العشق السرمدي

الجزء 171

🍒 الفصل الأول: بدونك لا اهوى الوجود

وقفت بطوموبيلتها فأخر لحضة فراس الجرف ، الجرف لي ديما كان شاهد على لحضاتهم الرومانسية حيت ديما كان كيجيبها ليه عصام ، شحال من مرة نعسو تما و هما كيتمنضرو فالنجوم ، كان هاذ الجرف شاهد على بزاااف د اللحضات زوينة بيناتهم ، حلات الطوموبيل و نزلت كتنهج حاسة براسها كتتخنق كتتنفس بصعوبة و شادة على صدرها بقوة ، فنفس اللحضة كان وصل عصام خلا الطوموبيل بعيدة شي أمتار و طفا الضواو و نزل تابعها بشوية باغي يعرفها علاش جاية لهاذ البلاصة ، حتا وقف مصدوم ملي سمعهاا كتغوت بحر جهدها ، كانت كتفرغ القهر والضغط لي كانو ماليين قلبها
،
سحر : أااااااااااااااااااااااااااااااااه ااااااااااااااااه اااااااااااااااااااااااااااااااااااااااااااااااه

ملي سالات من الغوات علات عينيها للسما كتشهق و دموعها كيتسرسبو من عينيها و بدات كتهضر كأنها كتشكي على
واليديها

سحر بصوت مخنوق و مقهور كتبكي :  بابا ماما ما بقيتش كنتمنى من الدنيا حتا حاجة من غير أني نفيق و نلقى راسي معاكم قلبي ما بقاش يتحمل بقاتليه نبضة وحدة ماكرهتش يوقف دابا و نشوفكم( بصوت متقطع كتدوي و هي كتشهق ) حاسة بالخنقة ف بعدكم ، تمنيت نكون وسطكم و نعاودليكم شنو دارت فيا السنين كيفاش قهراتني و عذباتني

( كتنهج و تبكي عينيها ولاو بحال نقطة الدم ، عصام واقف وراها كيسمعها كيفاش كتبكي و كتشكي مابغااش يقرب ليها )

من النهار مشيتو ضهري تكسر ، مشا السند و الحنان ، ما بقيتش لاقية شكون يشد بيديييااا و يقولي نتي قوية هئ هئ ( هبطت راسها شادة على قلبها و كتنهج بقوة ) سمحلي أ قلبي سمحلي أنا لي درت كلشي ، أنا لي حبيت بدون إذنك هئ هئ هئ سمحلي حيت كل مرة كنت كنعطيك الأمل و كانقولك كلشي غادي يتصلح غلطت (شهقاات) اهئ آااه غلطت حيت عمرو  ماغادي يتصلح ،

ياريت كون قدرت نسيت وتمنيت عمري مانكون حبيت ( حاسة ب قلبها مخنوق بزز باش كتخرج الهدرة ، علات يديها كتمسح الدموع من عينيها ) اهئ اهئ ماتبكيش أ سحر ماتبكيش الدموع لي كتطيحيهم عمرهم ما غادي يداويواك بالعكس غير غادي يزيدو يكملو عليك اهئ هو هاانك و طيح بيك ،هو رمااك و ماسولش فيك ، عنداكي ترجعي تحني فيه ، داوي جروحك أ سحر بيديك مكاينش لي يداويهملك اه‍ئ اهئ اهئ ( شهقات بقوة شهقة مخرجة معاها ألمها و حزنها وقهرها )

آااااااااااااااااااااه أ قلبي آااااه شحال خسك تتجرح من مرة باش تعرف أنك ماتستاهلش تفرح مرة...

( عصام بقا واقف مصدوم مامتيقش هادشي كامل دافناه فقلبها ، تقدم عندها ببطئ باغي يرجعها ، سحر حسات بشي حد وراها دارت و عينيها حومر بحال الجمرة كيتقطرو بالدموع لقات عصاام وراها شافت فيه بحزن نضراتها مئلمة )

سحر : علااش جااي علاش تابعني

عصام بقات فيه ملي سمعها كتدوي مع راسها بديك الطريقة ولكن كيبين الصرامة فوجهو : جييت حيت الواليدة طلبات مني نرجعك

سحر شافت فيه بحزن : علاااش درتي فيا هاكا أ عصاام علاااااااش