العشق السرمدي

الجزء 123

🍒 الفصل الأول : بدونك لا اهوى الوجود

ليليان نقزاات : أحححح على الحب جبتولي الغيرة ( نزلات شلكومتها لتحت بفشوش )، يوسف بدا كيشوف فيها بنضرات مبتاسمة ، ضربها فرجليها من تحت الطبلة و نطق بهمس : هاااح محتاجة للحب دابا نوريهلك كيفاش داير بقات ف بوسة

الضربة لي ضرب تحت الطبلة. كانت جات لذكرى لي مقابلة معاه عاد حداها ليليان ، ذكرى ابتاسمات ابتسامة عريضة حتا بانو سنيناتها و نطقات : مكتعرفش تماركي أولدي

يوسف : نعااام !! معايا ألواليدة ؟

ذكرى باقا مبتاسمة : أمممم

هو علا حاجبو بعدم فهم و هي تنطق ليليان : ماما أنا شوية و نهبط للسبا ، حاسة بضلوعي مهلوكين

ذكرى شافت فيها و شافت ف يوسف كتضحك : محتاجة شي ماساج أبنتي

ليليااان غمضات عينيهااا: هااح والله ما كرهت

ذكرى شافت ف يوسف : شوفي مع راجلك إذا كنتي تساينيه حتى يجي من الشركة ( يوسف ربع يديه كيشوف فيهم ما فاهمش فين باغي توصل ماماه و لكن فنفس الوقت عاجبو الحال)

ليليان شافت فيه و دارت عندها : لا صافي مابقيتش محتاجاه ، باغا غي نسخن عضيماتي و صافي

كلشي بدا كيضحك ، لي كان كيشرب شي حاجة خرجتليه من نيفو ، و حتا يوسف هبط راسو كيضحك من قلبو على الحمقة لي عطاه الله شاف فيها و نطق : ما باغاش النحل باغا  غير العسل لي كيصايب

ليليان بعدم فهم : نعاااام؟؟

يوسف : والو والو سيري شوفي لي يسخنلك عضيماتك

ذكرى شافت فيه باقا كتضحك : والله ماعندك علاش تحشم خلي البنت من عليك

يوسف وقف : أنا ما قلت والو هي لي قالت ، المهم أنا غادي دابا ، نتوما بتلاتة مانايضينش عجباتكم الكلسة

ناضت سحر و عصام دقة وحدة : لا غاديين يالاه
وقف حتى سلمان و خرجو بربعة بيهم مخليين ليليان باقا واقفة كتدور هضرتو مع بالها

حدا باب الشركة و صلات طوموبيل عصام هي لولا تبعها يوسف عاد سحر و سلمان لي كانو جايين مع بعضهم ، دخلو لداخل متاجهين ديريكت لقاعة الإجتماعات ، لقاو مراد و ياسين تما مع الكاتبة لي هازة شي ملفات فيها كتوريهم ل مراد بالإضافة لشي مدراء ، طلع الشوفة فيهم وومالهم يمشيو لبلايصهم ، كل واحد جر الكرسي ديالو كلس عليه كيساينو الإجتماع يبدا شوية و هو مراد يزيد يقرب من لا طابل و بدا كلامو

مراد: المهم كيف ماعارفين ، هاذ الإجتماع مخصص باش ندرسو فيه البروجي د مجموعة مستشفيات الأمل لي باغي يأسسهم مسيو سيفاك كفرع ثاني ليه فالمغرب ، المهمة لي تعطات لينا كبيرة و مغيرة كليا على المهمات لخرين ، حيت هادو كايبقاو ديزوبيطال يعني خسنا نراعيو كلشي و ندرسو المسألة من جميع النواحي ، راحة المرضى غادي تكون مسؤوليتنا الأولى لهذا خسنا نركزو على أي جناح غادي يوفرلهم الراحة ، أبار الغرف د العلاج و غرف العمليات لي خسهم يتبناو و يتجهزو ، خسكم تشوفو الحدائق يكونو مديورين بطريقة كترد النفس ، مستشفى الامل إسم على مسمى خسو يردليهم الأمل فالحياة و فأنه يقدرو يخرجو يكملو حياتهم بشكل طبيعي ، كاين حتى بلاصة د الأطفال تتصمم على أحسن طريقة و تكون مناسبة ليهم ، و هاذو غي أمثلة أما الباقي عليكم نتوما بربعة حيت نتوما لي غادي تكونو واقفين عليه ( شاف فيهم بربعة ) ، بالنسبة ليك أ سلمان عارفك دكتور فيزيائي و ماعندك علاقة بأمور التصميم و ما جوارهما و لكن هادشي ماكايعنيش أنك ماغاديش تعاون خوتك ، غاتوقف معاهم فأي حاجة حتاجو فيها مساعدتك ، مفهوم!!

سلمان : مفهوم سي مراد كون هاني