လရောင်ဖြူလေးမ‌ဖြစ်ချင်တဲ့ကြာပန်းဖြူhostကကောင်းတဲ့hostမဖြစ်နိုင်ဘူး (System)

V1 P3

PhyuSin809

Unicode

ဝမ်ဖူသည် အရည်အချင်းရှိသော ကျူးကျီအလယ်အလတ်အဆင့်ကျင့်ကြံသူဖြစ်သောကြောင့် ကျူးကျီကျင့်ကြံဆင့်အောက်ကိုသာတိုက်ခိုက်နိုင်သည်။ သို့သော် ယခုသူ့နောက်သို့ လိုက်နေသောသူများက ကျဲတန်အဆင့်ကိုရောက်တော့မည်သူများသာ။ သူ့ခန္ဓာကိုယ်ကိုမလိုချင်ခဲ့လျှင် ယခုအချိန်ဆို သူအသက်ရှင်လျက် ရှိနေနိုင်မည်မဟုတ်ပါ။

ဝမ်ဖူ သူ့မှာရှိသမျှခွန်အားနဲ့တိုက်ခိုက်ခဲ့သည်မှာ ယခုဆိုလျှင် မြူနှင်းတောအုပ်အစပ်ဆီသို့ ရောက်ရှိနေပြီဖြစ်သည်။ သူ့မှာရွေးစရာလမ်းမရှိတော့ဘူး။ သူ့ကိုယ်သူကယ်တင်နိုင်ဖို့ အမြန်ဆုံးလုပ်မှပဲ။

သူ့ရှေ့က နာမည်ဆိုးနဲ့ကျော်ကြားတဲ့ မြူနှင်းတောအုပ်ကို တွေ့လိုက်ရတော့ အရာအားလုံးအဆုံးသတ်တော့မလို ခံစားလိုက်ရတယ်။ မြူနှင်းတောအုပ်ဟာ လူတွေရဲ့စိတ်ကိုရှုပ်ထွေးစေပြီး ထင်ယောင်ထင်မှားတွေဖြစ်စေနိုင်တဲ့အပြင် မြူခိုးတွေကြောင့် ခန္ဓာကိုယ်အတွင်းမှာရှိတဲ့ အရိုးတွေမကျန်မချင်း ခန္ဓာကိုယ်ကိုယိုယွင်းပျက်စီးစေနိုင်တယ်။ သူ့ကိုထိခိုက်စေတဲ့လူတွေကို ကလဲ့စားမချေရသေးဘူး။ သူဘာလို့ ဒီလိုမျိုး‌ေသလိုက်ရမှာလဲ?

ဝမ်ဖူ တောအုပ်ထဲက မြူတွေကိုရှောင်ဖို့ကြိုးစားနေရလို့ မတည်မငြိမ်နဲ့သွားနေပေမယ့် ဒီနေရာကနေဘယ်လိုလွတ်မြောက်အောင်လုပ်ရမလဲဆိုတာတွေးတောနေတုန်း တစ်စုံတစ်ယောက်က သူ့ရှေ့ကို ရုတ်တရက်ဆိုသလိုပေါ်လာပြီး သူ့ကိုချုပ်ကာ ပါးစပ်ထဲ ဆေးပြားတစ်ပြားထည့်တိုက်လိုက်တယ်။ သူ့အဲ့ဒီလူကိုတွန်းထုတ်လိုက်ပေမယ့် ထိုလူက သူ့ကို မြန်မြန်ဆွဲခေါ်သွားတယ်။

"ငါ့နောက်ကိုလိုက်ခဲ့ပါ။ အဲ့ဒီမှာကလုံခြုံတယ်။"

ပင်ပန်းစွာရုန်းကန်နေရင်းပဲ ဝမ်ဖူထိုလူနောက်လိုက်သွားခဲ့ရတယ်။ မြူနှင်းတွေထဲမှာ အန္တရာယ်နဲ့ရင်ဆိုင်ရပြီး ခန္ဓာကိုယ်ပါဘာမှမကျန်တော့တဲ့အထိ ချေမွခံရမယ်လို့သူထင်ခဲ့ပေမယ့် သူထင်ခဲ့သလိုဘာမှမခံစားရပဲ အဲ့ဒီအစား ပြန့်ပြူးနေတဲ့ လယ်ကွင်းတစ်ခုပေါ်မှာ လမ်းလျှောက်နေရသလိုသာခံစားရသည်။