🍒 الفصل الأول: بدونك لا اهوى الوجود
هزها مخلوع طلع كيجري كل مرة كيكون غادي يتزدح هو وياها فالدروج مع وصل راس الدروج تلقا ذكرى كانت نازلة تشوف ليليان مالها تعطلات حتا كتصدم بمنضرهم ، يوسف صفر مخطوف منو لون وهاز ليليان لابسة غير لفوطة غير شافتهم بدات كتولول وتضرب حناكها
ذكرى: اويييليي بنتييي مالها
يوسف : الواليدة تهدني وعيطي لطبيب ديال لقصر انا نطلعها لبيتي
طالع كيجري فدروج وذكرى تابعاه شادة تيليفون حتى وصل لبيتو دخل لقا أندريا فوق الناموسية كتلعب بطيلي غير شافتهم وقفات وتقدمت عندها بزربة
أندريا بخوف : مالها مالها حبيبتي شنو درتي ليها
يوسف ماداهاش فكلامها عقلو تالف
ذكرى كتبكي: يوسف مالها بنتي علاش سخفات
يوسف: ماعرفتش ماعرفتش دخلت لصبا نشوفها كانت ناعسة حاولت نفيقها مابغاتش تفيق
ذكرى: ديما كنقوليها ماتنزليش لصبا بوحدك وهي ماكاتسمعش الهدرة . كطيير وغادي تصطيني معاها
يوسف: لواليدة ماشي وقت هاد الهضرة دابا عيطتي لطبيب
ذكرى: أه هاهو فالقصر نيت دابا وهو جا
يوسف: لبسيها عافاك الواليدة قبل مايوصل الطبيب
ذكرى: خاصني نجيب ليها حوايجها من بيتها
يوسف: لا راه باقين هنا شي حوايح ماداتهمش. دخل لدريسينج كيقلب . كيلقا غير العرى،بقا حتا لقا شورط حتا لركبة وفوقاني ديالو نص كم ديال الساتان. خرج مدهم لذكرى . أندريا غير شافت الحوايج طاارت حيداتهم من يد ذكرى خلاتها مصدومة
أندريا: غير خليك بلا ماتعدبي أنا نلبسها
يوسف طالع ليه الدم نتر ليها الحوايج بقوة ومدهم لذكرى
يوسف: معصب طالع ليا الدم وماعنديش الخاطر. خرجي برة ولا نضرب دين *مك .
أندريا خرجات كتجري وقفات قدام الباب بالها مشغول عليها باغية تطمن عليها.
يوسف هبط يشوف الطبيب واش وصل وذكرى بقات تلبسها ، غير شوية وتم طالع يوسف و وراه الطبيب هاز الشانطة فيديه . داز من قدام أندريا ودخل تبعو الطبيب وسد الباب خلاها واقفة متوترة كتعض ضفارها وتتمنى مايكون طاري ليها والو .
قرب الطبيب يفحصها و يوسف وذكرى واقفين فوق راسها. حط يديه فراسها لقاها طايبة دار ليها صناتات على صدرها وقاس ليها الطونسيون لقاه طالع.
يوسف:مالها
الطبيب: الطونسيون طالع والسخانة
ذكرى:ديما كنبهها ماكاتقدش على الصبا وكاتدوخ ماتنزلش بوحدها هي كطير لي فراسها فراسها ماكتصنتش
يوسف قلبو كيضرب مامهنيهش عليها خايف توقع ليها شيحاجة اول مرة يجيه هاد الإحساس تجاه شي وحدة منغير عائلتو كيحس بيها جزء لايتجزء منو كيحس بيها ربطاتو وكتفاتو ودخلات لقلبو بزز عليه. كيحك راسو بتوتر تالف
يوسف:شنو نديرو دابا نهزها نلوبيطال
الطبيب: لا ماحتاش غادي ندك ليها شوكة ديال السخانة وفيتامين غادي يكالميها وتنعس غير تفيق غادي تكون بيخير
أنت تقرأ
العشق السرمدي
Action🔥🔥🔥🔥🔥🔥قصة حصرية ولأول مرة... 🔞#العشق السرمدي🔞 ✨✨ عاجل وحصري لكل محبي القصص الدرامية 😈😈 قصة فيها من كل فن طرب 💥 الحب❤️❤️❤️ الغيرة 🌚🥴 الهوس والرومانسية الزائدة معنقولش عليها حب عنقول عليها مرض ... ...
