العشق السرمدي

الجزء 152

🍒 الفصل الأول  بدونك لا اهوى الوجود

القصر ماوقعوش فيه أحدات كتيرة الجو كان هادئ دون مشاحنات. سحر لي متجنبة عصام وكتحاول ما أمكن تبعد عليه وماتلاقاش بيه. و عصام لي كان حالتو كتضهور نهار مور نهار عايش غير بالمهدئات من حريق الراس والهلوسات لي ولاو يجيو ليه .

اما ليليان قرب ليها إمتحان الوطني ويوسف لي تابعها من جيهة لجيهة فحال خيالها باش تحفض فحالا هو لي غادي ينجح لكن هي لا تبالي مهازاش هم القرايا باغية غير تلعب وتضيع الوقت.  براءة و كمال علاقتهم تطورات وحبهم شوية بشوية كيكبر 

فاقت سحر بكرى فحال ديما مع ليوم الأحد ماكاتكونش الخدمة . لبسات السورفيط ديالها وخرجات كتجري من باب لقصر . عطاوها الكارد تحية براسهم ورداتها ليهم بإبتسامة. واخا ماعندهاش الكانة واخا المشاكل فوق راسها لكن ديمة عندها مبدأ أن ناس ماعاندهم حتى علاقة وحتى ذنب فهادشي لي كتعيشو. هادشي كيخصها غير هي لهدا تعاملها مع الناس ماخصوش يكون مرتابط ومبني على داكشي لي كتعيشو فحياتها. مشاكلها وهمومها خاصهم يبقاو وسط قلبها وسادة عليهم اما وجهها وملامحها خاصهم يكونو مبتاسمين لناس لي ماليهم دنب.  خرجت كتجري ماشافتش وراها الشخص لي كان كيساين غير إمتى تخرج باش يتبعها حيت عارف هاد النهار كتجري فيه قداام البحر .

بقاو مدة نصف ساعة هي كتجري وهو وراها لكن مارادالوش البال هي ماشي من النوع لي كتشوف وراها.
ملي حس براسو طول فالجرى وباغي كيفاش يهدر معاها بعد عليها ودخل من واحد الشاريع جنب البحر وزاااد فالسرعة كيجري وخرج من الجهة التانية فحالا تلاقاو صدفة   وصل اونفاص معاها مبتاسم هي وصلات قدامو وفاتتو مارداتش ليه البال عقلها ماشي معاها . غير زادت وقف هو كيعيط ليها

أيمن: سحر سحاااار

سحر وقفات مستغربة من شكون لي كيعيط عليها دارت وهي تلقا أيمن جاي جهتها  عاد بتاسمت

أيمن حتى هو مبتاسم: سحر صدفة زوينة ملي تشاوفنا مرة أخرى

سحر: صدفة زوينة وسمح ليا مارديتش ليك البال

أيمن:لا ماديريش فبالك عرفتك غادي تكوني ماشفتينيش

سحر:ماماك مزيانة

أيمن: مزياانة قلت ليها شفتك مرة أخرى وسلمات عليك ماكرهاتش تشوفك

سحر بتاسمت : حتى أنا توحشتها مكرهتش نشوفها

أيمن: أجي عندها شي مرة ولا أنا نجيبها عندكم تشوفيها

سحر: أهاه جيبها مرحبا بيها

أيمن بتوتر: ممكن نجلسو فشي بليصة نهدرو شوية

سحر: حنا كنهضرو

أيمن :لا ماكنهدروش فخاطرنا كاين هنا واحد الكافي قريبة إدا ممكن نجلسو فيها شوية

سحر حشمات منو خصوصا معرفة قديمة مابغاتش تقمعو

سحر: اهاه مرحبا

أيمن بتاسم ليها وتمشاو جيهة الكافي لي كان غير تما كيطل على البحر . دخل وشدو طبلة فلا طيراس كتطل على المواج طلبو جوج كافي نواغ وسحر طلباتها قااصحة

أيمن: القهوة قاصحة عليك بزاااف خففيها بشوية دالحليب

سحر جاب ليها الضحكة . ضحكات وسط وجهو
سحر: هههههههههههه. احم هههه كنعتاذر ماقصدتش نضحك

أيمن غير مبتاسم : ضحكتك زوييييينة
سحر جمعات راسها وقلبات راسها جيهة البحر

أيمن: علاش كديري هكا علاش كتخبي هاد سحر بهاد التخنزيرة

سحر عاودات شافت فيه: عادي هي سحر . سحر وحدة كاينة ماكاينش التانية

أيمن: مايمكنش تكون ماتت سحر لي كنت كنعرف . لي ديمة كتضحك ولي كان صوتها زويين كتحماق على الغنا فين مانمشي للقصر نلقى صوتها مالي المكان . سحر الكيوت فين هي