العشق السرمدي

الجزء 169

كاين شي حد هنا ولا نرجع منين جيت🤔🤔🤔

🍒 الفصل الأول: بدونك لا اهوى الوجود

كلشي تصدم ملي سمعو الخبار، حتا شي حد فيهم ما كان متوقع هادشي، ولكن سرعان ما بدات كتترسم ابتسامة على بعض الوجوه غير هي كل واحد و معنى ابتسامتو بحال ذكرى حيت باغية تشوف بنتها فرحانة فحياتها و تنسى الماضي، عكس أماني لي كاتشوف هادي فرصة ذهبية ما خصهاش تضيع باش تبعدها من طريقها، أما الباقي من سلمان و يوسف و حتا سحر غير مشوكيين واقفين مكايتكلموش، أما عصام ماعلابالوش هو أصلا باغيها غير تبعد من حداه بأي طريقة

مراد : دويت معاك أ بنتي مالكي ساكتة

سحر سرطات ريقها و شافت فيه : و شنو فنضرك خاصني نقول أ عمي، كنضن نسكت حسن

ذكرى : فنضري خاصكي توافقي تعطي لراسك و ليه فرصة، كلنا كنعرفو أيمن ولد مربي قاري وواعي غادي تكونو مناسبين لبعضكم

سحر : مكانقولش العكس آااه أيمن مافيهش المشكل ولكن المشكل فيا أنا شكون لي قالكم باغا نتزوج بالسلامة؟

عصام : حيت وصلتي لسن الزواج ألالة  و تصرفاتك كيقولو داكشي .شنو بغيتي تبقاي عاطياها غير للزناقي

سحر شافت فيه بعصبية : إكزاكطمون داكشي لي بغيت و النهار لي غادي يقول ليا عقلي نتزوج ماغاديش نستنى رأيك أ سي عصام ولكن ما حدي مافكرتش فيه حتا واحد ماغادي يدخل فيا. ولو ما بغيتيش تشوف وجهي سير شوف فين تق*ود نتا و مراتك

عصام تقدم عندها مغلغل : رااا والله حتا نهرسلك هاذ الفم لي نتي فرحانة به و تبقاي تخصري الهضرة قدامي

سحر : و أنا نهار غادي نبغي ندير فيك شي حاجة مغنبقاش غير داوية دودودو غننفد

يالاه بغا يعلي يدو ينزل عليها و هو يقاطعهم مراد

بالغوات : سكتووووناااااا، باراكا من صداعكم، شهاد قلة الإحترام لي ولات فيكم كل مرة شاعلينهااا؟ ( شاف ف سحر) شوفي أ بنتي أيمن كلنا كنعرفوه ولد خلوق و زاد تبت هادشي ملي جا دوى معايا و بغا يدخل للدار من بابها الكبيرة،

سحر بعصبية : هاداك حسابي معاه من بعد، مافهمتش علاش غادي يجي يدوي معاك علاش مايجيش نيشان عندي باش نفاريها معاه

مراد : حيت أنا عمك و فمقام باباك وولاد الناس هاكا كيتصرفو، شوفي أ سحر انا مكانقولكش وافقي ولكن ما فيها باس عطي فرصة لراسك ما تعرفي ترتاحي معاه

سحر بقات ساكتة ما عارفة شنو تقول هي عارفة راسها عمرها ترتاح مع شي دري. ف علاش غادي تضلم أيمن معاها و هي ماباغاش.

ذكرى : عافاكي أبنتي عطيه فرصة

سحر : واماما...

قاطعاتها أماني : خليها اخالتي تفكر و ترد عليكم واخا هي الزواج حسن ليها شغادي تبقا تعمل بايرة، عالله تدير عقلها

سحر دارت شافت فيها مغلغلة و قربات شي خطوات : شوفي أ ديك الحولة يا إما غادي تنقصي من داك الطيران ديالك معايا و لا بربي ما يعجبك الحال، والله حتا نجمعك و نطويك ، ديها فمخك نتزوج ولا نخرا كاع شدخل شطاطتك و رأيك شمن دور عندو؟

عصام مغزف : رأيها عندو الدور الكبير

سحر : عندو دور ف حياتك باش تمشيك كيف بغات كي شي كلب عندها و لكن أنا بزااف عليك مانسمح لحد يتدخل فيا

عصام قرب باش يضربها حتى شدو سلمان :  بعد نتااااا. وا بربي و ما تجمعي عليا فمك حتا نخشيك ف شي حيط يتفرتت عليك، را عييت صابر على قلة حياك، و علاش بالسلامة ما باغاش تزوجي بيه؟

سحر :  نتاا ما عندك حتا دخل ولكن نجاوبك حيت ماباااغااااش و حلل نتا هاد الكلمة كيف بغيتي

عصام : ماباغاش شنو؟ ماباغاش تستري راسك بغيتي غير التسلكيط و تخرجي و تدخلي فالساعة لي قالهاليك راسك، ماباغاهش هو؟ إذا هاكا علاش شحال من مرة وصلي الخبار بلي تلاقيتيه ولا حتا هو عاملاه ضمن الناس لي كتضحكي عليهم، التسلكيط و قلة الحيا عزازين عليك أما تديري العز لراسك هادي صعيبة