قالك وحد الخطره كان كاين شله هايله متكونه من سته اشخاص وهم : تستس، ضحضح، ليليا، نعنع، بلقلق ورزرز
ايا المهم كانو فرندز ملاح يحبو بعضاهم وكلش وهاذي نورمالمون قصه حياتهم وراك فاهم كيفاه-
بسم الله نبدأ
.
روزه : نوضي يا البقره نروحو نقراو تصلحي غير للرقاد
ليليا : الله لا تربحك كي جيت نكشف سر الفضائيين نوضتيني امشي طيري عليا
روزه خرجت تجري وعطات لختها ابتسامه مستفزه
ليليا : امبعد نوريلك صحاي ، ننوض نوجد روحي ضك ديجا رانا روطار
•وجدو الاختين روحهم وشربو قهوتهم بينما..
تستس : نعنع يا نعنععع نوضيي راهيي السبعه ونصص
نعنع : *تهترف* اههخع قلتلك منقبلش بوليدك علاه متخطبولهش معزه وتزوجولي خوه...
تستس : حوجيانا ذي الطفله زلزال مينوضهاش...*خبطتها بكف باه تفطن*
نعنع : بسم الله شاكاين شكون نتي جن ولا انس
تستس : شاكاين؟!؟ شوفي شحال راهي الساعه تعرفي
*شافت الساعه*
نعنع : هداماكان نوضتيني علاجال هادي موالفه الروطار شيكورهه اناا
تستس : ياربي حابه تجلطني نوضي البسي ازربي
نعنع : بصح والله ما نسمحلك طيرتيلي وحد العريس وش نقولك عليه صاروخ وخلاص
تستس : ياوو نوضيي لبسيي وشمنن عريسس اني نتيري عليك بالبليغه تع النيلو
نعنع : خلاص مالكي تقلقتي اني نايضه..
•لبسو الاختين تان وجاو خارجين وفي نفس الوقت ايضا
*شف زعما بلقلق جابت قشها وباتت مع ضحضح*
ضحضح : *هذاوين ناضت* احح راصي وش صرا...باينه من الجو تع التفاح لي شربته لبارح..
بلقلق : *تخرجلها من العدم وتخلعها*
ضحضح : *من الصدمه عاودت نصرعت..*
بلقلق : هههههههههه خلعتك
ضحضح : *صمت*
بلقلق : اوو مالكي ختي نوضي كنت نزعق معاك
ضحضح : *ستل صمت*
بلقلق : حوجيانا واقيلا قتلت الطفله شاندير....ضحضح نوضييي
ضحضح : *مسكينه حركه مادارتهاش*
بلقلق ويي تقبتها وش ندير ضك...
•جاتها فكره وقولولها لا عاد تفكر..
بلقلق : نحبسها في الشمبره ونخليها تغيب...هو نقدر منحبسهاش غير نخليها وكي تنوض تجي روطار بصح نحبسها انتقاما منها على وش دارتلي البارح....
•لي حابين يعرفو وش صرا "لبارح" كملو تقراو😏
وجدت بلقلق روحها وخرجت هي تان بالطبع وراحت للمكان لي يتلاقاو فيه الشله باه يروحو كيفكيف
*زعما ضحضح وتستس يقراو في ليسي واحد والباقيين فنفس السيام*
وصلت لقاتهم كامل لتماك من غير ليليا وروزه
بلقلق : صباح الخيررر اجماعهه
تستس : صباح النور...
بلقلق : هذي مالها راهي تشهق..
نعنع : اه..ل.لعريس..راح..
بلقلق : هاه شكون؟
تستس : مديريش عليها ناضت روطار سبقتها في الطريق وخليتها حتى جات تجري راهي قاع دايخه، المهم ضحضح وينراهي مشي بتتي عندها؟
بلقلق : اا..لوخر..ضحضح راهي مريضه شويه ما قدرتش تجي اليوم...
تستس : اوه ربي يجيب الشفا مور لقرايه نروحو نطلو عليها
نعنع : ياخو بدا يتأخر الوقت ليليا وروزه وينراهم مشي من عادتهم يبطاو..
تستس : اصبري ايثينك جاو
•لمحو الاختين جايين يجرو من بعيد
تستس : مالكم مشي من عوايدكم تجو روطار
روزه : قلتلها متروحش هي راصها خشين
بلقلق : اصبرو وش كاين بلعقل
ليليا : ما حبوش يعطوني كاندي شوكو
نعنع : شكون..
