🍒 الفصل الأول: بدونك لا اهوى الوجود
يوسف دار يديه فجيابو وتكلم:اسبابي فالماضي باش نطلقك كانو مقنعين . وحتا اسبابي علاش بغيت نكمل مقنعين . نتي أسبابك دابا باش طلبتي الطلاق لا مقنعين ولا منطقيين ولا واقعيين .
ليليان: بالعكس مقنعين طلبت الطلاق حيت مابغيتينيش أنا بغيتي غير شكلي
يوسف تنهد : مازال غادي تكبري وتزيدي تنضجي ومن هنا لداك الوقت غادي نتحمل مسؤولية نفهمك ونوعيك .
ليليان: شنو غادي تفهمني أنا فاهمة كلشي
يوسف حررك راسو: فااااهمة
ليليان: أه فاهمة شنو الأسباب لي يخليواك ماتبغينيش كا مراتك
يوسف: جلسي ونفهمك
ليليان: مابغيتش بغيت نبقا واقفة
يوسف جرها من دراعها غادي تجننو: تحركيي ونقصي شوية من الزكاير ولا شي نهار نعلق مك . جلسها على الأريكة قديمة كانت تما وبقا واقف مدة كيشوف فيها عاد تنهد و تكلم
يوسف: اسباب علاش بغيت نطلقلك هما .تخايلي معايا شاب فريعان شبابو مزال باغي يخرج ويسافر ويجول ، حتا كيبززو عليه يتزوج غصبا عليه عيا كيحاول يشرح ويقول بلي هاد القرار مستحيل يتنفد وانه ماشي قاد على المسؤولية ولا الوقت المناسب لهاد المسؤولية. لكن فالنهاية رضخ نالقرار بسباب الأم ديالو لي طاحت مغيبة بسباب الفقصة. تزوج بطفلة ( ليليان عينيها خرجو من هاد الوصف) أه طفلة مازال ماكملات ربعطاش سنة وهو فعمرو ستة وعشرين سنة يعني الفرق ديال طناشر عام كان من المستحيل يقبل هاد الزواج يكون حقيقي لأن كان غادي يكون بمتابة اغتصاب لطفولتها واكيد كان غادي يخاف من هاد العلاقة كيفاش غادي يتفاهم معاها وهي طفلة أكيد كان غادي يكون فارق فكري ومعرفي لهدا فكر يهاجر ويهرب على انه يتورط ويورطها معاه ويضيعها . وقرر نهار تكبر وتوصل لسن تكون قادرة فيه تحمل مسؤوليتها ومايبزز عليها حد شي حاجة تديرها غادي يطلقها تشوف حياتها وتقرا قرايتها وتكون مستقبلها تكون هي راسماه بيديها وحتا حد مافارضو عليها.
ليليان كانت غير كتصنت :وشنو تبدل دابا علاش مابقيتيش بغيتي تطلق
يوسف: لأنه نهار شافها وبدون مقدمات والا اسباب حبها. عشقها من أول نضرة. وماتقوليش بلا غير شكلي. هي بصح الشكل هو ليكيجذبك اول ماتشوف الطرف التاني. مايمكنش غادي تبغي أخلاقو ونفسو ونتا ماشايفوش. لكن ماشي هادشي هو السبب فحبي ليك
ليليان: شنو السبب
يوسف: هي كيميا حسيت بيها اول ماشفتك. راحة نفسية غريبة. إحساس على أني كنعرفك من زمان. هي حاجة لا إرادية نزلت من عند ربي ودخلاتك لقلبي. وماتقوليش بغيت فيك غير الشكل لأني جلت العالم وشفت جميع انواع النساء وجميع أشكال الجمال لكن عمرني بغيت وحدة فيهم . لكن نتي غيييير قبل مانسمع صوتك ولا نشوف جمالك مئة في المئة كنتي واقفة بعيدة عليا و فوسط بزاف دالحاضرات نتي الوحيدة لي لفتي إنتباهي وبقيت حاضيك طول الحفل. وباش تعرفي أنها علامة من عند ربي باش نكملو بجوج، بغيت مرتي لي ماعارفهاش مرتي. ادن غادي تبقاي مرتي
ليليان:هاد القرار ماعندكش الحق تاخدو بوحدك
يوسف: شمن قرار
ليليان:أنني نبقا مرتك. هادشي كيخصني حتا أنا وأنا عندي الحق نرفض ولا نوافق. ماشي ديمة تفرضو عليا قراراتكم وأنا عليا نفدها. ماكاتبغينيش قررتي تطلقني . نهار عجبتك وبغيتيني مابقيتيش غاتطلقني. وفيين أنا من هادشي كلو خديتي رأيي من هادشي كلو منين عرفتي أنا واش باغاك ولا لا. كيفما قلتي وصلت لسن لي نقدر نقرر فحياتي
يوسف علا حاجبو : اهاااه وشنو قرارك ألالة
ليليان:مابغيتش نكمل بغيت نطلق
يوسف بتاسم جنب: وشنو اسبابك
ليليان عضت على شفتها: احم حيت ماكانبغيكش.
يوسف حررك راسو: اهاه زيدي شنو خور
ليليان: وحيت نتا راجل مزوج وأنا مايمكنش نبقا مع واحد مزوج
يوسف: مزوجك نتي قبل منها
ليليان:كون جيتي قبل كون طلقنا عاد تزوجتي
يوسف بصوت حنين:كون جيت قبل عمرني كنت نفكر نتزوج عليك
ليليان:اممم اوا دوماج
يوسف:بما أن تاحد فينا ماراضي على قرار التاني . شنو ضهرلك نديرو تحدي.
ليليان: شنو هاد التحدي
يوسف قرب منها ودوز ضهر يديه على حنكها: من هنا لنهار تكملي السن القانوني إدا ماخليتكش تعتارفي بحبك ليا غادي نطلقك. لكن نهار تخرج من فمك كلمة كنبغيييك عمرك تحلمي نتفارق معاك
ليليان:كتحلم واخا تنطابق السما مع الأرض عمرك تسمعها مني
يوسف قرب حتا لودنها وباسها بلطف حتا بورشها
يوسف:هاحنا غادي نشوفو العمر
#يتبع
الأميرات لقائنا غدا مع أجزاء جداد قراءة ممتعة لي قرات تخلي تفاعلها والماكسيمون من التعاليق ختكم كتموت على قراية التعاليق 😘😘
أنت تقرأ
العشق السرمدي
حركة (أكشن)🔥🔥🔥🔥🔥🔥قصة حصرية ولأول مرة... 🔞#العشق السرمدي🔞 ✨✨ عاجل وحصري لكل محبي القصص الدرامية 😈😈 قصة فيها من كل فن طرب 💥 الحب❤️❤️❤️ الغيرة 🌚🥴 الهوس والرومانسية الزائدة معنقولش عليها حب عنقول عليها مرض ... ...
