حنتهم دماء

البارت 10

حنتهم ____دماء

حسابي الانستا 0f0o8 ضيفوني 🤍🥺

محمد :يمه انه انه السبب ب كل الصار انه كلت لحسن يجي لو ما رحت وكتله جان مااجه وهيج سوا

ام ملاك :شسوووويت انت وليش كلت يجييي

محمد :يمه والله ماعبالي هيج يجي يسوي كل قصدي يجي تشوفه والله من شفتهه هيج تبجي وتريده گلبي حترگ عليهه متت قهر ورحت يمه لخاطرهه

حيدر :يمه انه هم رحت ويه البارحه من طلعنه تخيلي هذا صوجه كتله لا تبوس رجله وباسه

ريم :شنوووووو ليش محمد ليش

ام ملاك :يمه ليش هيج سويت ليششش

محمد :يمه انه لخاطر ملاك كل شي اسوي والله ما اهتميت متندم بس لان رحت واجه هيج سوا

ريم :حبيبي انت ذنب مو ذنبك لا تلوم نفسك ترا هل شي اول تالي هوا جان راح يسويهه ويفصخ

ام ملاك :يي يمه ترا كلام ريم صح سدو هالموضوع لا تحجون بي بعد خاف ملاك تسمع وضوج لان حسن هيج مسوي بيك وبسببهه

محمد :سكتت وظليت بس الوم بروحي بس الصار صار بعد

تشب وتشتعل محدّ يطفّيك.

تسريع الاحداث
سنه 2018/7/1

ريم :ماصار اي تغير بحياتنه غير انو ب هيج يوم الكل فرحنه بنجاحنه محمد صار خامس اعدادي
وحيدر ثاني متوسط اخواني مااشاء الله رغم صغار بالعمر بس يبينون كبار بالشكل وطوال وانه نجحت الثالث متوسط نور سادس ابتدائي نجحت اما صغيرونه زينه صارت ثاني إبتدائي ملاك تغيرت كلش ماتحجي اذا مانحجي وياهه رجلهه صار احسن من قبل راجعنه بيهه دكاتره 3 مرات حته نشوف وضعهه شلون صار محمد جان كلش يهتم بيهه من ناحيه تعقيم بس كالوا انو اكو جلسات تجميليه من تتحسن كامل تروح آثارهن اما ايديهه جان متضرر هواي من حرگ كال ماترجع مثل مجانت كشكل بوگته انقهرنه بس الحمدلله على كل حال اما مينا ماكطعت ويانه مخابراتهه ودوم تسئل على ملاك وب هل فتره عرفت حسن يريد يتقدم لمنار بنت خالته ويحبون بعض جنت اخاف انو ملاك تسمعه لان يوميه هيه على أمل انو يرجعلهه بيوم على رغم كلش اذاهه بس عمرهه ما كرهته مرات انام يمهه اسمعهه تون وتبجي جنت اراقبهه بهدوء وجنت ادعي ربي يبرد گلبهه على الصار شكد نحاول نغير من نفسيتهه بس ماحد كدر بيوم يضحكهه ملاك عاشت جسد بس بلا روحهه لان دوم تكول انه روحي يم حسن من يرد يرجعلي راح اعيش واتنفس من جديد اما امي الحمدلله من ناحيه الخياطة كلش نجحت حالتنه مادية وسط صارت كدرنه نشتري مبرده الخ وتلفزيون ومحمد حيدر يشتغلون هم اما أبويه ماتغير شي منا ظل بشربه يوم نشوفه ايام يختفي وماحد يعرف بي وين بيومهه ملاك صاحتني وكالت اريد احجي وياج فرحتي ما اوصفلكم ياهه جنت مشتاگه لسوالفهه كلهن ولحنانهه علينه هيه ربتنه هيه كبرتنه من فتحت عيني للدنيا وصرت افهم جانت اكبر منا وصغيره وناعمه اذكر شلون تغسل النه ملابس وتسوي اكل وايديهه ماتوصل تخلي جواهه كرسي امي صح جابتنه للدنيا بس التهت بشغلهه ظروف جبرتهه ملاك لكينه بيهه حنان الأم وخوفهه ضحت بمستقبلهه لتوصلنه صح اعمارنه صغيره بس ظروف كبرتنه تغيرت نظرتنه هواي للحياة ماچنه نكول لأمي نريد فلان شي جيبي النه لان نعرف ماعدنه نعررف حته زينه عرفت هل شي بس الحمدلله على كل حال ورحت عند ملاك