روزه : ياخو كنا جايين نورمال امبعد الاخت نفحتلها تشري كونديا في الطريق كي لقات الحوانت قاع مبلعين ناضت نخبط عليهم حابه تهرسلهم البيبان-
ليليا : من حقي!
روزه : بلعي خليني نكمل
ليليا : *تعطيها بكف*
روزه : تسما راكي حابه دبزه؟
نعنع : معليش تبلعو وتكملو السالفه
روزه : ايه صح...المهم كانت الاخت تخبط حتى لقات الباب نفتح نخلعت، لقينا شيباني خرجلنا بالعصا
.
الشيباني : متحشمووشش! يا الخانزاتت راهي السبعه تع الصبح ماتكفرونيش مع صبح ربي
ليليا : عمي مالك تاكل في روحك حبينا نشرو كونديا هاداماكان نورمالمون تحترمو الطالب وتفتحو بكري
الشيباني : تسما تعلميني وش ندير واه ارواحي هنا تشو
روزه : *حكمتها من اليد وقلعو يجرو*
ليليا : اصبريي مازال مكملتش هدرتي
روزه : ياودي اجري وبلعي حابه تنضربي بذيك العصا للراص يغاشيك؟؟
ليليا : يضربني نضربو هكا تمشي لحياه
روزه : اكي تباني زاطله سواسوا..المهم واه عندك الحق ايا كملي تجري ضك
.
روزه : عطلتنا في باطل والله
ليليا : خطينا حمبوك صحا ضحضح وينراهي
قالولها الجماعه بلي زعما راهي مريضه
تستس : اصبرو شحال راهي الساعه...
روزه : ...
بلقلق : ...
ليليا : ...
نعنع : ...
تستس : اجرو..
قلعو المهابل تاوعنا مور ما استوعبو بلي راهم متأخرين
.
•دخلت ليليا ونعنع لكلاصتهم
الاستاذه : عسلامه حنوناتي ولو منين جيتو والله ماكم داخلينها
ليليا : علاه غير لخير
الاستاذه : ايواااه جاييني روطار وتزيدو تهدرو انقلعو جيبو البيي ايا
نعنع : روطار زوج دقايق منيتك
الاستاذه : زوج دقايق اهي بدايه الحصه
نعنع : مازال ما كتبتيش حتى تاريخ اليوم يا استاذه استغفري ربك..
الاستاذه : كي وليتي نتي تعلميني وقتاش تبدا حصتي ارواحي نتي قري وخلاص وشرايك؟!
نعنع : ماذابيا-
ليليا : *قرصتها وهمست* بلعي فمك ختي ضك يحاوزوك مليكول كامل ونحصل معاك..
نعنع : اح صحا خلاص بلا قريص
الاستاذه : ايا خرجو خلوني نقري
*استسلمو وخرجو من الكلاصه*
ليليا : امشي نروحو نجيبو البيي
نعنع : وش نقولولهم التبرير؟ كنا نقصرو حتى راح علينا الحال ياك
ليليا : حبيتي تقعدي هنا اقعدي انا نروح نسيي زهري
نعنع : خلاص ني جايه..
•راحو بناتنا للإداره وكي جاو داخلين سمعو العياط
بلقلق : كيفاه هادي نجيب بابا باه تعطوني البيي ابنعمي!
روزه : عندها الحق درنا روطار غير شحال من دقيقه لازم نجيبو مالينا؟ منيتك
نعنع : وش كاين اجماعه...
السيرفايو : اذا نتوما تان متأخرين غير خرجو معاهم ماكاش البيي باه تتعلمو تجو في الوقت متقعدوش تلعبولي في الزنقا
ليليا : ونتي وين شفتينا..
السيرفايو : متناقشونيش ايا برا
بلقلق : والله ما نخرج يا ال-
روزه : *غلقتلها فمها ولوخرين حكموها من اليدين وخرجوها بسيف*
ليليا : حنا نحوسو نخلوهم يدخلونا ونتي حابه تدابزي
بلقلق : هي خربت فيا يزح
ليليا : اخربي فيها! بصح متحت لتحت اكي فاهمه
بلقلق : كيفاه-
نعنع : عندي فكرههه تبعينيي
روزه : ادوني معاكم
ليليا : ياو مشي وقتو ضك خلو لمبعد
نعنع : خلاص نتوما اقعدو نروح مع بلقلق وضك نولو
ليليا : تسما انا شجره ياك
بعد دقيقتين رجعو الزوج وهوما يجرو زباله كبيره شويه كانت في الساحه..
