العشق السرمدي

الجزء 150

🍒 الفصل الأول: بدونك لا اهوى الوجود

عصام بقاا مدة كيدور ف عينيه بغا يطلع للبيت مي مابغاش يعيق ، جبد الطيليفون من جيبو و بقا كيقلب على شي حاجة جبرها عاد تنهد كيحاول يصطنع الابتسامة

عصام : بدلتي الستيل أ صاحبي ، تبدلتي مرة داكشي علاش ماعقلتكش

كمال شاف فيه شوفة ف شكل عاد مظلة دراعو مسلم عليه تسليمة رجولية

كمال : وا الوقت كيبدل يمكن ، ولكن نتا باقي هو عصام ماتبدل فيك والو

جلسو كيدويو و يتفكرون الذكريات لي عصام غير كيحرك راسو فيهم عامل راسو منساجم واخا هو ما مفكر والو ،سحر غير حاضية عصاام و كتراقب الدهشة لي كتجيليه على وجهو ملي كيذكروه ف شي حدث ، ما بغاش يدخوليها لعقلها بلي راه غير الستيل خلاه ينسى صاحبو ، إذا كان هاكاك كلهم خسهوم ينساواااه خصوصا هي لي من شحال ما شافتو و عاد ماكانتش كتعرفو مزيان واخا هاكاك غير دخل تفكراتو عاد هو لي كتر من خوه و صاحب الطفولة كبرو مع بعضهم ، وشحال ضحااو على بعضوم، كتقول زعما يكون داكشي لي قالتلها ذكرى كاين ، ولكن إذا هكااك ماخسو يتذكر حتى واحد مستحيل و هو مفكر الأحداث لي وقعو معاها ، معارفاش أنه غير كيبين بلي مفكرهم ، تنهدات كتحاول ماتفكرش بزااف باش ماتجيهاش الشقيقة ، خلات الأمور نالوقت هو لي يبين كلشي

كمال : والله حتى عييت السفر سخسخني
ذكرى :طلع للبيت لي كنتي كتجلس فيه على ما يوجد العشا

كمال : لاا أ خالتي غادي نمشي ن لوطيل هاد الأيامات

ذكرى: منيتك تخلي داركم و تمشي لوطيل ، ما عندك فين تجلس ؟؟

كمال : لا حاشا نتوما عائلتي ولكن مانبغيش نتقل عليكم
يوسف : طلع ترتاح أصاحبي باراكا من كترة الصواب راه مكايجيش معاااك

كمال ضحك : هههه واخااا( كيقلب بعينيه) ؛ أحمم مابانتليش براءة واش مكايناش؟

ليليان ضحكات حتى بداو كيشوفو فيها مستغربين : علاااش بغيتي براءة

كمال كيحك حواجبو : لااا مابغيتاش ، أحم كنقصد بغيت غير نطمن عليها حيت من شحال ما شفتها كانت عزيزة عليا ف صغرها ، (سكت شوية) ؛ بحال ختي 🙂
ذكرى خنزرات ف ليليان لي باقا كتضحك

ذكرى : ها هي الفوق أولدي ف بيتها ناعسة يمكن، فالعشا نعيط ليها

كمال :واخا أ خالتي غادي نطلع دابا ، نتلاقاو فوقت العشا
,
طلع فالدروج و هو كيشوف وراه لا يكون حاضيه شي واحد ، توجه ديريكت لجناح براءة و ليليان دخل للبيت كيقلب عليها بعينيه و هو يشوفها ناعسة فوق الفراش معنكشة رجل لايحاه ف جهة و رجل فجهة ، ضحك على طريقة نومها و تقدم عندها بشوية مادايرش الصوت ، جلس حداها فوق الفراش و مد يديه لشعرها البني كيخلل صباعو فيه  و ينزل راسو يشم ريحتها و ينتعش بيها ، شوية بقا كيدوز يديه على وجهها باغي يفيقها

كمال بهمس : براءة ... براءة نوضي خلاص ما خسنيش نتعطل ليجي شي حد  . وا نوضي أ النعاسة
هي بدات كتحل عويناتها بثقالة و كتحك فيهم ، شافت فيه شدات عينيها و عاودلت حلاتو

براءة بصوت مبحوح بالنعاس: واش وليتي كتزورني حتا فأحلامي

هو ضحك و مد يديه لشعرها : علاش كنزورك لواقعك (غمزها)

هي ناضت بالزربة قافزة عاد فاقت من النعاس و عرفت شنو واقع

براءة : أويلي شكادير نتا هنا ، وااش كنحلم؟

كمال بابتسامة : تو تو مكتحلميش ،بالصح جيت

براءة عينها ولاو فيهم القلوبة : حلف حلللف جيتي إمتى ؟؟ ( طارت عليه معنقاه ، مخلية قلبو غير كيزدح ، بادلها نفس العناق)

كمال : عاد قبايلا جيت جلست معاهم لتحت شوية و طلعت نشوفك ملي ما هبطتيش

هي وقفات مخلوعة ، فطنات بلي هو معاها ف بيتها و هوما لتحت

براءة : أويلي خرج خرج غادي يشوفنا شي حد

هو كيقرب عندها : كاالم كلام الباب مسدود و أنا تاكدت بلي حتا واحد ماشافني

براءة : واخا هاكاك يقدر يجي أي واحد فأي لحضة ، خويا عصام لا ساق الخبار يقتلنا بجوج

كمال بابتسامة حط يديه على وجهها : أمممم كتجري عليا ماتوحشتينش هادي هي وانا جاي غير على قبلك
براءة كرشها بداو يلعبو فيها الفراشات حسات بالفشلة من قربو ليها : لا توحشتك ، أحم لاا علاش غادي نتوحشك زعماا ؟

كمال : أنا بعدا توحشتك بزااف توحشت نشوف ف عينيك لي كنحس بالراحة و السكون كلما حققت فيهم ، بغيت نشم ريحتك لي كتنعشني من الداخل ، نسمع صوتك لي كيدوبني  خصوصا ملي كتكوني متوترة بحال هاكا ، توحشت أدق تفاصيلك حتى حركاتك مشيتك ، ملي كتكوني كتاكلي ضفارك ، كلشي كلشي
براءة قلبها بدا كيضرب بجهد حاسة بيه غادي يوقف ، حتا هي توحشاتووو و بزاااف هو أول حب فحياتها و لكن ماعمرو حسسها ب شي حاجة ديما كان كيعاملها بحال ختو الصغيرة لي كيخاف عليها و كيعيطليها غير ختي ،مافاهماش كيفاش جا دابا و دوى معاها هاكا ، زعما تكون باقا كتحلم