العشق السرمدي

الجزء 186

🍒 الفصل الأول: بدونك لا اهوى الوجود

دخلات المفتاح فبلاصتو وهي مزيرة على فمها ودورات غير دار خرجات إبتسامة فرحة من فمها حلات الباب بسرعة ودخلات غير خطات جوج خطوات وقفات وجمعات الإبتسامة لي ترسمات على وجهها  مصعوقة من داكشي لي شافت .

تقدمات بخطوات نالأمام بشوية لطابلو لي قبالتها كتشوف فيه بإستغراب عينيها خارجين مافاهماش شنو داكشي وعلاش داكشي ماكانتش كتضن حالتو متطورة حتى لديك الدرجة

الطابلو كان فيه صور العائلة كلها وكل واحد سميتو قدام الصورة . متل صورة مكتوب قدامها سلمان ولد عمتي . صورة مكتوب فيها مراد بابا . لمهم  جميع أفراد الأسرة. سحر شافتهم كلهم  وصلات لأخر صورة وهي تبتاسم ملي لقات صورتها ومكتوب قدامها بنت عمي القح*بة،

سحر تنهدات كتقول مع بالها أنا قح*بة نيت لي جاية نشوف مالك.

كانت غاتدور حتى لفتت إنتباهها ملاحضة كاتبها فأخر طابلو: نتا سميتك عصام قرأ المذكرة راها فالمجر قدام السرير

مشات كتجري لمجر كتقلب مالقاتش، مشات لتاني فتحاتو وهي تلقا مذكرة لونها أسود هزاتها باش تشوف محتواها وهي تلقاها حتى هي مسدود بالقفل ضرباتها مع الأرض ومشات كتقلب جيهة الماطريال لي فالحمام هزات بانس ورجعات حطاتو على القفل وزيرات عليه كتحاول تحلو بقات كتلوي فيه وتضربو بكل جهدها ختى طار القفل .

لاحت البانس من يديها وحلات المذكرة كتفحص محتواها كانت عامرة كتابة أنه شي حد كاتب مذكراتو بالتفصيل وأي حدث فحياتو اليومية كان كاتبها بدقة عالية وكل صفحة فيها التاريخ ديالها مثل  نهار الحفل ونهار جات لشركة نهار تلاقاو وهرب الخيل بقات كتقلب حتى لقات واحد الصفحة مكتوب فيها

(ماكنتش غالط فحقها وحتى أماني ماكذباتش ملي وصفاتها ،ليوم كنا فالمكتب حيت كاين مشكل فشركة عمي لي هو باباها . دارو جميع محاولاتهم باش ترجع لكن غير مبالية بهادشي كتفكر غير فراسها وحياتها. دارو أخر محاولة باش ترجع و وهموها أن الأم ديالي فغيبوبة لكن هي مع الأسف كان جوابها هههه (بصااح مرات عمي مسكينة الله يشافيها) قطعات ومشات تكمل سهرتها مع واحد داخل عندها حتى لتلاتة دالصباح كيقول ليها بيبي مانعستيش كاتساينيني. هي فعلا كيفما وصفاتها أماني قح*بة)

سحر بتاسمات على هادشي لي كاتبو فحقها أااااااه لو يعرف الحقيقة لكان ندم أشد الندم

هزات الذكرة فيديها وناضت كتقلب فالبيت كان نفس البيت لي كانت كتموت تدخل ليه وتخلي حتى ينعس عصام وتجي بليل تخشا فيه ملي تخاف وهو يعنقها وينعسها فحضنو. كان نفس البيت الوردي فماضيها  لكنه فهاد اللحضة بان ليها أسود مافيهش مضهر الفرحة والحياة  بقات كتقلب فالبيت حتى كتشوف تيليفونو طايح فالأرض من البارح وهو مليوح مشات هزاتو باش تحاول تحلو مالقاتش بلاصت الكود أكيد ماهو ماغاديش يدير كود وينساه كان داير كود كيتفتح بالكاميرا قدام وجهو . هزات تيليفونها وصونات على الشخص لي ديمة كيعتقها فهاد المواقف

سحر : وي دانييل سمعني غادي نصيفطليك نمرة دتيليفون بغيتك بأي طريقة تفتحليا ليه الكود. دااااابا ماتعطلش أوكي. صيفطات النمرة وبقات كتنتاضر خمسة الدقايق وهو يدير التيليفون الصوت بلي تفتاح بتاسمات وبدات كتقلب فيه كان عادي مافيه والو. نوامر عاديين إميلات دالخدمة دخلات كتقلب فالتصاور لقات نفس التصاور لي معلقين فالطابلو وزايدين عليهم بعض صحابو والشخصيات المعروفة دخلات لأفيش تانية لقات تصاورها هي ودانيل مرة جالسين فجردة دالفيلة ديالها فأمريكة  مرة خارجين وشادها من كتافها  شافت الصور كلهم . ودازت جيهة التسجيلات وهي تلقا تسجيل الدكتور نهار قاليه سجل ليا صوتك . الشك كان قاتلها وزاد قتلها أكيد هادشي كلو ماشي طبيعي أكيد كاين سر وراء هادشي ولازم تكشفو وتعرف شنو هو.  هزات تيليفانها وعاودات المكالمة لكن هاد المرة كانت لشخص تاني

سحر: ألو  ضاروري ترجع الأمر كيخص خوك عصام محتاجاك تعاوني .

خرجات من البيت شادة المذكرة وتيليفونو خارجة من القصر باش تركب فطوموبيلتها وهي تسمع حس شيحد كيهدر بشوية قلبات عينيها كتقلب مالقات حد بدات كتقرب لمصدر الصوت وهي تلقى أماني مخبيا فواحد الكوان عاطياها بضهرها وكتهضر فتيليفون

أماني: عتقني عتقني صافي غادي نتفضح . زدت فالجرعة وطاح كومة . ماعرفتو تصطا ماعرفتو باقي فعقلو. شووف إدا فاق غادي ننكر مادرتلو والو ونسبيها فسحر هي لي بغات تقتلو . لكن عافاك دوي مع داك الراجل يعاود الخدمة باش نضمن يبقا كارهها. مع سالات المكالمة مع نزلت عليها سحر بحديدة نراسها طيحاتها كاااو قدامها.

#يتبع

تباتو فرااااااااااااااحة الله من هنا لغذا 😈😈 نجي نلقاكم مرونينها الماكسيمون ديال  تعاليق وبوسطات يالاااااااه بزوووو😘😘