كنان (للكاتبه ساره ابراهيم)

البارت التاني الجزء الثاني

بعد وقت طويل خلص الفرح كان الكل مبسوط
ومازن وهمس لسه بيركبو العربيه بس جأء صوت رصاصه ارعبت الكل
لتصرخ نورا و هى تقول . كنااااان
الكل التف حول كنان بفزع
ملك ببكاء وهى تخبط علي وجه برفق. كنان حبيبي رد انت سامعنى
يوسف بخوف وهو يتفحص مكان الرصاصه . متخافوش جت في كتفه مش مكان خطر
عمر وهو ينظر حواليه . مين الي عمل كدا اكيد قريب
مازن وهو يتحرك . يلا ندور ونشوف الكاميرات لحد ما الإسعاف تيجي
قطعهم وهو يقف أمامهم ويضرب طلقه تانيه في الهواء ويقول بسخرية . اى مالكم خايفين كدا مش برضو في الافراح بيضربو نار متنسوش أن همس في يوم من الايام كانت اختي الصغيره واكيد لازم افرح بيها بس معلش جت بالغلط في كنان
همس بصراخ . اختك في عينك يا طه الكلب
انقض عليه يوسف و عمر وهم يضربو فيه بدون رحمه
اما مازن شايف كنان بينزف جامد قرر ياخدو المستشفى و مش يستنا الإسعاف حملو للعربيه بصعوبه تحت بكاء الكل الي كانو في حيره يروحو المستشفي ولا يشوفو يوسف و عمر الي بيضربو في طه
اقتربت راقيه وهى تقول . كفايا كدا و نبلغ البوليس
يوسف بعصبيه . مستحيل هقتلو
كان بيتكلم وعمر مكمل ضرب بس ساعتها البوليس وصل لما أمن الفندق اتصل بيه
اخيرا شالو طه من ايد يوسف و عمر
الظابط . ممكن تيجو معايا القسم نشوف الموضوع هناك
نورا ببكاء . تخدهم لي هما معملوش حاجه والله هما ضربو عشان هو ضرب ابني بلنار
الظابط بهدوء. متخافيش حضرتك أنا عارف يوسف بيه و عمر بيه واكيد هنفهم كل حاجه وانشاء الله تتحل
يوسف بجديه . اتفضل واحنا هنيجي وراك بلعربيه بتاعتي
الظابط . تمام
بالفعل اتحركو و راح معاهم راقيه و نورا
اما الباقي راح لكنان المستشفي بعد إصرار يوسف وعمر أنهم ميدخلوش القسم

بعد مرور وقت طويل يخرج الطبيب
مازن بقلق . خير يادكتور
الدكتور بابتسامه . خير انشاء الله هو كويس الرصاصه جت في كتفه هننقلو اوضه عاديه بس لازم نبلغ البوليس
مازن . اكيد

في قسم الشرطه
الظابط بعد ما سمع كلام يوسف و عمر بص ل طه وهو يقول بسخرية . طه بايه الي لسه خارج من السجن مكملش يومين السجن وحشك اوى كدا
طه بخبث . ياباشا أنا كونت رايح ابارك معرفش أن الرصاصه هتيجي في حد
يوسف بعصبيه . اخرس يلا
طه بسخرية . انت بالذات تسكت خالص مش كفايا خدت مني مراتى و كنان خلانى أطلقها بالعافيه
عمر بضيق . يوسف اتجوز فرح لما انت طلقتها وانت الي طلقت بمزاجك مش غصب من حد
يوسف بتحزير . هات سيرتها تانى وانا والله ما هرحمك
الظابط . واضح من كلامكم أن في عدوا بينكم يعني اكيد الرصاصه مكنتش بالغلط يا طه
طه بارتباك . أنا مش هتكلم الا بوجود المحامى
الظابط بسخرية . حقك اتفضل التلفون
طه . مش حافظ الرقم ممكن اطلع الرقم من تلفوني
الظابط بنفاذ صبر. اتفضل لما نشوف اخرتها
بالفعل أخرج تلفونه يبحث عن الرقم
الظابط . تقدرو تتفضلو بس لو في حاجه هنتصل بيكم تيجو وكمان الصبح هنروح المستشفي عشان نشوف دكتور كنان بيه هيقول اي
يوسف . اكيد بعد اذنك
ذهب هو و عمر أما طه استغل كلامهم وبعت رساله لشخص ما محتواها
(نفذت الي قولت عليه و جه دورك انك تطلعني)
مسح الرساله من عنده ومد ايدو للظابط بلتلفون
خرجو لتجرى عليهم نورا و راقيه
نورا . عملتو اي
يوسف . بعدين كنان فين دلوقت
راقيه . في المستشفى بس الحمدلله الرصاصه جت في كتفه وهو دلوقت كويس
عمر . طب يلا نروح