العشق السرمدي

الجزء 177

🍒 الفصل الأول: بدونك لا اهوى الوجود

فبيت سحر ناعسة مغمغمة بالمانطة لحد الأن ماكاتخرج وبالأحرى هي ماباغاش تخرج . مازال مامتيقاش داكشي لي طرالها وبلي ضعفات حتى لديك الدرجة. مازال مامتيقاش بلي هي خرجات داك الكلام من فمها. ضلات خمسة سنين كتبني فراسها وتقوي فشخصيتها جات لحضة ضعف ضمرات ليها داكشي كلو لي بناتو.

دخلات ذكرى لبيت غير شافت حالتها تاني تنهدات شعلات الضوء وقربات ليها

ذكرى: سحر بنتي عارفك فايقة غير عري على وجهك.
سحر سمعات كلامها عرات على وجهها وجلسات:هانا ماما بغيتي شي حاجة

ذكرى: وحتى لإمتى غادي تبقاي ناعسة

سحر: ياك نتي رديتيني بزز عليا لهنا إذن خليني ناعسة ماباغية نشوف حد

ذكرى:أحم لاكن شي ناس جاو يشوفك

سحر بإستغراب :شكون

ذكرى:أيمن

سحر علات على حاجبها :ياكما قلتو ليه شي حاجة 
ذكرى: لا ماقلنا ليه والو غير عاود سول مراد وقاليه غادا تفكر فالموضوع. وهو بغا يهضر معاك قاليه عيانة شوية أصر يجي يشوفك

سحر تنهدات: امممم وهو لتحت

ذكرى:أه جالس فالجردة كيساينك

سحر: واخا ماما أنا نلبس وننزل.

ذكرى شدات ليها فيديها :عافاك أبنتي فكري فالموضوع وعطيه فرصة بغيت نشوف وليداتك ونرتاح من جيهتك ماعرفتي إمتى نموتو

سحر باست ليها يديها: بطول لعمر الحنينية. مانواعدكش غادي نوافق. ولكن غادي ندير الموضوع فبالي ونفكر فيه

ذكرى :واخا بنتي على خاطرك وحتى حد ما يبزز عليك حاجة . لبسي ونزلي هاوا كيساينك فالجليسة

سحر ناضت لبسات سروال جينز ولبسات فوقو بودي فالأسود مشطات شعرها خلاتو مطلوق سامبل . هزات تيليفونها وبكية الكارو ونزلات متوجهة لجردة غير وصلات الجليسة شافها أيمن وقف مبتاسم مد ليها يديه . حتى هي بتاسمات ليه وسلمات عليه وجلسات

أيمن:الحمد لله على سلامتك . سمعت عليك مريضة

سحر:غير عيانة شوية ضربني البرد ماشي شيحاجة

أيمن : الحمد لله تخلعت عليك وأصريت نجي

سحر: شكرا لمجيئك واخا ماكانش داعي ماشي شي مرض

أيمن : الصراحة ماشي غير هادشي لي جابني

سحر : أهاه وشنو جابك

أيمن : كلام عمك . هدر معايا وقال ليا بلي غادي تعطي لعلاقتنا فرصة

سحر: ماشي فرصة غادي نفكر فالموضوع باش نكون صريحة معاك

فنفس اللحضة كان عصام داخل لدار نزل من طموبيلتو راسو كيضرو كالعادة . كان داخل حتى قشعهم جالسين ماعرفش علاش جاه الفضول يعرفهم شنو كيديرو أولا يسمع كلامهم قلب طريقو جيهتهم وقرب بشوية مادايرش الحس ولأول مرة كيتصرف بهاد الطريقة أولا كيتجسس على شيحد. وصل قدام واحد الشجرة كان الضلام ماكيبانش ووقف كيتصنت عليهم وكيشوف شنو كيديرو

أيمن قرب لسحر شد ليها فيديها : سحر عطيني فرصة وعطي لعلاقتنا فرصة . كنواعدك غادي نشد فيها بيدي وسنانى. أنا كنبغيك ملي كنتي مازالة برهوشة ملي يالاه جيتي تسكني هنا وأنا كنعشقك . ماكنتش قادر نقول هاد الكلام من قبل لكن دابا لا يمكن نفصح بيه. حبي ليك ماعندو حدود. بقيت سنين وأنا ضارب على العلاقات بسباب حبي ليك خصوصا ملي هاجرتي كان عندي أمل أنك غادي يجي نهار وترجعي. عطيني فرصة وكنواعدك مانخيبكش. كانواعدك غادي نحطك فعينيا وبين رموشي نتي غادي تكوني روحي ونصفي التاني سحر جاوبيني.

سحر بقات ساحتة مدة حالة سكون غريبة وهدوء تام

لاكن وراهم مور الشجرة كان بركان ثاير بحر هائج عينيه حمرة ماعارفش مالو . راسو عا طيه الصدااع شد راسو بقوة كينهج حط راسو على الشجرة مزير عليه ماكرهش يضربو لكن ماباغيش يدير الصداع ويعيقو بيه. بقا شاد فراسو والحريق كيزيد حتى بدأ يجيه نفس الأصوات دشحال هادي لكن دابا جات معاهم حتى بعض المقاطع من الصور واخا تشاش لكن قدر يميز صورتها

(كانت فبيتو ناعسة فوق الناموسية لابسة ميني شورط قصير بزاف وميني بوط معري كرشها. شعرها الأسود مطلوق  شادة على حنكها الحمر وكاتبكي .
وهو غادي جاي قدامها معصب و مغلغل

عصام: جاوبي شنو قلت لدين*مك
قرب عندها فوق الفراش وهي كتكحز لور وتشهق ببكاء حتى وصلات لراس الفراش. شدها من حناكها بقوة حتى خرجو شنايفها

عصام: جاوبي. يااك قلت ليك ملي يجي داك الزا*مل مانشوفش ديل*مك كادوري حدااه. ونتي شنوو درتي غير جا نزلتي كتزريطي قدامو

هي كتشهق عينيها عامرين دموع: هو ضريف ماكيدير ليا والو

عصام بعصبية: أنا لي عارف ديل*مو  شنو باغي . أنا لي عارف نيتو كيف دايرة. أنا لي كانشوف كيفاش كيشوف فيك

♧أيمن عمرو قال ليا كلمة خايبة ماعرفتش مالك معاه
عصام شدها من شعرها وهي كاتنتر وتبكي: كنقسم ليك فمي بالله ونعاود نشوفك دورى حداه وخصوصا ونتي لابسة هاد اللبس والله حتى نحرك{ اسحر} والله حتى نحرك)
حل عصام عينيه الحومر كينهج من هادشي لي شاف ولي سمع .عرقان كلو كيقطر كأنه كان فسباق مامتيقش هادشي. قلب الطريق داخل لقصر كيجري طلع فالدروج كينقزهم باغي غير إمتى يوصل حل باب ديال بيتو بقوة حتى ترضخ داخل فحال لوحش لقا أماني ناعسة شادة ريموت فيديها كاتفرج غير شافتو فداك الحالة وقفات كتجري

أماني:عصااام مالك
عصام بعصبية : علاااااااش درتييييي هادشيييييييي

#يتبع

هاهي غادية وتكايسو عليا تاني 🚶‍♀️🚶‍♀️🚶‍♀️.
بلبلوها فحال لبارح . نتشاوفو غدا 😁😁

🚨قريييباااااا🚨

💢   نهاية الموسم الأول: بدونك لا أهوى الوجود

💢  بداية الموسم التاني: إعتذاري منكي لن ينسيكي