العشق السرمدي

الجزء 160

🍒 الفصل الأول: بدونك لا اهوى الوجود

يوسف : واخا أ عمري دابا نخرجو غير تكالماي ، كون كنتي كتسمعي الهضرة كااع ما تتحطي فهاد الموقف (تنهد ) والله أ ليليان كنتعامل معاك هاكا غير حيت خايف عليك خايف من نسمة الهوى تقيسك ، نتي باقا صغيرة و مازال ما عارفاش المخاطر لي تقدر تواجهك ، واش نتي عارفة ملي ركبتي فالكوفر أنك تقدري  تتخنقي ولا.  لاقدر  الله توقع  شي أكسيدون الله يحفظ و حتا شي حد ما عارفك فين نتي ، ما فكرتيش فالواليدة شنو كان يقدر يطراليها كون ماكانش شد لأكرم الريزو ، كانت على شوية و غادي تسخف

ليليان بقات غير كترمش ما جبرات باش تجاوبو كاع زعامتها تهدات ليها حيت عندو الحق هي مافكراتش فالدار و الناس لي غادي يتشطنو عليها ، تصرفت بأنانية و بغات ترضي غير راسها ما همها حد

يوسف:أنا ماشي حاكر عليك ولا باغي نمشيك كيف بغيت. أنا باغيك تكبري باغيك بمعنى تاني تنضجي. كتعرفي شنو كنعنى بالنضج هي تفكري الف مرة قبل ماتديري خطوة. قبل ماتفكري فالحاجة فكري فالعواقب ديالها . وشنو يقدر يوقع إدا درت داك الحاجة

ليليان : وا دابا طلعني بلييز

يوسف : وااعديني فالأول بلي مغتبقايش تعاودي هاذ التصرفات.

كيفاش غادي تواعدو و هي براسها ما تقدرش تضمن راسها هي كتدير شي حاجة مكاتفطنش براسها حتى كتكون دارتها ، ولكن دابا باغا غير تسلت راسها بأي طريقة

ليليااان عضات على شنوفتها: كاانوااعدك

هو ابتااسم ملي سمعها و بعدها عليه بشوية و بقاو كيشوفو بجوجهم لفوق

ليليان : دابا كيفاش غادي نخرجو

يوسف : نسولو سيادتك

ليليان : علاش أنا لي شديت و تلاحيت هنا ؟ و نتا لاش تابعني لاش كون كنتي بقيتي لفوق باش تخرجني

يوسف : كون كنت بقيت لفوق ما كنتش غادي نفكر نخرجك غير تهناي

هي تأفأفات و دارت تشوف فيه ، عاد بانتليها الضربة لي فيدو ملي ضرب الشجرة ، عينيها خرجو فيها

ليليان : يوسف ماالك

يوسف : مالي تاني

ليليان شداتليه فيدو : شنو وقعليك ليدك  وااش الضربة د قبايلا أووف مالك بحال شي وحش غير كتضرب

يوسف :  ماشي شي حاجة

ليليان : لاا شوف كيف مجرودة وإذا تعفناتليك ؟؟راه خسك تداويها

هو ابتااسم : شنو دابا خيفانة علياا (غمزة😉)

هي طلقات من يدو : مالقيت علامن نخاف راه باقا مانسيتش القجة لي قجيتيني روحي كانت غادي تخرج غير سيير

يوسف : وا نتي لي كتديري علاش حمدي الله ما دفنتكش حية

ليليان:ومازال كتهدر فعوض ما تعتاذر

يوسف: المرة الجاية نوريك الإعتذار كيف كيكون
من هادشي كلو  بعدي لهيه ماتبقايش لاسقة فيا  خليني نشوف كيف نطلعو من هاد الحفرة

ليليان هو كيتحرك وهي شادة ليه فالتيشرت. شعل بيل د التيلي كيضوي لقا الحفرة ماغارقاش بزااف لكن ماعندك كيف تطلع   هو يقدر يتعلق ويحاول يشد حتا يوصل لكن إدا طلع مايقدرش يطلعها

يوسف تنهد: شوفي غانهزك ونعليك ونتي حاولي تطلعي

ليليان: شنوووووو لا ماتهزني مانهزك

يوسف: واخا خليك هنا. خلاها وتعلق باش يطلع حتى شداتو من سروالو

ليليان: لااااا  لا  لا متخلينيش هنااااا عاااافاااااك

تنهد ورجع نزل شاف فيها وبتاسم  : يالاه أجي لهنا باش نهزك

ليليان: مالك كاتقولها وتضحك بحالا عاديرلي شي حاجة

يوسف زاااد ضحك وغمزها: شنوو هاد الحاجة أنا قلت غير نهزك ماقلتش شيحاجة أخرى نتي لي مانعرف شمن هزاان فهمتي

ليليان: مافهمت والو فهمت لهزان العادي

يوسف:اممم أجي لهنا أجي (هزها بين يديه) ماتخافيش أعمري جميع الهزان غادي تجربيهم هههههه

ليليان بدات كتنتر: نزلني صافي مابغيتش تهزني

جمع معاها بقرصة نالفخاض: رصاااي لمك . زااد هزها حتا طلعها فوق كتافو

يوسف: مممم شنو كاتاكلي لمك مالكي على هاد التقل كلو

ليليان:ماشاء الله عليا عانداك تعيني

يوسف: ماشاء الله عليك وربي يخلي ليا الهردوزية

ليليان: شنو هيا الهردوزية

يوسف :  نخرجو من هنا ونوريها ليك. دابا شدي مزياان وحاولي تطلعي

ليليان عيات تعلي فيديها لكن موصلاتش: راااه بعيد ما نقدرش

يوسف تنهد ونزلها وعلا راسو كيشوف شنو يدير تاني : حل واحد كاين هو تطلعي فضهري ونطلعو بجوج

ليليان : باش ماتقدرش تطلع ونطيحو بجوج

يوسف خلاها وتعلق  حتى شداتو تاني من سروالو

ليليان: لا صافي طلعني فضهرك

نزل تاني وتحنى : يالاه طلعي

ليليان قربات وطلعات فضهرو متوترة .

يوسف وقف وزاد علاها : شدي مزيان
تعلا وشد فحجرة كانت خارجة ويد مكالي بيها زاد على يديه وشد فشي ربيع منبت تما ورجليه كيحاول يخليهم متبتين واخا كيزلق بسباب التربة  الهشة عاض على لسانو كولو حمر وكيقطر وهي شاداه من عنقو فحال لكرادة . لقا واحد الحفيرة صغيرة ضربها بيديه حتى زادت تفرتات وحط يديه تما كيتنفس بصعوبة مابايستسلم ويرجع لنقطة الصفر. بقا هاكا كيتحارب حتى وصلات يديه لسطح الأرض  هز يديه التانية وعلا رجليه حتا خرجو من الحفرة التكا على الأرض وقلبها فوقو منعسها وهو كينهج

#يتبع