"يامساء هالليل ياعطر ودخون ‏ياغرام باهر يا أحلى العمر"

21

لبست سحاب عبايتها بسرعه ونزلت لهم
ورد: هلابي بمرة اخوي
سحاب بصوت مبحوح: اهلا
غيث استعجلهم: اخلصن علي بسرعه امشن قدام
لمى تهمس لغرام: الحين ذا يصير زوج سحاب
غرام بهمس: خطبه بس
لمى: حسافه حلو
غرام قرصتها: لا تسمعك سحاب عاد
لمى: ههههههه اسفه
لمياء تدخل راسها بينهم: وش هالهمس هاه
غرام: نحش فيج
ورد بضحك: والله ياغراموه خذيتي اللهجه
غرام بغرور: شرايك بس ههههههه
اما سحاب عالم ثاني تمشى وتفكر بالي وراهم
صحت على صرخة غيث: هيي انتبهي قدامك
ماحست الا وهي زالقه
سحاب: آييي
غيث ركض لها: خبله ماتشوفين الي قدامك
سحاب بتالم: وش يدريني ان فيه حفره رجلي اهه
غيث يمسك رجلها: ذي
سحاب تحاول تبعد يده: اييه توجع بعد يدك
حاولت تقوم بس طاحت مره ثانيه
غيث التفت للبنات لان مالهم حس
ورد حاطه يدها على خدها: كيوت كانهم الي بالمسلسلات
لمياء : اخس ياغيثوهه
لمى بافتتان: بيصيرون كوبلي المفضل
لمياء: لا الكوبل المفضل غرام وباهر
غرام تضرب لمياء: يابنت اص وش كوبل اذلفي
غيث بصراخ لان اعصابه على الحافه : على شحم انتي وياها ، التفت لسحاب ماتوقع تقدرين تمش..
قاطعته سحاب: الا بقدر حاولت تقوم بس ماقدرت
ورد: وشوله المكابر ياسحاب خلي غيث يشيلك
غرام: هههههه تستحي بنتنا واه فديتها
غيث قرب من سحاب وشالها بدون اي مقدمات
لمى: ااااا يهبلونن
سحاب تمسكت بغيث: بكون ثقيله عليك
غيث: همم
سحاب استغلت الفرصه وجلست تتأمله
الحين ماشاءالله رموشه ذي ولا حاط مسكره
غيث: شرايك انتي
سحاب: هاه سمعتني
غيث: لا قريت افكارك
سحاب سكتت من الاحراج اما غيث ابتسم
-
« عند سيف وباهر »
يشربون الشاهي واجواءهم عالي العال مع اجواء الشتاء
سيف يتنهد: اخيرا نورت يالشتاء
باهر يتكي: انشهد اشتقت للكشتات
سيف بسخريه: وانت الحين وش
باهر: برنا ياخبل انتي
سيف: اي والله لازم نكشخت مع الاهل
باهر: ان شاء الله بعد زواج غيث
سيف : مو متخيل ذا البزر بيتزوج قبلنا
باهر : هههههه بدور لي عروسه من مناك شكلي
سيف: طفشت من العزابيه
باهر: بدال ماشوف وجهك اصبح على وجه مرتي وجهه سمح مو وجهك
سيف رمى على البيز : احمد ربك سيف السلطان جالس معك قدر النعمه
باهر: غلطت نقمه ههههههه
سيف : الله ياخذك يشيخ ههههههه
سكتوا وجلسوا يتاملون الي حولهم والراحة العنوان لجلستهم
« في الرياض ///تحديدا مطار الملك خالد الدولي »
روانا تمشي بالممرات بتوترر وتتسأل كيف بتقابل اهله فوق ذا اهله بدويين وبديره كيف تتعامل معهم!!
جاسر:يامره اهجدي
روانا بـ لكنة بريطانيه: ?are you kidding me
(تمزح معي انت؟؟)
جاسر وصلت معه منها:ارطني عربي !!!
روانا:No, you really lost your mind, I'm nervous about meeting your parents
(لااا صدق طار عقلك !! تراني متوتره كيف بقابل اهلك!)
جاسر :ايزي يامره بس انتي اقعدي خلينا نتكلم زي الناس sat down! Why are you hovering around my head like a fly!!!!
(اجلسي!!!! شعندك تدورين فوق راسي مثل الذبان!)
جلست روانا لدقائق مليئه بالصمت حتى وصلت شناطهم
وخذوها وتوجهو للخارج باستقبال صديق لجاسر
بدا جاسر يطرح عليها القوانين لمواجهة اهله:اول شي احتسي عربي ثاني شي واهم شي امي لا تراددينها
والحين بنروح فندق نحط اغراضنا ونوجه لديره مافي وقت
روانا بـ عربيتها المكسره:نووو افكورس مو من جدك بتروح لاهلك الحين اولردي جا الليل نريح ونمشي
جاسر:ركزي ترا بالسعوديه مو لندن عشان تغرب الشمس الحين
روانا:اوكي يلا نمشي
‎« في الديره»
رجعو باهر وسيف للديره
سيف:معليش باهر بس باخذ اختي من عندكم وبعدها نروح نخلص اشغالنا
باهر:عادي يارجال مب مشكله
مرو بيت ابو جاسر وخذو غرام وراحو لبيت ابو سيف
"داخل بيت ابو جاسر"
اعتلت اصوات البنات بحلطمه من قرار امهم
لمياء:يمههه ترا المشب برا فالحوش كذا ولا كذا بيتوصخ
ورد:يوهوووو يمه ليش لازم ننظف العزيمه بكره مب اليوم
ام جاسر: اللي مايحابس دام الخد يابس لا جا السيل اغداه بعابس