العشق السرمدي

الجزء 176

🍒 الفصل الأول: بدونك لا اهوى الوجود

بعد مرور 5 ايام الساعة تشير إلى العاشرة مساءا

فجناح يوسف وسط المكتب ديالو جالسة ليليان على الكرسي شادة قلم فيديها ووكتحاول تخرج المعادلة لي فيديها ويوسف واقف وراها قارن حجبانو وعينيه على الورقة لي فيديها. شوية وهي تضهر إبتسامة على وجهو ملي شافها حلت المعادلة بكل سهولة .

ليليان حطات القلم أو وقفات كتنقز بالفرحة وا أخيرا رجعات متمكنة وتقدر تحل المسائل بدون صعوبات . وقفات كتنقز وبدون شعور هو واقف وراها دارت وعنقاتو فرحانة

ليليان: حليتهااا حلييتها حلييتها

يوسف بتاسم بفرحة أولا حيت قدرات تتخطى الحاجز ديالها وتانيا بسباب هاد التعنيقة هز يديه وقربها ليه حاضنها بجهد ماكرهش تبقى ديمة قريبة ليه هكا

ليليان ردات البال لشنو دارت بعدات عليه متوترة وجها رجع بحال مطيشة . دفعاتو بشوية كتحاول ترجع لور

ليليان:أحم ممكن تبعد شوية. دارت جوج خطوات لور باش تمشي حتى كتحس بيه جرها بجهد هزها وحطها فوق البيرو شادها من خصرها وهي غير كتفتف ماتوقعاتش هاد ردة الفعل

ليليان: م ماالك شنو بغيتي خليني نمشي

يوسف: هاد تمارة كلها لي ضربت معاك مانستاهلش منك كلمة شكرا

ليليان: ماشي أنا لي طلبت منك تعاوني ولكن على لعموم شكرا. تحركات باغية تنزل عاود زيرها من جديد متبتها فبلاصتها

ليليان: م مالك قلت ليك شكرا

يوسف ببحة فصوتو : تو تو ماشي هاد شكرا لي بغيت

ليليان توترات قلبها ولا كيضرب بشدة  : ش شنو بغيتي

يوسف قرب منها عينيه هايمين فيها: بغيتك نتيي.شفتك دوشتي ياك مشات لي غيكل

ليليان كتشوفو كيقرب ليها وهي فحالة صدمة ماتوقعاتش هاد الموقف غير قرب فمو يحطو ففمها عاد فطنات وبسرعة قلبت وجهها .

يوسف شافها شنو دارت خنزر وتنهد بسخط علا يديه دوزها على شعرو بعصبية هز واحد الديكور على البيرو وضربو مع لحيط

يوسف بحدة : بزاااااااااف بزاااااف هادشي . ماعييتيش مامليتيش

ليليان وقفات بخوف: شنو كاتقصد

يوسف: شووفي نتي عيت كنحاول معاك ونتسايس درت جهدي باش نتقرب منك بشوية وتني كل مرة كتصديني

ليليان:أنا من الأول قلت ليك ليكاين واخا تنطابق السماء مع الأرض داكشي لي فبالك ماغايكونش

يوسف عيا صابر فالأخير غوت عليها بجهد:شنووووو بغيتيني ندييير نترجاك تسامحيني نبوسليك رجليك ولا . نتيييي راكي مراااتي أمادام ومن حقييي نقرب ليك .راه تلت شهور مانعست فيها شنوو بغيتيني نقطعوووو

ليليان سمعات كلامو حشمات مكرهاتش تدوب فديك اللحضة : وأنا مالي

يوسف قرب ليها شد ليها راسها من لور وخشا فمو فعنقها كيبوسها وكيدوز يديه على ضهرها

يوسف كيبوسها وكيهضر بهمس : كنبغيك أعمري . بغيتك تكوني ليا. صافي عييت صابر بغيتك بغيتك
  ليليان غير بدا كيبوسها الجهد لي كان عندها مشا وبدات تترخا ليه وتدخول فداك المود. عجبها داك الإحساس خصوصا مع الشخص لي كتعشقو عضات علا شنوفتها وغمضات عينيها وهو كيتحسس ضهرها وكيطبع القبلات على عنقها كانت غادي تبدا تنين عاد ردات البال لراسها حلات عينيها بسرعة ودفعاتو من عليها وخرجات كتجري من المكتب . خلاتو واقف كينهج داير يديه على نصو وكيعض على فمو بعصبية