندير

عصام حل الباب وخدا الساروت : دابا يا إما غادي تهبطي ولا حتى واحد فينا ما غادي يصوك ، فأخر يامي نركب مع بنت تسوك بيا كاتشوفتيني بلا نفس

سحر : دابا علاش كتقلب

عصام :  كحركي مانطولش فالهدرة. طول حياتي كنقلب على الشرف و الرجولة ماشي بحالك كتقلبي غير فين تضيعي وقتك

سحر ببرود : عندك الحق كل واحد فينا كيقلب على شنو ناقصو

عصام قرن حجبانو مافاهمش : شنو كتقصدي

سحر : دورها فبالك و غادي تفهم

هو عاد فهم شنو بغات توصليه زعما هو ناقصو الشرف والرجولة عليها كيقلب عليهم أما هي فماعندهاش فين تضيع وقتها ، جا يقمعها صدقات رداتهالو مضوبلة في ساااع ،

ساط الهوى بقوة ونطق معصب : شنو دابا غادي نباتو هنا
سحر تنهدات ماحاملاش تزايد معاااه : بعد من الطريق
نزلات و مشات كلسات فجهة لخرى كارهة راسها والطريق لي جمعاتها بيه و لكن مع ذلك كتبان مكالمية من برا و مامهتاماش ،ركب حتا هو ديمارا الطوموبيل و زاد ،هي متكية راسها على الكرسي و شادة عينيها
عصاام داار شاف فيها و حركها من دراعهااا بقوة حتى

قفزاات : عنداك تنعسيلي هنا نبقا واحل فيك و نتي نعاسك تقيل

سحر شافت فيه مستغربة :  ونتا منين عاقل على نعاسي واش تقيل

عصام حك حجبانو : رااه قلت هاكا حيت عاارف القح*اب لي كيسكرو و يكميو كيف كايكونو

سحر بلعات ريقها و ضحكات على راسها من شي لي فكرات فيه : قولي كنتي معاشرهم عارف خصايلهم
- خلاتو غير كيتنهد على جواب لي عندها على القرص ، و هو يسكت كيشوف فالطريق حتا وصلو للفيرمة و كل واحد  دخل لبيتو