العشق السرمدي

الجزء 142

🍒 الفصل الأول: بدونك لا اهوى الوجود

وقفات شادة فيديه علاتها لفمها باستها وقلباتها وباستها بعمق . تنهدات دارت تكلم الطبيب حتى لقات الطاقم الطبي كلهم متأترين وأغلبهم نزلو دموعهم

سحر : يمكن دابا نبداو

الطبيب : طلعي ابنتي لسرير  ( السرير كان قدام ديال عصام) طلعات فيه وتكات وبداو كيجهزوها

سحر: دكتور عافاك بقا عند اتفاقنا . مابغيت حد يعرفني أنا لي تبرعت .

الطبيب: كوني هانية ابنتي حتا حد ماغادي يعرف  اصلا قلت ليهم المتبرع حصل ليه. موت دماغي  و حتا ملي نساليو العملية غادي تبقاي هنا حتا يمشو كلهم عاد نطلعوك لجناح تاني بعيد عليه

سحر تنهدات وعطاتهم الإشارة يبداو يركبو ليها الأجهزة

سحر: عندي طلب ادكتور

الطبيب: نعام ابنتي

سحر: مابغيتش نفيق وعصام ماكاينش

الطبيب : شنو كتقصدي

سحر: ادا مشا عصام خاص نكون مشيت أنا قبلو

الطبيب: مافهمتش

سحر: يعني زرع الكلية الأولى وإدا مانجحاتش زرع التانية. انا ماشي مهم نموت المهم هو يبقا

الطبيب:  بنتي الله يهديك هادشي لي كتقولي ماشي منطقي.

سحر: انا كنتحمل مسؤولية كلامي

الطبيب: هادشي ممنوع قانونيا . مايمكنش نضحيو بحياتك باش هو يعيش . لكن كنأكد ليك غادي ندير ما فجهدي باش بجوج تحلو عينيكم .

سحر: كون إكيد إننا إما نحلوهم بجوج ولا نسدوهم بجوج. حيت ادا حليت عيني ومالقيتوش أنا غادي نسدهم نراسي

الطبيب: غير رتاحي وماديري فبالك والو . عطا لإشارة لدكتور البناج يبدا خدمتو. حط ليها الماسك على نيفها
سحر دارت شافت فعصام مدات يديها شدات فيديه وبتاسمات

سحر : كنبغييييك

مور هاد الكلمة غمضات عينيها ومشات لعالم تاني. وبداو الأطباء فعملية نقل الكلية. العملية لي ماكانتش ساهلة . ماشي من ناحية عصام بالعكس جسم عصام تقبل الكلية ديال سحر بسهولة. لكن فالمقابل والمشكل لي كان جسم سحر كان صعيب عليه يتقبل يبقا بكلية وحدة شي لي خلى العملية صعيبة وطويلة حيت العملية توقفات كتر من مرة بسبب كيحاربو النزيف الداخلي لي كان كل مرة كيوقع شي لي خلاها فقدات الدم بكمية كبيرة. لكن فالنهاية العملية نجحات وبجوج تكتاب ليهم عمر جديد. عصام لي لقى كلية سحر رداتو نالحياة. وسحر لي لقات نفسها القوية لي مازالة متشبتة بالحياة

بعد ساعات قليلة عصام قدر يفيق من بعد مانقلوه لغرفتو الخاصة.

لكن سحر كان عندها صراع من نوع أخر جسمها مازال متأقلم لهذا فضلو الأطباء يخليوها ناعسة فغيبوبة لمدة تلاتة ايام. حتا بدات تحسن حالتها عاد فيقوها وتم نقلها لجناح تاني  بعيد على جناح عصام.

عصام فداك الوقت بدا يتعافى ويتحسن. عائلتو كانت كلها دايرة بيه ومسانداه حتى من يوسف لي كان حالف مايرجع  . جا عندو نلوبيطال مي مابغاش يمشي نالقصر

لكن سحر ملي فاقت لقات راسها بوحدها لا أم شادة فيدها والا أب يمسح على راسها والا عائلة تساندها وتخفف عليها، كانت بوحدها فالغرفة غير هي والألم لي كيقطعها .  فترة التعافي كانت صعيبة وقاصحة عليها بزااف. سحر عاشت القهر والفقدان والحرمان والحكرة و كل أنواع الألم دوزاتهم. بقا ليها غير ألم خروج الروح حتى هي  كانت قريبة تدوزوها

بعد مرور يومين  براءة كانت جات تشوف عصام وحيت هي كتخاف من الأماكن الضيقة فضلات تطلع على رجليها وماتطلعش فلا سانسور  شي لي خلاها تغلط وتقلب فالطابق الغلط. كانت كتحل الغرف وحدة بوحدة كلهم فارغين حتى كتتصدم ملي حلات وحدة منهوم و لقات فسريرها سحر.