ليليا : نتوما ضك مهابل ولا مهابل فهموني..
بلقلق : وخري مطريق برك
الاختين داو قاع ذاك الخنز رماوه عند باب المكتب تع السيرفايو الكلبه
•باه يمشي السيناريو نقولو الحاله كانت فارغه سو ماكاش لي شافهم راك فاهم هه💀
روزه : ابابا ريحه الخنز راهي تصرع حنتقيا
ليليا : انا نقول نهربو قبل ما تطفر فينا
نعنع : ويي ايا نخرجو طز في القرايه اصلا راه غير كيما بدا العام نهار واحد ميضرش..
بلقلق : نروحو نشرو المحاجب-
ليليا : ختي راهي الثمنيه تع الصبح حابه تديري اعصار في كرشك؟
بلقلق : متعرفوش تعيشو
•اياا الشابين تاوعنا خرجو مليكول
روزه : نولو للدار ضك ولا عندكم كاش افكار..
ليليا : مشي قلتو ضحضح راهي مريضه؟ نروحو نشوفوها
نعنع : صحح اياا
بلقلق : اا..مالكمم مقلقينن تكون راقده ضك
ليليا : ختي اموا نعاونوها شويه..
بلقلق : ماجاياش نروحو بلا تستس انا نقول من الافضل كون نروحو نقرعجو عليها شويه
نعنع : زعما حيخلوك تدخلي لليسي
بلقلق : ما تعرفيش تتسلقي؟
نعنع : ....
ليليا : توا مالاد والله العظيم..
روزه : حاسبتنا شواده كيفها
بلقلق : امشوو نورمال نسوطو من فوق الحيط ونتخباو في التوالات اذا شفنا كاش واحد
نعنع : خلاص اقتنعت
ليليا : كاش ما يصرا خاطيني نقوللهم خطفوني وجابوني معاهم
روزه : انا نهرب تشوفو غير الغبار مورايا
بلقلق : معليش المهم نروحو ، بصح الكراطب وين نديروهم يعيونا كون نقعدو بيهم
نعنع : نرموهم في الطريق وخلاص اذا داوهم ربي يسمح
ليليا : بلا تبهليل..صحبتي تسكن قريب من هنا وما تقراش الصبح ندوهملها
نعنع : اوكك فريناها
•راحو عند الطفله قعدت تسيف عليهم باه يدخلو يريحو قالك احترام وقذا بصح قالولها لالا حطو قشهم وقلعو لليسي
•المهم لحقو وطلعو فوق الحيط بالوحده لقاو الحاله فارغه ونقزو
نعنع : قلبي نقز معايا-
بلقلق : هااهه ما صرا والو غير تاكلو في روحكم
ليليا : صحا ازربو وش الخطه
نعنع : لازم نخرجو تستس وعندي خطه شابه
روزه : قبل كلش..تقرا فأي كلاصه؟
نعنع : والله معلابالي بصح وصفتلي البلاصه خطره..
ليليا : معوله تدينا للهاويه نتي
نعنع : اصبري كيفاه نصارحك بلي نتي اساس الخطه-
ليليا : ناه..امبوسي
بلقلق : علاه ليليا؟
نعنع : هو شف خاطرش كيما راكي تشوفي تبارك الله هي الطويله قاع فينا سوو تبان تقرا معاهم
ليليا : شاكي تمعني-
نعنع : واللوو، اا المهم الخطه انه ليليا تلعبها بلي كانت في التوالات وراهي موليه لكلاصتها اذا لقات زعما سيرفايو وسقساتها تكون عندها حجه، موراها تروح لكلاصه تستس وتقوللها الاستاذه لي راهي تقريني حابه تهدر معاك وتديها وتجيبهالنا وهذاماكان-
ليليا : واذا سقساتني استاذتها عندمن نقرا؟
نعنع : عندهم استاذه تع فرونسي اسمها بوجغنونه حياه
بلقلق : شهاذ الاسماوات استغفر الله ياربي-
روزه : معلاباليش وش كانو يخممو كي يجو يسمو
ليليا : المهم اخر حاجه...وين تقرا تستس؟
نعنع : دوزيام ايطاج اخر كلاصه على اليمين...هو مانيش سور بصح سيي زهرك يزح لازم شويه مخاطره
ليليا : راني نريسكي بحياتي تخلصوني
نعنع : لمبعد نتفاهمو روحي ضك وحنا نتخباو في التوالات ونستناوكم
ليليا : ايا ادعولي..باي باي
•راحو البنات يتخباو وراحت ليليا تنفذ المهمه
ليليا : الحمدلله ماكان حتى واحد في الساحه..
