العشق السرمدي

الجزء 155

🍒 الفصل الأول :بدونك لا اهوى الوجود

ذكرى شدات بيديها : نتي مولات العقل أنا ماقولتلكش ماتت بالعكس أنا أكتر وحدة مسانداك ، غير بغيتك توجدي نفسك لكلشي ماتعلقيش غي بأمل واحد ؛ و حتا ياسين ما عندو حتا ذنب بلا ماتبقلي كل مرة تلوميه حتا هو قلبو محروق على بنتو

بلقيس : بالعكس الذنب كلو على ياسين ، عييت كنقوليه ماتبقاش خدام مع البوليس و بني شي مشروع حسنليك حيت غادي يتجبدلنا غي المشاكل ، ولكن هو راسو قاصح بقا هاكا حتا خداولنا بتتنا بين يدينا الله ياخد فيهم الحق

ذكرى : ربي عاقبهم فالدنيا قبل الآخرة كلهم خداو الجزاء لي كيستاهلو ، غير نتي حاولي ماتبقايش غي سادة غلى راسك راه إذا كانت حية بحالي كتقولي غادي يجي النهار لي غادي تجمعو فيه ، حاولي نتي ترجعي لحياتك الطبيعية ، تردي البسمة لي كتجي زوينة على وجهك ونتي مخبياها بحال إذا ابتاسمتي غادي تديري ذنب ، خدمتك أ بلقيس حتا هي كاتساينك 20 عام مابقيتي قربتيلها بحال ماشي هادي بلقيس لي كانا تموت و توصل لديك المنصب

بلقيس : ما بقا كيهمني والو ، كيفاش غادي نخدم وأنا أصلا ولات حياتي ضلام، حتا حاجة ما بقا عندها طعم

ذكرى ابتاسماتليها بحزن : كوني أكيدة غادي يجي النهار لي يرجع كلشي لمجراه الطبيعي ، و ترجعي لشخصيتك الحيوية لي عهدناها

بلقيس : طول ما بنتي بعيدة عليا حتا حاجة ما غادي ترجع لطبيعتها ( رداتليها حتا ابتسامة خرجة غير من فمها أما قلبها ما عالم بيه غير الله)

بقاو جالسين مدة كايتعاودو حتى دخل عندهم يوسف باس راسهم ووقف
يوسف : الواليدة مابانتلكش ليليان ؟

ذكرى : ليليان ؟ لل ما هبطاتش البوم تفطر غادي تكون غي ف بيتها كتقرى علاش؟

يوسف عقد حجبانو: تما فين بقينا مشيت عندها باش نكمل معاها المراجعة ولكن مالقيتهاش ف بيتها قلبت عليها فالدار ولكن والو

بلقيس : زعماا تكون خرجاات باش تهرب من القراية ، حنا عارفينها عندها عداوة مع الكتوبة

يوسف : كون كانت خرجات كو كانت غتكون بخبار لي كارد ، ولكن حتا واحد ماشافها خرجات على باب القصر الكبيرة

دخلات عليهم براءة لابسة السبور
براءة : شواقع ؟؟

يوسف : ما شفتيش ليليان ؟؟

براءة : لا كنت كنستناها لتحت باش نديرو السبور و لكن ما هبطاتش قلت غادي تكون غير عكزات كيف ديما

يوسف : بففف هادي غادي تحمقني شي نهار
ذكرى: أنا غادي نسول الخدم واش يكونو شافوها

يوسف :واخا أ لواليدة و أنا غادي نزيد نتأكد من جردة لا تكون فيها

فهاد اللحضة كان خرج أكرم من المدينة داخل لواحد المنطقة جبلية الأرض عامرة حفاري ما مصلوحاش ، أما ليليان ف جالسة فالكوفر غير كتزدح طالعة هابطة  هو غادي وهي كتقزقز بوحدها ، كل مرة و منين تتضرب مرة فراسها كتجي تشد فيف كتكون تقلبات على الباب مكورة ، شادة راسها و كتمتم بعصبية

ليليان : ييخ على صوكان عندو هذا ، ما عرفت كيف عطاواه البيرمي الخرااا العياقة على والو ،تفوووو بالناقص غادي نخرج كاملة مهرسة و المشكل غادي يكمل عليااا

وقفات الطوموبيل قريبة شوية لواحد المخيم كانت العشية باقي ماطاح الضلام، نزل أكرم كيقاد حوايجو ثبل ما يسد الطوموبيل خرجات هي كتجري مخبية مور الطوموبيل ، هو هاز الحقيبة ديالو دارها فضهرو و سد الطوموبيل و دار غادي بحالو ، يالاه بدا يتمشى و هو يسمع صوت من و رااه دار يشوف شنو كاين حتى كيلقا ليليان عاضة على لسانها وكتمشى وراه بشوية باش مايشوفهاش
ليليان غير شافتو وقف بتاسمات فحال شي هبيلة  : هههههههه  أكرم🙃🙃

#يتبع

نتشاوفو غدا . بااااااي