العشق السرمدي

الجزء 117

🍒 الفصل الأول: بدونك لا اهوى الوجود

عصام : أنااا عمري متلت عليك و لا قلتلك شي حاجة ماوفيتش بيها من ديما أنا قاد بكلمتيي

سحر ضرباتو برجليها حتى بعد منها و ناضت لواتليه عنقو بدراعها كتزير عليه : ماتتعاملش بحالا مادرتي والو

عصام بحركة سريعة لوا ليها يديها ورجع هو لي شادها  من عنقها: حيت أصلا مادرت والوووو

سحر بسخط : لي يشوفك يقول جاك آل زهيمر و لا ضربتي رااسك مع شي حيط حتى فقدتي الذاكرة

عصااام : قولي لي بغيتيي
سحر : فخباارك نتا حماااار

عصااام : و مالك داوية بحاااال شي وحدة ركلها هاد الحماار خلاها مفلعصة و زاااااد؟؟؟

سحر : ونتا لي يشوفك كيف كتدوي يقول غا هاد الحمار خوك و لا كيجيك ؟؟؟

عصام : سكتي  ولا غادي ندفنك

سحر : لا باركة غير هاد البلاصة لي مدفونة فيها كافياني
( زير على عنقها حتى خرجو عروقها و طلقها كتنهج)
وقفات كتزول القفازات بجهااالة واصلالهااا للطوب بقاالها غير شوية و تنفاجر

عصااام : مالكي مزروبة باقي مسالينا ولا خايفة لا نعوج مك على هاذ اللسان لي عندك

دارت شافت فيه و تكلمااات بحدة معليااا صبعها بتهديد : باقي غادي تندم أعصااام ، غادي تندم حتى تكره رااااسك وما يجي منو ، و لااااكن  عمل فبااالك بلي ديكساعا مغاديش تنفعك النداامة حيت غادي تكووووون حرقتيييي آخر نقطة أمل كاينة ...

نزلااات خارجة و مخلياه جالس بنفس الوضعية كيستوعب شنو بغات تقصد بهاذ الكلام لي قالت
باقي واقف كيفكر حتى كيسمع واحد التصفيير فودنييه قوي شد على ودنيه بقوة ، راسو رجع ليه الحرييق لي ولالكيجيه هاذ الأياااام و معارفش المصدر ديالو ، بقا مزير على راسو وعاض على سنانووووو و شاد عينييه ، أما ودنييه كيسمع بها في التصفااار و شي أصوات غارقة معارفش ديالمن

( واااعصااام أنا قلتلك ماباغاش نتعلم
-ولكن ضروري خسك تتعلمي البوكس على الاقل باش تواجهي إذا شي حد بغا يتعدى عليك
-مكااينش لي غادي يتجرا يتعدى عليااا و نتا معايااا
- عااارف أحبيبتي أنا ديما غادي نكون ضهرك و سندك ولكن حنا معارفينش شنو ممكن يوقع من هنا لغدا ماعرفتش واش أنا دايملك و إذا وقعت ليا شي حاجة مايمكنش نخليك هاكاااا
- لالا متقووولش هاكااا أنا مانقدرش نعيش نهار بلا بيك والله حتى نحماق
- كنواعدك عمري غادي نتخلى عليك و دائما أنا معاك ، ولكن كندوي إذا قدر الله ووقعت شي حاجة من عند الله خارجة على يدينا ، خسكي تعرفي تواجهي العالم بوحدك ....وا صافي مسحي دموعك بلاش منعلمك غي أجي أنا ديما معاااك
- كنبغيك أعصام
- كنموت عليك أحياتي)

حل عينيه كينهج من بعد ما وقفلو الحريق شوية ووقف بزز الدنيا كتدور بيه، بقا مدة وهو ينطق بالغوااات : شنوووو هادشي أ ربييي شنو هاد الأصوات لي كيجيوني بغيت نعرف هادشي غير واش واقع ولا مجرد تهيأ ، بغيت نعرف غير شنو المصدر  دهادشي و شكون مول هاد الصوت و فوقاااش ....
بقات كيرد النفس قبل مايلوح القفازات من يديه ويخرج ساخط

#يتبع

غدا نكملو. لي قرات تخلي تفاعلها. جيم وتعليق
ك

يفما أنا مواضبة رغم الضروف حتا نتوما بينو ليا راكم تستاهلو هاد التعب. ماشي نضرب تمارة على والو