العشق السرمدي

الجزء 113

🍒 الفصل الأول: بدونك لا اهوى الوجود

عصام: شكون نتي ؟؟

سحر علات فيه عينيها مصدومة تمتمات بشفايفها:
  أ أنا
سكتات مدة كتفكر عقلها مشغول ماعارفاش كيفاش تجاوبو واش تقوليه انا حبيبتك انا لي ضليت سنين متيمة بيك و أنا لي تعبني الزمان بلا بيك. تنهدات بقوة كتحاول تسيف لشخصية سحر الثانية لي مناسبة لهادشي . بتاسمات ليه إبتسامة إستهزاء  وغمزات ليه بعينيها

سحر : أنا هي لي كواتك
عصام غير سمع جوابها قرب راجع ليها مخنزر كيعض على سنانو غادي يهرسهم وهي واقفة بجمود  غير وصل عندها علا يديه باش يصرفقها ماجات يديه توصل لخدها حتى كانت شاداها مانعاه يقيصها . يد شادة بيه يديه ويد شادة فوطتها لا طيح . خنزرات فيه وهي كتشوف فيه بجرأة وقوة
سحر: واش حسابليك أنا هي سحر لقديمة لي كنتي تضربها وتعاقبها وهي تبكي . توتو هادي لي قدامك وحدة أخرى .

عصام: شنو كتقصدي إمتا ضربتك

سحر: ماشي مهم تعرف . هاد الساعة خاليك مفكر غير مرتك وعنداك تنسى شي نهار راسك . أما أنا
وا إييييياك تزعم عليا وتعاود تمد يديك

عصام بتاسم : علاش شنو غاديري

سحر مغززة: غادي نهرس ليك يديييييك إذا حاولات تمد عليا و راك باقي ماعارفني

عصام جا يجاوبها لكن لمرة التانية بداه الحريق و الأصوات  شي لي خلاه يخرج كيجري لجيهة الجردة مخلي سحر واقفة مصدومة فقمة أعصابها.

خرج لجردة شاد على راسو جلس على كرسي مزير وعاض على سنانو كيحاول يوقف هاد الصداع والتزنزين لي فراسو  هاد الحالة تكررات بزااف مأخرا ماعارفش شنو هادشي لي كيطرالو، أه هو بصح كينسى لكن يجيه صوتها فودنيه خلاه يتوسوس
عصام تحنا ودار يديه على ركابيه كينهج

عصام: عيييت ملييت من هاد الحياة علااااش كننسى .  وعلااش سمعت صوت هاد القح*بة ، تهدن اعصام تهدن بديتي كتهلوس وصافي ماكاين صوت ماكاين والو  خرج هادشي من بالك

أما عند سحر جلسات عقلها مامعاهاش الكلمة لي نطق روناتها كيفاش شكون نتي حتا لهاد الدرجة رجع كينسى ماعارفش حتا شكون هي أولا هي مافهماتوش شنو كيقصد، تجاهلات الموضوع وناضت لدريسينج تلبس حوايجها .

🌞صباااحااا 🌞

ناضت مادموزيل الكومة كتكسل وتعوج مدات يديداتها وحكات عينيها باش تقدر تشوف مزياان حاسة براسها هاد ليلة نعسات مزياان ومرتاحة جات تنوض وهي تشم شي ريحة فشكل ماشي ريحتها ريحة رجالية شمات الكسوة لي كانت مازالة لابسة وهي تلقا ريحتها مخلطة مع ريحة رجولية ماعرفاتش منين جات علات كتافها بلا مبالاة ودخلات تاخد دوش غير سالات لبسات كسوة حد الركبة مع سبادريل مشطات شعرها خلاتو فازك وجهها خلاتو علا سامبل منغير جلوص خفيف هزات مقبط ديال الشعر فيديها  ونزلات عندهم لقاتهم جالسين فالصالون تقليدي عصام وأماني ومراد وذكرى وياسين وبلقيس . ويوسف جالسة حداه اندريا، ليليان دخلات نيشان شافت فيه وخنزرات وقلبات عينيها
يوسف بتاسم على حركتها زعمة غضبانة ماباغاش حتا تشوف فيه،ماعارفاش مسكينة بلي بايت يشلقم فيها كان قريب يحو*يها
ذكرى:  صباح النور انعاسة هادشي كامل نعاس

ليليان قربت ليها باستها وباست مراد: ماعرفتش اماما ماسخيتش نود جاتني نعسة حلوة

يوسف غير سمع كلامها بتاسم  وعض على شنوفتو
مراد: ياك موالفة كتخافي

ليليان:  ليوم مانضتش باليل حتا لصباح

مراد: فخباركم راه سحر جات وناضت الصباح  بكري مشات

ذكرى:اويلي شكون قالها ليك وعلاش مشات

مراد:قالها ليا العساس شافها وصونيت عليها قالت عندها اجتماع وكانت جايا غير على قبلك باش ماتقلقيش

بلقيس: مسيكنة شحال حنينة

ذكرى:حنينة وسكتي هاديك ماكاينش فحالا
اماني غير مخنزرة وعصام قلب وجهو ملي سمع سيرتها
بلقيس: ومالها ماجاتش بكري

مراد : قالت وقفات ليها الطموبيل فنص الطريق هي لي عطلاتها

ذكرى:الحبيبة ديالي فيها وفالحيط
ليليان وقفات كتجمع شعرها لفوق بالمقبط

ليليان: مامي انا نمشي نشوف نعيجة ديالي ونجي

ذكرى: واخا وعنداكي تمشي لشي بلاصة بقاي غير هنا

ليليان: لا متخافيش... خلاتها ودارت باش تمشي وهي تعاود تعيط ليها ذكرى

ذكرى: اجي نتي شنو داكشي فعنقك

ليليان قرنات حاجبها بإستغراب: فيين

يوسف كان هاز كاس كيشرب  غير شاف عنقها  ضحك حتا  خرجليه لماء من نيفو . وسرط الضحكة  بزز
عصام علا عينو فليليان ورجع شاف فيوسف وبتاسم جنب زعما عقت بيك

ذكرى:داك الطبعة لي فعنقك حمرة شنو داكشي

ليليان دارت يديها على عنقها:مانعرف يمكن غير شنيولة عضاتني

ذكرى حركات ليها راسها :يالاه سيري اشنيولة وماتعطليش

ليليان خلاتهم وخرجت كتجري، شوية وهو ينوض يوسف تابعها داير راسو عندو مكالمة