•طلعت ليليا وراحت للكلاصه تع تستس
ليليا : *نفس عميقق* يو كان دو ايتتت
•دقدقت في الباب ودخلت
ليليا : السلام عليكم استاذه
الاستاذه : انعم بنتي شاخصك
ليليا : معليش ندي تستس معايا؟ استاذه الفرونسي راهي مسحقتها
الاستاذه : ايه نورمال بصح ما تبطاوش
ليليا مع روحها : *وتف بهذي السهوله-*
*خرجت تستس مع ليليا وغلقو الباب*
تستس : ختيي شاكي ديري هنا كيفاه ومعامن ولاه جيتي!؟!؟
ليليا : بلعقل اودي ضك نفهمك...هو الموضوع انه حاوزونا مليكول سو جينا ندوك معانا يو نو متحلاش اللمه بلا بيك-
تستس : اهبلو وحدكم انا خاطيني حابين تحصلوني ولا كيفاه
ليليا : عام وحنا نوجدو في الخطه مع لخر هكا ارواحيي نورمال امبعد ندبرو الوضع
تستس : والله ماني مرتاحتلكم نتوما وخطتكم بصح معله..
ليليا : المهم شوفيي اهبطي نتي للتوالات ونا نهبط موراك بشويه باه اذا كاش واحد شافنا ما يشكش
تستس : اوك..
•هبطو وراحو للتوالات وتلاقاو بباقي الشله
نعنع : هاهي خطتنا نجحت ماصرا والو
بلقلق : صحا خفو حركو روحكم خصنا نخرجو
؟؟؟ : شاكمم ديروو
•دارو موراهم وشافو راجل كرشه خارجه تحسب راه في الشهر التاسع
روزه : هذا من شكله باين المدير ايا اتهلاو
بلقلق : اجروو
المدير : وين راكم رايحين ارواحو هنا كامل عندكم استدعاء وتقرير!!! *راه يجري موراهم*
ليليا : اللرض راهي تنهز معاه
تستس : يارب ميشوفنيش اصلا انا علاه جيت معاكم يربي
نعنع : المهم نسلكو ضك ايا
•نقزو من فوق الحيط وخرجو وبعدو شويه على ليكول
تستس : بسم الله اعوذ بالله ياربي-
بلقلق : حاسه روحي خارجه من فلم اكشن
روزه : تصلحو غير للزبايل
ليليا : زعما نتي خاطيك..
نعنع : عييت يزح حابه نرقد
ليليا : حقاكك هاهي جات تستس نروحو كامل عند ضحضح نقعدو معاها ونريحو لتماك
بلقلق : مازال الحال شويه...ايا نروحو نشرو حاجه ناكلوها يكونو فتحو لحوانت يو نو
روزه : ختي حركاتك مشكوك بأمرها..
ليليا : صح كل ما نجبدو ضحضح تجبديلنا موضوع وحدوخر وتحاولي تلهينا..
نعنع : بلقلق وش درتي-
بلقلق : ....
تستس : اهدريي شادرتي للطفله
بلقلق : *قالتلهم وش صرا الصبح وبلي غلقت على الطفله فشمبرتها وخلاتها بلا والو*
ليليا : منينن تخممي نتيا يرحم باباك؟!
بلقلق : هاذا يسموه انتقام
تستس : انتقام على واش ختي حابه تخرجيلنا الطفله من عقلها
روزه : فبلاصه ماكم قاعدين تدابزو اجرو نلحقو على الطفله
•راحو قاع كيفكيف لدار ضحضح وكي دخلو..
.
.
.
هذي غير البدايه سو ماكاش حماس بزاف😍
ديرو جام واقعدو تقارعو لبارت 2 باه تعرفو وش صرا وشكرا😘🤙🏻
