العشق السرمدي

الجزء 138

🍒 الفصل الأول: بدونك لا اهوى الوجود

قطعات و هي كتضحك و باقا ب سوتيان كتقلب  الحوايج ، براءة شافت فجنب سحر تنهدات و دوات

براءة : سحر حتا ل إمتى غادي تبقاي مخبية عليهم هادشي

سحر بإستغراب : شنو كتقصدي

براءة شارتلها للطراس لي عندها : هادشي

سحر نزلات عينيها شافت فيه و لبسات تيشيرت كان فيديها : ما عندهم علاش يعرفو الموضوع ماكيهمهومش

براءة : بالعكس الموضوع كيهم العائلة كلها ، مايمكنش تبقاي مخبية هاكا خاسك تقوليهالهم

سحر : و هانا قلتها شنوغادي نستافد ؟؟ والو ،

براءة : ما عرفتش و لكن تقوليهالهم نتي حسن ما يعرفوها بوحدهم

سحر : ما عندهم كيف يعرفو ، دازت عامين و حتى واحد ما ساق الخبار

براءة : و إذا شي نهار شافو هاد لاطراس لي عندك ف كرشك

سحر تنهدات : صافي أ براءة إذا ما قلتي نتي والو حتى واحد ما غادي يسيق الخبار ل شي حاجة ، ومن الاحسن نتي تسكتي هاد الموضوع ما خص  حتى حد يعرفو من غيرنا و ماكيهمني ندخل فيه حتا شي حد

براءة : نتي تعرفي مصلحتك كتر مني

،، على برا  كانت باقا واقفة أماني كتبتاسم ابتسامة مستفزة ،على وجهها ملامح النصر كأنها قريبة تغلب فشي معركة

أماني مع راسها : و أخيرااا هه و أخيرا لقيت منين نشدك أ سحر ، عندك ولد كااع هه لا صافي هادي لخرى ليك مستحيل يخليوك هنا مازال حتى دقيقة ، غادي ترجعي لبلاصة لي جيتي منها ونتي راسك فالأرض ، خاصني غا إمتى نشوف ملامحك ملي تشوهي ، ما بقا عندك فين تهربي😈

دازت شي ساعات على أبطالنا لي بقاو غير فالقصر مامشاو لفين ، كل واحد فين شادها بحال سحر لي غير ف بيتها ، ليليان مع براءة نسات الهامستر و تلهات مع براءة لي كتعاودليها  على كمال صاحب عصام

ليليان : وا صدفة زوينة صافي تلاقيتي بحبيب القلب

براءة كتعض على شنايفها : هاااح قلبي زاد داااب ، حاسة براسي مكارهاش نطير أحسن تسافيرة دازتلي ف حياتي هي هادي

ليليان غمزاتها : إوااا شنو دابا وليتو أون كوبل ولا

براءة :لاا ولكن المهم تخطينا ديك الحدود لي كنا عاملينهم دابا ولينا قرابين لبعضنا و بيناتنا تواصل ، شحال هذا مكانش كيهضر معايا زعما كيحشم من عصام

ليليان : إوا صافي ها حلمك قريب يتحقق سعدااتك

براءة : باقي ماتحقق والو و لكن المهم ولا عندي أمل واحد الشوية ، هاداك الضرافات هاداك الزين وااااع كنمووووت

ليليان :على الله يكون كيحس من جهتك بشي حاجة

براءة : من هدرتو حسيت بيه مهتم بيا ويمكن كيبادلني الشعور ، المهم دابا وقت الغدا يالاه نتغداو ...

نزلو لتحت كانت ذكرى و مراد و بلقيس و ياسين وعاد عصام و أماني جالسين على الطبلة ، جلسو على الطبلة كيعاينو لي بقاو ينزلون

مراد : فين لوخرين

بلقيس : ها يوسف و سلمان جاو

دخل يوسف جلس قبالت ليليان و سلمان قبالت براءة ، عاد نزلات من بعد سحر مشات تسلم على ذكرى

سحر : الحنانة

ذكرى : المرضية ديالي فين غابرة من الصباح ما ضهرتي
يالاه جات تجاوبها و هي تقاطعها أماني مخنزر

أماني : الصراحة ما يصلاحش تبقاي تقوليلها المرضية ماتستاهلهاش

كلشي خنزر فيها من غير سحر لي ابتاسمات و جرات الكرسي حدا سلمان جلسات

ذكرى معصبة : شكاتقصدي نتياا بشمن حق غادي تحكمي فيا شنو نقول لبنتي

أماني : أنا غي دويت أ خالتي حيت عارفاها شنو كتسوى

بلقيس : شنو كتسوى ! ما عندكش الحق تدوي على بنت خويا هاكا قدامنا

أماني كتضحك باستهزاء : ضحكات عليكم كاملين ، ديما متقمصة دور الضحية و كلشي كيدافع عليها و لكن هي ناااار تحت التبن

مراد ضرب على الطبلة بجهد حتى قفزات : آخر مرة تحلي فمك بشي كلمة عليها ولا غادي نهرسولك، إذا ماعرفش راجلك يحكمك أنا لي غادي  نتصرف

عصام : الواليييد شهادشي

مراد : و مالي كدبت كو كنتي حاكم مرتك ما كانتش تجرأ و تقول شي كلمة على بنت عمك ونتا ساكت

سحر : أصلا أ عمي ما كيهمني حتى حد بقاليا غا هي نديها فكلامها تغداو إذا غادي تغداو

ليليان قالبة عينيها فأماني: حركاتك غا الغيرة ياختي أما هي بزاف عليك

أماني وقفات مغززة : ديما كتردوني أنا لي غالطة ، أنا لي مكانسواش و هي ست الحسن ، علاش حيت هي زعما من عائلتكم و أنا برانية بغاني عصام و أصر نتزوجو .  ونتوما علاش ديما كارهيني؟

عصااام : أماااااني سكتيي

ردات بالغوااات : لااااا ماساااكتااااش ، ( سحر ربعات يديها كتشوف فيها شاداها الضحكة من حالتها و لكن مامبيناش) ، ما غاديش نسكت مازااال ، حتا حد ما عندو الحق يمنعني ندوي، لو كنتو كتعرفو هاذ بنتكم شنو كتدير و شنو كتخبي عليكم مستحيل تتكلمو معايا بهاذ الطريقة و مستحيل تخليوها أصلا تشارككم الماكلة

سلمان جامع يديه بعصبية : شنو غادي تكون كاتدير، إذا على الكارو ولا حتى الشراب راه كاملين عارفين خسراتلك لعبتك

أماني بعصبية : مكاندويش على هادشي ، هادشي راه عندها غير ملحة فوق الطعام ( سحر علات معاها عينيها ضاحكة بمعنى ياك ألمرضية)

مراااد ساخط : شنو كتقصدي ، بلا كترة اللف و الدوران ، قولي لي عندك وقفتيلنا الدغمة

أماني شافت ف سحر و ضحكت باستفزاز : هادي لي كاتدافعو عليها و عاطيينها هاد الثقة كلها راه أكبر خلاطة كتزني و مكاتخلي حتى حد مكاتمشيش معاه

سحر : راه غادي ننوض نضرب دين*مك حتى تدوري إذا ماجمعتيش فمك عليا