ကျုပ်ကပြိုင်ဘက်ကင်း(ချူခွမ်းရန်)အတွဲ ၁ က်ဳပ္ကၿပိဳင္ဘက္ကင္း (ခ်ဴခြမ္းရန္) အတြဲ ၁

အခန်း ၁၅ စာကြည့်တိုက်သွားပြီး ဓားနည်းစနစ်များသင်ယူခြင်း

အခန်း ၁၅ စာကြည့်တိုက်သွားပြီး ဓားနည်းစနစ်များသင်ယူခြင်း

တာအိုခန္ဓာကိုယ်၏အဓိကရုပ်သွင်သုံးခုသည် အတူတကွထွက်ပေါ်လာပြီး ထူးခြားဆန်းကြယ်သော တာအိုဓမ္မတေးသံတို့သည် ချူခွမ်းရန်အားဝန်းရံထားသည်။သူ၏ထူးခြားသောကိုယ်ရောင်ကိုယ်ဝါကြောင့် တိုက်ပွဲအားကြည့်နေကြသောတပည့်များသည် သူ့ကို ပြိုင်ဘက်ကင်းဓားနတ်ဘုရားတစ်ပါးဟု ထင်မှတ်နေကြသည်။

ထိုနေရာနှင့် အတော်အတန်ကွာဝေးသော သက်ရှည်ခန်းမထဲတွင်။

အင်ပါယာ ရွမ်ချီသည် သူ၏မျက်လုံးကိုရုတ်တရက်ဖွင့်လိုက်သည်။သူ၏မျက်လုံးထဲတွင် အံ့အားသင့်မှုတို့ထွက်ပေါ်လာသည်။

'' မဟာတာအိုခန္ဓာဆိုတဲ့အတိုင်း တကယ်အထင်ကြီးစရာကောင်းတာပဲ၊အဲဒါက တူညီတဲ့ကျင့်ကြံခြင်း အဆင့်မှာရှိတဲ့ ဘယ်သူ့ထက်.မဆို သာလွန်တယ်၊ကောင်းကင်နက်ဂိုဏ်းက တကယ်ကိုကံကောင်းခြင်းတစ်ခုရရှိလိုက်တာပဲ''

'' ကံကြမ္မာဟောသူ ပြောတာက ကမ္ဘာ့ဧကရာဇ် လမ်းကိုဖွင့်လှစ်လိုက်တာက ၊ ​ရှေးဟောင်းဧကရာဇ်အဆင့်ကိုချိုးဖျက်နိုင်တဲ့အခွင့်အရေးပေါ်လာလိ်မ့်မယ်တဲ့၊ ချူခွမ်းရန်မှာမဟာတာအိုခန္ဓာကိုယ်ကိုပိုင်ဆိုင်ထားတယ်ဆိုတော့ ဧကရာဇ်ပလ္လင်အတွက်သေချာပေါက်တိုက်ခိုက်ရမှာပဲ...၊ချူခွမ်းရန်မင်းငါ့ကို စိတ်မပျက်စေဖို့မျှော်လင့်ပါတယ်''

အင်ပါယာရွမ်ချီက တိုးညင်းစွာရေရွတ်လိုက်ပြီး သူ၏မျက်လုံးမှာမျှော်လင့်ချက်အရိပ်အရောင်တို့ဖြင့်တောက်ပနေသည်။ကောင်းကင်နက်ဂိုဏ်း၏တခြားအဆင့်မြင့်ကျင့်ကြံသူတို့သည်လည်း ချူခွမ်းရန်အားသတိပြုမိကြပြီး သူတို့၏နှလုံးသားထဲတွင် လည်းမျှော်လင့်ချက်တို့ဖြစ်ပေါ်နေသည်။

.....

ကောင်းကင်မျှော်စင်နန်းတော်တွင်...

ချူခွမ်းရန်သည် သူ၏တာအိုရုပ်သွင်သုံးခုကိုထုတ်ဖော်လျှက် နန်းကုန်းဟောင်ဆီသို့လျှောက်လာသည်။

'' အခု မင်းကိုဂျူနီယာညီလေးလို့ခေါ်တာကို အသိအမှတ်မပြုချင်သေးဘူးလား''